Angluno lil kaj le tessalonikicka
5. fejezet
Opreakharipe po gataavlipe angla le Rajesko dyes
1. vers
Ba pa vrama haj pa chaso naj anda soste te iskirisarav tumenge phralale.
2. vers
Ke vi tume mishto zhanen, ke le Rajesko dyes kade avelatar, sar ratyi o chor.
3. vers
Kana kodo phenen: „Pachipe haj bi daripe”, zhi atunchi shindyol pe lende e bida, sar pe phari romnyi e dukh, haj chi muntosardyonatar.
4. vers
Ba tume, phralale, chi sanle ando tunyarikipe, ke kodo dyes sar chor te del pe tumende.
5. vers
Savorazhene le fimlalimaske haj le dyeseske shave sanle. Chi sam chi la ratyake haj chi le tunyarikimaske.
6. vers
China tena sovas, sar le majbut, ba barem avas samalinde haj trazi!
7. vers
Le sovjinde ratyi soven, le mate ratyi matyon tele.
8. vers
Ba ame, kon le dyeseske sam, avas trazi, haj te las opre le patyapesko haj le kamipesko sastrune gada, sirastrumoske pale le muntosardyimasko sperantipe.
9. vers
Ke o Del na pe xolyi kerdas amen, ba pe kodo, ke te resas o muntosardyipe, perdal pa amaro Raj pa Jezush Kristo,
10. vers
kon mulas anda amende, ke opre te sam, te sovasa, lesa te trajisaras.
11. vers
Ushorisaren apol jekhavres, haj aven pe jekhavrengo mishtyipe, sar vi keren kado.
Vorbadelipe karing le kethanipesko trajo
12. vers
Haj mangas inke tumen, phralale, ke te patyivisaren kodalen, kon khinyardyon mashkar tumende, kon tumare anglalutnara si ando Raj, haj ferin tumen.
13. vers
Anda lengi butyi kamen len zurales! Trajin ande pacha jekhavresa!
14. vers
Haj mangas inke tumen, phralale, ke lazhavaren tele le bi pachakiren, haj zuraren le daramne ilengiren, ferin le slabonen, haj aven toleransha sakonesa!
15. vers
Len sama, ke khonyik, anda nasul nasulesa tena potyinel, ba sagda slugisaren jekhavres haj sakonesko mishtyipe!
18. vers
Anda sakofaloste phenen najisipe, ke kado zhukarel o Del savorazhenendar ando Kristo Jezush.
20. vers
E profeticko vorba na dikhen tele!
21. vers
Sakofalo gindisaren perdal: so lashoj, kodo inkresaren!
22. vers
Kathar skofalo nasul ferin tumen!
Andreagoripe: ashtyilipe haj drobovjipe
23. vers
La pachako Del te suntosarel tumen ande skofaloste, haj tumaro intrego duhipe, sar tumaro duho kade vi tumaro trupo te ashol bi doshako pe amaro Rajesko, pe Jesush Kristosko avlipe.
24. vers
Kon akharel tumen, chachoj, kade vi kerel kodo.
25. vers
Phralale, rudyisaren anda amende.
26. vers
Drobovjisaren sakone phrales suntone chumindesa.
27. vers
Vladisarav ande Rajesko anav, ke kado lil te ginaven opre sakone phraleske.
28. vers
Amare Rajeski, le Jezush Kristoski gracija te avel tumenca! Amen.
Könyvek
