Lil le kolossenge
4. fejezet
1. vers
Rajale, den le slugange kodo, so perelpe, ke zhanen, ke vi tumen si Raj ando rajo!
Sakoneske ferimata
2. vers
Ando rudyipe aven zurale, aven ande leste samalinde haj najisarde!
3. vers
Rudyisaren vi anda amende, ke o Del te putrel opre angla amende o vudar kaj o vorbipe, kaj le Krisatoski tajnako viacaripe, anda soste vi ande sastra mardine man,
4. vers
ke kade te pinzharavav kodo, sar pa leste trubuj te dav duma.
5. vers
Aven platnika angla avralutne, haj hasnisaren opre kodo, kana resardyol e lashi traba! Mishto trajisaren opre e vrama!
6. vers
Tumaro vorbipe te avel sagda skunpo, lonesa svadaslo, ke te zhanen kaske, sar te zhanen vorba te den!
Andre agoripe: haj drobovjimata
7. vers
Pa muro trajo sakofalo phenela tumenge o Tichikus, o kamado phral, o patyivalo sluga haj muro slugicko amal ando Raj.
8. vers
Zhianda kodo bishaldom les tumende, ke te pinzharen amaro trajo, haj te ushorisarel tumaro ilo.
9. vers
Lesa zhal vi o Onezimos, o skunpo haj patyivalo phral, kon tumendarutno si. Von maj pa sakofaloste vorbina tumenge, so kathe pecisardyol.
10. vers
Drobovjisarel tumen o Aristarchos muro robicko amal, haj o Mark, le Barnabashesko nyamo, pa kaste vladmata line – ke tumende te zhala, lenles mashkar tumende –,
11. vers
haj vi o Jezush, kas Justuseske anavaren. Mashkar le bibolde numa von si mura butyake amala ande Devleske themesko slugimasko viacaripe, haj vi pe muro ushoripe sas von.
12. vers
Drobovjisarel tumen o Epafras, kon tumendarutno si, haj le Kristo Jezusheski slugaj, kon sagda butyarel anda tumende ande rudyimata, ke zurale patyapesa te tordyon avri ande kodo, so le Devlesko kamipe si.
13. vers
Chacharav me pa kodo, ke but khinyardyol anda tumende, haj anda kodal, kon ande Laodicea haj ando Heierapolis sile.
14. vers
Drobovjisarel tumen o Lukach, o kamado sastyari, haj o Demas.
15. vers
Drobovjisaren kodale phralen, kon ande Laodicea si, la Ninfa haj le kethanipes, kon ande lako kher si!
16. vers
Kana kado lil tumende opreginadine, grizhon tumen pa kodo, ke vi ande laodiceake eklezhiji opre te ginavenles, le laodiciengo pale tume te ginaven!
17. vers
Phenen le Archippososke: „Av pe kodo, ke te keres o slugipe, so lan ando Raj!”
18. vers
O drobovjipe me, o Pal, mure vastesa iskirisarav. Serosardyon pa mure sastra! Gracija tumenca!
Könyvek
