Lil le kolossenge

Chapters:

1 2 3 4

verse #1

Kodo kamav, te zhanen avri, sar butyarav anda tumende, anda laodiceaicka, haj sa anda kodal, kon chi dikhline mure trupos peske jakhenca,

verse #2

ke lengo ilo te ushordyol, haj ando kamipe kethane te bilyal haj te resen ande hatyarimasko intrego pinzharipesko barvalipe, pe Kristosko pinzharipe,

verse #3

ande kaste le platnikipeske haj sakone zhanipeske avucija garadyol.

verse #4

Kado anda kodo phenav, ke khonyik tena zhanel te xoxavel tumen shukarne vorbenca.

verse #5

Ke vi dur te som tumendar trupikanes, ba duhosa tumenca som, haj loshshav kana dikhav mashkar tumende e pacha, haj ke zurales patyan ando Kristo.

verse #6

Anda kado, ke sar patyajline le Raj Jezush Kristos, kade vi trajin ande leste,

verse #7

rikitisardyon ande leste, haj barardyon pe leste! Zurardyon ando patyape, sar sityilineles, haj te avel butardo tumaro najisipe!

verse #8

Len sama, ke khonyik tena shol tumen phangleske platnikipesa, haj xalya vorbasa, so kaj le manushikane tradiciji haj kaj la lumake trabi pashardyon, haj na karing o Kristo.

verse #9

Ke ande leste beshel le devlikanipesko intregonipe ande truposte,

verse #10

haj ande leste resline po intregonipe, ande leste, kon sakone krajipesko haj saktimosko sheroj.

verse #11

Ande leste vi krujalshindine tumen, na vastesa kerdino krijalshinipesa, ba le hatyarimaske truposke tele shudimatasa, kathar o Kristo kerdo krujalshinipe,

verse #12

kana lesa kethanes praxosardyiline ando bolardyipe, haj lesa kethanes vi opretrajisardyiline, ande kodale Devleski zor patyamnes, kon les opretrajardas anda meripe.

verse #13

Lesa kethanes vi tumen, kana mule sanasle anda tumare bezexa haj truposko bi krujalshinipe, opretrajardas tumen perdal pa kodo, ke jertisardas amare sagda bezexa.

verse #14

Leske vladipenca le kamipeske liles, so dosharelas amen, koslas, shutasles anda drom, haj po trushul karfardas les:

verse #15

tele kolyardas le krajen haj saktimon, angla sakoneste tele lazhavardas len, haj barardyilas pe lende.

verse #16

Apol khonyik tena krisarel tumen anda xamasko bake pimoski traba, chi anda baro dyes, anda nyevo shonitiko bake anda savato.

verse #17

Kadal numa leske tunyarikimata le avlimaske trabenge, ba o sipe le Kristoskoj.

verse #18

Ke chi perelpe tumenge o potyinipe tena phenel tumenge kasavo manush, kon asharel pes ando blindope haj ando andyelongo patyivisaripe, kon phutyardo kerdyol anda peske dikhlimata, anda khanchi baripesko kerdyol ande pesko duho,

verse #19

haj chi pashardyol kaj o shero, kon grizhol haj kethane shol le riga ando trupo, ke te zhutisarel kathar o Del inkerdino bararipe.

verse #20

Kana apol muline le Kristosa kethanes la lumake rigange, sostar len pe tumende krisa, sar ande luma te trajinas:

verse #21

„Na res leste, na zumavles, na unzu leste!”

verse #22

Ke kadal sa anda kodol si, ke te pustisajventar kathar o hasnisaripe. Numa pa manushikane vladimata haj sityarimata si vorba.

verse #23

Platnikenge sikaven pen, anda devlikane patyivisaripe anda blindosaripe, haj ke dukharen pen, ba naj ande lende khanchi baripe: numa le hatyarimaske truposke slugin haj dostaren avri.

Chapters:

1 2 3 4