Lil le kolossenge
3. fejezet
O dulmutano haj nyevo manush
1. vers
Anda kado apol, opre te trajisarardyiline le Kristosa, roden le opralutnen, kaj o Kristo si, pe le Devleski chachi rig beshindos.
2. vers
Le opralutne butyanca grizhon tumen, na le phuvakirenca.
3. vers
Ke muline, haj tumaro trajo le Kristosa garadoj ando Del.
4. vers
Kana pale o Kristo, tumaro trajo, sikadyola, atunchi vi tume sikadyona lesa kethanes ando luvudyipe.
5. vers
Mudaren avri apol anda tumare riga kodo, so phuvakoj: o marhipe, o biuzhipe, o frivolipe, o nasul dorope haj o xanzhvalipe, so naj kaver, sar le fetishosko kamipe.
6. vers
Anda lende resardyolatar le Devleski xolyi pe le bi patyamnipeske shave.
7. vers
Vi tume kadal kerenas varikana, kana mashkar lende trajinas.
8. vers
Ba akanak aba shuden tumendar sa kadal: e xolyi, o nasul kamipe, anda tumaro muj e kushlimata haj e zhungalyi vorba.
9. vers
Na xoxaven jekhavreske, tume, kon tele shudine le dulmutane manshes peske kerdyimatanca kethanes,
10. vers
haj pe tumende line le nyeves, kon pe peske kerdareski mosura sagda nyevjardyol zhipo intrego pinzharipe.
11. vers
Kathe naj aba majbut helleno haj bi boldo, naj krujalshinipe haj bi krujalshinipe, naj barbaro, skita, sluga haj slobodo, ba sakofalo haj ande sakofaloste o Kristo.
12. vers
Len apol pe tumende, sar le Devleske sunci haj skunpura alosarde le lashipesko hatyaripe, o blindope haj o pachipe!
13. vers
Trajin pasha jekhavreste, haj jertisaren jekhavreske, kana varikon dosharel le kaveres! Sar o Raj jertisardas tumenge, keren kade vi tume!
14. vers
Haj sa opralutnes pale: len pe tumende o kamipe, so le federipesko phanglipe si!
15. vers
Haj le Kristoski pacha, pe soste akharipe line andekh trupo, te rajilpe ande tumaro ilo! Aven najisarde!
16. vers
Le Kristosko alav te beshel ande tumende barvales! Sakone platnikipesa sityaren haj ferisaren jekhavres! Najisipesa ande tumaro ilo gilyaben le Devleke salmi, sunci gilyaba!
17. vers
Zhiso keren, vorbasa bake kerdyipesa, sakofalo ande Raj Jezushesko anav keren, haj phenen najisipe le Dadunedevleske perdal pa leste!
Trajimaske trubujimata
18. vers
Romnyale, muken tumen tumare romenge, sar perelpe ando Raj!
19. vers
Murshale, kamen tumare romnyan, haj na aven capeni karing lende!
20. vers
Shavorale keren kodo sagda tumare dadenge haj dejange so phenen, ke kado skunpoj le Devleske!
21. vers
Dadale na vazden xolyi ande tumare shavora, ke tena xasaren pengi volya!
22. vers
Slugi, muken tumen ande sakofaloste kathar tumaro trupo inkerdine rajenge, ba na po dichipe slugisaren, sar le manushengi voja te rodenas, ba vorta ilesa ande Rajeski dar!
23. vers
Zhiso te keren, anda ilo kerenles, sar le Rajeske, haj na le manusheske te kerenasles!
24. vers
Ke zhanen, ke kathar o Raj lena tumaro potyinipe. Le Raj Kristoske slugisaren;
25. vers
ke kon bi chachipe kerel, palpale lel kodo, so bi chachikanes kerdas: ande kado naj avrialosaripe.
Könyvek
