Peteresko dujto lil

Fejezetek:

1 2 3

1. vers

O Shimon Peter le Jezush Kristoski sluga haj aposhtolo, kodalenge, kon amenca jekharsa resline intergones o patyape perdal pa amare Devlesko haj amare muntoimaske Jezush Kristosko chachipe.

2. vers

Gracija haj pachipe te pherdyarel tumen ande Devlesko haj ande amare Rajesko ande le Jezusheseko pinzharipe!

3. vers

Sa kodal trabi, so kaj o trajo haj kaj o deldaramnipe trubuj, o devlikano saktimo das amenge perdal pa leste, kon amen peske luvudyipesa haj zorasa akhardas.

4. vers

Perdal pa leste amenge das le kuch paratnimatan, ke perdal pa lende rigasle te aven le devlikane trajoske, haj te muntosardyon kathar kodo rumosaripe, so ande luma rajilpe.

5. vers

Bolden apol vi tume tumare sakone gindimata pe kodo, ke tumare patyapesa te slugin le harnyikipes, le hanyikipesa le zhanipes,

6. vers

le zhanipesa le dostaipes, le dostaipesa le pachake toleranshipes,

7. vers

la pachake toleranshipesa le deldaramnipes, le deldaramnipesa le phralikane kamipes, le phralikane kamipesa le dopashone vortakipes.

8. vers

Ke kadal sa te si, haj butardes si ande tumende, chi shona tumen shushenge, haj chi bi sumbureskirenge ande amaro Raj Jezush Kristosko pinzharipe.

9. vers

Ba ande kaste naj andre kadal, kodo korro si, haj bisterdyilas pa peske dulmutane bezexengo uzharipe.

10. vers

Anda kado inke majfeder aven pe kodo, phralale, ke chacheske te keren tumari butyi haj tumaro avrialosaripe, ke kado te kerena, chikana perenatar.

11. vers

Ke kade bulho vudar puterdyol tumenge ande amare Rajesko haj muntoimasko Jezush Kristosko sagutno them.

12. vers

Anda kado pe kodo som, ke kadal sagda te phenav tumenge, ba chaches, ke zumade haj pinzharimaske sanle ando chachipe.

13. vers

Ke lasheske gindisarav kodo, ke zhikaj ande kadi cerha som, te dav duma tumenge haj te sidyaravav tumen,

14. vers

ke zhanav pashe si aba mura cerhako tele putripe, sar kado vi o Jezush Kristo avrizhanardas manca.

15. vers

Ba pe kodo avo, ke pa kado vi pala muro meripe te serosardyon.

16. vers

Ke na kathar avrirakhline paramichi zhanardam tumenca, amare Raj Jezush Kristosko saktimo haj sikadyipe, ba sar kodal, kon dikhara samas leske barimaske.

17. vers

Ke kana kathar o Dadunodel patyiv haj luvudyipe las, kado glaso das duma leste anda uchipe: „Kadoj muro kamado shavo, ande kaste vojiv man!”

18. vers

Ame ashundam kado glaso, so anda uchipe ashundyilas, kana lesa samas po sunto plaj.

19. vers

Haj pharo profeticko vorbipe pinzharas, pe soste mishto keren, te dikhena, sar pekh phabardi so andekh tunyarnyiko than si, zhikaj o kham opre chi zorila, haj le zorimasko cherhaj opre chi ushtyela ande tumaro ilo.

20. vers

Anglalutnes kodo trubuj te hatyaren, ke le Iskirimasko chi jekh profecipe na anda jekhe manushesko gindipe si.

21. vers

Ke chikana anda manushesko kamipe kerdyilas o profecipe, ba le Devleske sunci manusha kathar o Sunto Duho zhutisardines vorbinas.

Fejezetek:

1 2 3