chapter 4
Rajale, den le slugange kodo, so perelpe, ke zhanen, ke vi tumen si Raj ando rajo!
Ando rudyipe aven zurale, aven ande leste samalinde haj najisarde!
Rudyisaren vi anda amende, ke o Del te putrel opre angla amende o vudar kaj o vorbipe, kaj le Krisatoski tajnako viacaripe, anda soste vi ande sastra mardine man,
ke kade te pinzharavav kodo, sar pa leste trubuj te dav duma.
Aven platnika angla avralutne, haj hasnisaren opre kodo, kana resardyol e lashi traba! Mishto trajisaren opre e vrama!
Tumaro vorbipe te avel sagda skunpo, lonesa svadaslo, ke te zhanen kaske, sar te zhanen vorba te den!
Pa muro trajo sakofalo phenela tumenge o Tichikus, o kamado phral, o patyivalo sluga haj muro slugicko amal ando Raj.
Zhianda kodo bishaldom les tumende, ke te pinzharen amaro trajo, haj te ushorisarel tumaro ilo.
Lesa zhal vi o Onezimos, o skunpo haj patyivalo phral, kon tumendarutno si. Von maj pa sakofaloste vorbina tumenge, so kathe pecisardyol.
Drobovjisarel tumen o Aristarchos muro robicko amal, haj o Mark, le Barnabashesko nyamo, pa kaste vladmata line – ke tumende te zhala, lenles mashkar tumende –,
haj vi o Jezush, kas Justuseske anavaren. Mashkar le bibolde numa von si mura butyake amala ande Devleske themesko slugimasko viacaripe, haj vi pe muro ushoripe sas von.
Drobovjisarel tumen o Epafras, kon tumendarutno si, haj le Kristo Jezusheski slugaj, kon sagda butyarel anda tumende ande rudyimata, ke zurale patyapesa te tordyon avri ande kodo, so le Devlesko kamipe si.
Chacharav me pa kodo, ke but khinyardyol anda tumende, haj anda kodal, kon ande Laodicea haj ando Heierapolis sile.
Drobovjisarel tumen o Lukach, o kamado sastyari, haj o Demas.
Drobovjisaren kodale phralen, kon ande Laodicea si, la Ninfa haj le kethanipes, kon ande lako kher si!
Kana kado lil tumende opreginadine, grizhon tumen pa kodo, ke vi ande laodiceake eklezhiji opre te ginavenles, le laodiciengo pale tume te ginaven!
Phenen le Archippososke: „Av pe kodo, ke te keres o slugipe, so lan ando Raj!”
O drobovjipe me, o Pal, mure vastesa iskirisarav. Serosardyon pa mure sastra! Gracija tumenca!
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly