Angluno lil kaj le tessalonikicka
capítulo 5
Opreakharipe po gataavlipe angla le Rajesko dyes
verso 1
Ba pa vrama haj pa chaso naj anda soste te iskirisarav tumenge phralale.
verso 2
Ke vi tume mishto zhanen, ke le Rajesko dyes kade avelatar, sar ratyi o chor.
verso 3
Kana kodo phenen: „Pachipe haj bi daripe”, zhi atunchi shindyol pe lende e bida, sar pe phari romnyi e dukh, haj chi muntosardyonatar.
verso 4
Ba tume, phralale, chi sanle ando tunyarikipe, ke kodo dyes sar chor te del pe tumende.
verso 5
Savorazhene le fimlalimaske haj le dyeseske shave sanle. Chi sam chi la ratyake haj chi le tunyarikimaske.
verso 6
China tena sovas, sar le majbut, ba barem avas samalinde haj trazi!
verso 7
Le sovjinde ratyi soven, le mate ratyi matyon tele.
verso 8
Ba ame, kon le dyeseske sam, avas trazi, haj te las opre le patyapesko haj le kamipesko sastrune gada, sirastrumoske pale le muntosardyimasko sperantipe.
verso 9
Ke o Del na pe xolyi kerdas amen, ba pe kodo, ke te resas o muntosardyipe, perdal pa amaro Raj pa Jezush Kristo,
verso 10
kon mulas anda amende, ke opre te sam, te sovasa, lesa te trajisaras.
verso 11
Ushorisaren apol jekhavres, haj aven pe jekhavrengo mishtyipe, sar vi keren kado.
Vorbadelipe karing le kethanipesko trajo
verso 12
Haj mangas inke tumen, phralale, ke te patyivisaren kodalen, kon khinyardyon mashkar tumende, kon tumare anglalutnara si ando Raj, haj ferin tumen.
verso 13
Anda lengi butyi kamen len zurales! Trajin ande pacha jekhavresa!
verso 14
Haj mangas inke tumen, phralale, ke lazhavaren tele le bi pachakiren, haj zuraren le daramne ilengiren, ferin le slabonen, haj aven toleransha sakonesa!
verso 15
Len sama, ke khonyik, anda nasul nasulesa tena potyinel, ba sagda slugisaren jekhavres haj sakonesko mishtyipe!
verso 18
Anda sakofaloste phenen najisipe, ke kado zhukarel o Del savorazhenendar ando Kristo Jezush.
verso 20
E profeticko vorba na dikhen tele!
verso 21
Sakofalo gindisaren perdal: so lashoj, kodo inkresaren!
verso 22
Kathar skofalo nasul ferin tumen!
Andreagoripe: ashtyilipe haj drobovjipe
verso 23
La pachako Del te suntosarel tumen ande skofaloste, haj tumaro intrego duhipe, sar tumaro duho kade vi tumaro trupo te ashol bi doshako pe amaro Rajesko, pe Jesush Kristosko avlipe.
verso 24
Kon akharel tumen, chachoj, kade vi kerel kodo.
verso 25
Phralale, rudyisaren anda amende.
verso 26
Drobovjisaren sakone phrales suntone chumindesa.
verso 27
Vladisarav ande Rajesko anav, ke kado lil te ginaven opre sakone phraleske.
verso 28
Amare Rajeski, le Jezush Kristoski gracija te avel tumenca! Amen.
Libros
