Angluno lil kaj le tessalonikicka
4. fejezet
Opreakharipe po trajosuntoipe
1. vers
Kaver falos pale, phralale, ando Raj Jezush mangas haj ferisaras tumen pe kodo, so amendar sityiline, ke sar trubuj te trajin haj ande Devleski voja te phiren. Vi trajin kade, ke tumaro trajo feri majlasho te avel.
2. vers
Ke pinzharen e vladimata, so perdal pa Raj Jezush dam tumenge.
3. vers
Ke o Del kamlas kado: tumaro suntosardyipe kodoj, ke palpale te inkren tumen kathar o marhipe:
4. vers
ke savorazhene mashkar tumende te zhanel sama te lel pe pesko trupo ando suntosaripe haj patyivipe,
5. vers
na ande doropesko hatyaripe, sar le murtikana, kon chi pinzharen le Devles.
6. vers
Haj khonyik tena chorel haj tena xoxavel peske phrales ande chi soski traba, ke o Raj palpale del sakofalo, sar kodo aba vi phendam tumenge haj vi andre sikadam.
7. vers
Ke o Del na po biuzhipe akhardas amen, ba po suntosardyipe.
8. vers
Anda kado, kon tele dikhel kadal, na le manushes dikhel tele, ba le Devles, kon vi pesko Sunto Duho tumenge das.
9. vers
Pa phralikano kamipe chi trubuj te iskirisarav tumenge, ke tume sityiline kathar o Del, ke te kamen jekhavres.
10. vers
Ke vi keren kado sakone phralesa ande intrego Makedonia. Ba mangas tumen phralale, ke ande kado butajven inke,
11. vers
haj trajin ande pachate, te keren tumari butyi, tumare vastenca te keren tumari butyi, sar vladisardam tumenge,
12. vers
ke te aven patyivale le avralutnenca, haj pe khanyikaski kozha na resen.
O kristianicko sperantipe
13. vers
Phralale, chi kamas ande bi zhanimata te mukas tumen pa kodal, kon muline, ke tena brigajven, kas najle sperantipe.
14. vers
Ke te patyas, ke o Jezush mulas haj opretrajisardyilas, kade atunchi o Del zhi kade angle anela vi len lesa kethanes, kon ando Jezush muline.
15. vers
Ke kathar le Rajesko alav kodo phenas tumenge, ke ame, kon trajisaras, haj ashilam zhikaj le Rajesko avlipe, chi mukas tele kodalen, kon muline.
16. vers
Ke po vladipe, pe anglune andyelosko glaso haj pe Devleske fanfareski vorba o Raj tele hurala anda cheri, haj majanglal kodal trajisardyona opre, kon ando Kristo muline,
17. vers
pala kodo, ame, le zhuvinde, le ashiline, lenca kethanes lavadyisajvas pe norora ando cheri angla o Raj, haj kade sagda le Rajesa avasa.
18. vers
Ushorisaren apol jekhavres kadale alavenca.
Könyvek
