Angluno lil kaj le tessalonikicka

Capítulos:

1 2 3 4 5

verso 1

Vi tume zhanen, phralale, ke amaro tumende zhalipe nas anda khanchi.

verso 2

Boldines, apol majanglal sar zhanen, dukhimata haj azbaimata reslas amen ande Filippi, ba vi kade ando Del patyamnes, vi mashkar le bare gindura viacarasas tumenge le Devlesko evangeliumo.

verso 3

Ke amaro alav-viacaripe na anda bi zhanipe si, haj china na anda biuzhipe, haj chi pecisardyol xoxamnipesa,

verso 4

ba kade vorbisaras, sar kas o Del avrizumadas haj chachardas, ke pe amende te mukel o evangeliumo. Na sar kasave, kon le manushengo fajlipe roden, ba le Devlesko, kon perdal dikhel pa amaro ilo.

verso 5

Amen chi sar chi faj e charmakhlini vorba, sar vi zhanen kodo, haj chi o xanzhvalipe – o Del chacharel amen pe kado.

verso 6

Chi le manushengo asharipe chi rodas, chi tumaro, chi kaverengo.

verso 7

Ba chaches pe tumende shaj muklyosardyilamas, sar le Kristoske aposhtolura, ba vi kade, kade samas mashkar tumende, sar le cine, kade sar e samalelarkinya grizhosarel peske shavoren.

verso 8

Cirdadyilam karing tumende, haj chachikanes tumenge damas na feri le Devlesko evangeliumo, ba vi amaro trajo, ke zurales kamlam tumen.

verso 9

Ke seron apol phralale, pe amari butyi haj khinyaripe. Vi ratyi vi dyese butyi kerasas, haj kade viacarasas tumende le Devlesko evangeliumo, ke tena avas mashkar tumende pe khanyikasko pharipe.

verso 10

Tume zhanara san kadaleske, haj vi o Del, ke sosko sunto, haj bi doshako trajo trajisarasas anda tumende, kon patyamne kerdyiline.

verso 11

Kade vi kodo zhanen, ke sar o dad feril peske shavoren savorazhenen

verso 12

kade ferisaras haj ushorisaras, haj shukares mangas tumen, ke te aven patyivale kaj kodo Del, kon ande pesko them haj luvudyipe akharel tumen.

verso 13

Sagda najisipe phenas apol le Devleske, ke tume, kon le Devleske alavesko viacaripe amendar ashundine, kodo na kade line, sar le manushenge vorbi, ba sar so si kodo chachikanes: sar le Devleske alaves, so vi ande tumende butyarel, kon patyan.

verso 14

Ke tume, mure phral, zhi pe kodi zheja resline, sar le Devleske eklezhiji, save ande Judea si ando Kristo Jezush, ke tume zhikodo dukhardyiline kathar tumare falicka phral, so vi von kathar le bibolde,

verso 15

kon mudardine le Raj Jezushes haj le profetan, haj vi amen nashavenas. O Del chi vojilpe ande lende. Von dushmanickaj karing sakono manush,

verso 16

haj nashtisaren amenge, ke kaj le murtikana te vorbisaras, tena muntusardyon. Kade sagda andre pherdyaren penge bezexengo milnope, haj le Devleski xolyi vi reslas len sagda.

verso 17

Phralale, chaches, ame pekh unyi vrama shindyilamtar tumendar haj kathar jekhavresko dikhlipe, ba na amare ilesa! Anda kado ande amaro baro dorope zurardyuvas pe kodo, ke te shaj dikhas tumen.

verso 18

Ke kamlam te zhastar tumende, majfeder me, o Pal, vi jekhar, haj vi butivar, ba o shatano chi muklas.

verso 19

Ke kon si amaro sperantipe, lossh, bake luvudyimaski luludyi? Na tume, angla amaro Raj Jezush, kana avelatar?

verso 20

Ova, tume sanle amaro luvudyipe haj lossh!

Capítulos:

1 2 3 4 5