Angluno lil kaj le tessalonikicka
1. fejezet
Adresipe haj drobovjipe
1. vers
O Pal, o Silvanus haj Timoteush le tessalonikicka eklezhiake, kon ando Dadunodel haj ando Jezush Kristo trajil. Gracija tumenge haj pachipe!
Le tessalonikenge patyivisarde
2. vers
Najisipe phenas le Devleske anda savorazhenende sagda, kana serosardyuvas ande amare rudyimata. Sagda gindisaras
3. vers
angla amaro Del haj Dad ande amaro Raj, ando Jezush Kristo inkerdo fruktosaripe, pe tumaro khinyisardo kamipe haj pe tumaro torelansho sperantipe.
4. vers
Zhanas, kathar o Del kamle phral, ke alosarde sanle.
5. vers
Ke ame o evangeliumo na feri vorbenca viacarasas tumende, ba vi zorasa haj Suntone Duhosa, haj intregonipesa. Ke zhanen, ke soske samas mashkar tumende, anda tumende.
6. vers
Tume pale amare patyamne kerdyiline, haj le Rajeske, patyajline le alaves mashkar but kikidyimata, le Suntone Duhoske losshasa.
7. vers
Kade patyivisarde kerdyiline sakoneske ande Makedonia haj ande Akhaj.
8. vers
Ke le Rajeske alavesko viacaripe tumendar zhal majdur, na feri ande Makedonia haj Akhaj. Tumaro ando Del patyamnipe reslas pe sogode riga, kade china chi trubuj pa kado majdur te vorvisras.
9. vers
Ke sakon vorbisarel pamende, ke sar reslam tumende, haj ke sar boldadyiline karing o Del kathar le fetisha, ke le trajisarde Devleske te slugisaren,
10. vers
haj te zhukaren anda o rajo leske Shaves, kas opretrajardas anda meripe, le Jezushes, kon muntusarel amen kathar e avluni xolyi.
Könyvek
