Angluno lil kaj le tessalonikicka

Fejezetek:

1 2 3 4 5

1. vers

Ke majdur aba nashtig tordyilam, mishtoske dikhlam, ke korkoro te ashuvas ando Athen,

2. vers

haj bishaldam le Timoteushes amare phrales, kon le Devleski slugaj ando evangeliumo, ke te slugisarel tumaro patyape, te zurarel tumen,

3. vers

ke khonyik tena kolyoltar ande kadal kikidyimata. Ke zhanen, ke pe kado sam vladime.

4. vers

Vi phendam anglal, kana tumende samas, ke kikidyimata dukharasa, sar vi pecisardyilas kodo, haj vi zhanen pa leste.

5. vers

Anda kado chi zhukardom majdur, haj bishaldom les, ke ashunav pa tumaro patyape, ke dore chi zumadas tumen o zumavari, haj chi kerdyol khancheske amari butyi.

6. vers

Akanak apol, ke o Timoteush palpale avilas tumendar amende, haj viaca andas pa tumaro patyape haj kamipe, haj pa kodo, ke sagda losshanes serosardyon pa amende, haj fajas tumen te dikhen amen, sar vi ame tumen.

7. vers

Anda kado ushoripe arakhas ande tumende haj ande tumaro patyape, phralale, vi mashkar amaro chorripe haj kikidyipe,

8. vers

ke ame atunchi trajisardyuvas opre, kana tume zurale sanle ando Raj.

9. vers

Apol sosa shaj najisarasas kaj o Del anda tumende anda kodi bari lossh, anda soste vojisardyuvas anda tumende angla amaro Del?

10. vers

Vi dyese vi ratyi zurales rudyisaras, ke te dikhas tumari mosura, haj te shaj das kodo tumenge, so faltil inke anda tumaro patyape.

11. vers

Amaro Del haj Dad, haj amaro Raj Jezush Kristo te sikavel amenge o drom tumende!

12. vers

Tumen pale te butarel, haj te kerel tumen barvaleske ando kamipe karing jekhavreste, sar vi ame kamas tumen,

13. vers

haj kade tumaro ilo zuralo te avel, bi doshako angla amaro Sunto Del haj Dad, kana amaro Raj, o Jezush avelatar peske sakone suntonca. Amen.

Fejezetek:

1 2 3 4 5