Angluno lil kaj le tessalonikicka

chapter 3


Chapters:

1 2 3 4 5


Le Timoteushesko bishalipe


verse #1

Ke majdur aba nashtig tordyilam, mishtoske dikhlam, ke korkoro te ashuvas ando Athen,


verse #2

haj bishaldam le Timoteushes amare phrales, kon le Devleski slugaj ando evangeliumo, ke te slugisarel tumaro patyape, te zurarel tumen,


verse #3

ke khonyik tena kolyoltar ande kadal kikidyimata. Ke zhanen, ke pe kado sam vladime.


verse #4

Vi phendam anglal, kana tumende samas, ke kikidyimata dukharasa, sar vi pecisardyilas kodo, haj vi zhanen pa leste.


verse #5

Anda kado chi zhukardom majdur, haj bishaldom les, ke ashunav pa tumaro patyape, ke dore chi zumadas tumen o zumavari, haj chi kerdyol khancheske amari butyi.


O aposhtolo losshal le kethanipeske


verse #6

Akanak apol, ke o Timoteush palpale avilas tumendar amende, haj viaca andas pa tumaro patyape haj kamipe, haj pa kodo, ke sagda losshanes serosardyon pa amende, haj fajas tumen te dikhen amen, sar vi ame tumen.


verse #7

Anda kado ushoripe arakhas ande tumende haj ande tumaro patyape, phralale, vi mashkar amaro chorripe haj kikidyipe,


verse #8

ke ame atunchi trajisardyuvas opre, kana tume zurale sanle ando Raj.


verse #9

Apol sosa shaj najisarasas kaj o Del anda tumende anda kodi bari lossh, anda soste vojisardyuvas anda tumende angla amaro Del?


verse #10

Vi dyese vi ratyi zurales rudyisaras, ke te dikhas tumari mosura, haj te shaj das kodo tumenge, so faltil inke anda tumaro patyape.


Ashtyilipe


verse #11

Amaro Del haj Dad, haj amaro Raj Jezush Kristo te sikavel amenge o drom tumende!


verse #12

Tumen pale te butarel, haj te kerel tumen barvaleske ando kamipe karing jekhavreste, sar vi ame kamas tumen,


verse #13

haj kade tumaro ilo zuralo te avel, bi doshako angla amaro Sunto Del haj Dad, kana amaro Raj, o Jezush avelatar peske sakone suntonca. Amen.

Chapters:


Books