Lil le kolossenge
capítulo 3
O dulmutano haj nyevo manush
verso 1
Anda kado apol, opre te trajisarardyiline le Kristosa, roden le opralutnen, kaj o Kristo si, pe le Devleski chachi rig beshindos.
verso 2
Le opralutne butyanca grizhon tumen, na le phuvakirenca.
verso 3
Ke muline, haj tumaro trajo le Kristosa garadoj ando Del.
verso 4
Kana pale o Kristo, tumaro trajo, sikadyola, atunchi vi tume sikadyona lesa kethanes ando luvudyipe.
verso 5
Mudaren avri apol anda tumare riga kodo, so phuvakoj: o marhipe, o biuzhipe, o frivolipe, o nasul dorope haj o xanzhvalipe, so naj kaver, sar le fetishosko kamipe.
verso 6
Anda lende resardyolatar le Devleski xolyi pe le bi patyamnipeske shave.
verso 7
Vi tume kadal kerenas varikana, kana mashkar lende trajinas.
verso 8
Ba akanak aba shuden tumendar sa kadal: e xolyi, o nasul kamipe, anda tumaro muj e kushlimata haj e zhungalyi vorba.
verso 9
Na xoxaven jekhavreske, tume, kon tele shudine le dulmutane manshes peske kerdyimatanca kethanes,
verso 10
haj pe tumende line le nyeves, kon pe peske kerdareski mosura sagda nyevjardyol zhipo intrego pinzharipe.
verso 11
Kathe naj aba majbut helleno haj bi boldo, naj krujalshinipe haj bi krujalshinipe, naj barbaro, skita, sluga haj slobodo, ba sakofalo haj ande sakofaloste o Kristo.
verso 12
Len apol pe tumende, sar le Devleske sunci haj skunpura alosarde le lashipesko hatyaripe, o blindope haj o pachipe!
verso 13
Trajin pasha jekhavreste, haj jertisaren jekhavreske, kana varikon dosharel le kaveres! Sar o Raj jertisardas tumenge, keren kade vi tume!
verso 14
Haj sa opralutnes pale: len pe tumende o kamipe, so le federipesko phanglipe si!
verso 15
Haj le Kristoski pacha, pe soste akharipe line andekh trupo, te rajilpe ande tumaro ilo! Aven najisarde!
verso 16
Le Kristosko alav te beshel ande tumende barvales! Sakone platnikipesa sityaren haj ferisaren jekhavres! Najisipesa ande tumaro ilo gilyaben le Devleke salmi, sunci gilyaba!
verso 17
Zhiso keren, vorbasa bake kerdyipesa, sakofalo ande Raj Jezushesko anav keren, haj phenen najisipe le Dadunedevleske perdal pa leste!
Trajimaske trubujimata
verso 18
Romnyale, muken tumen tumare romenge, sar perelpe ando Raj!
verso 19
Murshale, kamen tumare romnyan, haj na aven capeni karing lende!
verso 20
Shavorale keren kodo sagda tumare dadenge haj dejange so phenen, ke kado skunpoj le Devleske!
verso 21
Dadale na vazden xolyi ande tumare shavora, ke tena xasaren pengi volya!
verso 22
Slugi, muken tumen ande sakofaloste kathar tumaro trupo inkerdine rajenge, ba na po dichipe slugisaren, sar le manushengi voja te rodenas, ba vorta ilesa ande Rajeski dar!
verso 23
Zhiso te keren, anda ilo kerenles, sar le Rajeske, haj na le manusheske te kerenasles!
verso 24
Ke zhanen, ke kathar o Raj lena tumaro potyinipe. Le Raj Kristoske slugisaren;
verso 25
ke kon bi chachipe kerel, palpale lel kodo, so bi chachikanes kerdas: ande kado naj avrialosaripe.
Libros
