Dujto lil kaj le korintushicka
11. fejezet
Le aposhtolesko biegoizmope
1. vers
Oh, feri te toleralisarenas mandar variso cino dilipe! Haj inke te toleralin vi man!
2. vers
Ke le Devleske daramnimatasa som daramno pe tumende. Ande angrustya shutom tumen jekhe mursheske, ke sar uzha suntona te ingravtu kaj o Kristo.
3. vers
Ba darav, ke sar o sap xoxadas la Eva peske xalipesa, kade vi tumaro hatyaripe boldelape kathar le Kristosko uzho kothedinipe.
4. vers
Ke varikon te avel, haj kaver Kristos viacarel, sar kas ame viacaras, bake kaver duho svagaren andre, so aba line, bake kaver evangeliumo, so aba perdal hatyardine, kodo mishto toleralisaren.
5. vers
Ba kodo gindisarav, ke khanchesa chi kerdom maj cerra kathar le majbare aposhtolura,
6. vers
ke vi tena zhanav shukares te vorbisarav, pinzharipe si man, ke kodo ande sakofaloste sakoneske andre sikadom tumenge.
7. vers
Bake bezex kerdom atunchi, kana man tele lazhavardom, ke tumen opre te asharav, ke le Devleske evangeliumos ive viacardom tumenge?
8. vers
Kavere eklezhiandar lom potyinipe, dimata lom lendar, ke tumen te shaj slugisarav.
9. vers
Kana tumende somas haj nas man khanchi, khanyikaske chi somas pe lesko pharipe, ke so faltilas mange, ande kodo zhutinas kodal phral, kon anda Makedonia aviline, haj ande sakofaloste sama los, ke pe tumaro pharipe tena avav, haj vi sama lo.
10. vers
Pe Kristosko kodo chachipe phenav, so ande mande si, ke kado asharipe nashtig len mandar pe Akhajake thana.
11. vers
Sostar? Anda kodo, ke chi kamav tumen? O Del zhanel!
12. vers
Ba so kerav, vi kero, ke te lav e traba kathar kodal, kon traba roden, ke ande kodo, ande soste asharenpe, kasaveske te sikavenpe andre, sar ame sam.
13. vers
Ke kasave xoxamne aposhtola si, xoxamne butyara, kon le Kristoske aposhtolenge keren pen.
14. vers
Haj kado china naj chudipe, ke vi o shatano le fimlalipeske andyeloske kerel pes.
15. vers
Naj bari butyi apol, kana vi leske slugi le chachimaske slugenge keren pen. Lengo agoripe maj sikavela lenge picimata.
Le aposhtoleske dukha haj khinimata
16. vers
Pale phenav apol, tena dikhel man khonyik dileske. Ba vi kade te kerena, dore dikhen man te kamen vi dileske, apol muk te asharav man jekh cerra vi me.
17. vers
So phenav, na sar o Raj phenav, ba sar anda dilipe, kana kasave butyanca asharav man.
18. vers
Soske but zhene asharen pen kathar o trupo, akanak vi me asharo man.
19. vers
Ke tume losshanes toleralisaren le dilen, ke tume platnika sanle.
20. vers
Ke muken, kana varikon po slugipe del tumen, kana varikon nakhavel tumen, kana varikon ande pesko saktimo lel tumen, kana varikon phutyarelpe, kana varikon pa muj shenel tumen.
21. vers
Lazhavjikanes phenav, ke sar ame slabura te avilamas ande kadi butyi. Ba kodalesa, sosa varikon tromal te asharel pes – anda dilipe phenav –, vi me tromav.
22. vers
Bibolde si von? Vi me! Izraelitana si von? Vi me! Le Abrahameske falura si von? Vi me!
23. vers
Le Kristoske slugi si von? Sar diloro phenav, me inke majfeder: but khinyipe, butivar robija, but mardyimata, haj ke butivar somas pashe kaj o merimpe.
24. vers
Kathar le bibolde panzhvar lom bi jekhesko shtarvardesh malavjipe.
25. vers
Trivar dukhardom kathar rolyandar mardyimata, jekhar barrenca shudine man, trivar berosko phagerdyipe reslom, kade jekh dyes haj jekh ratyi shudardyilom pe milno mara.
26. vers
Butivar somas po drom, ande bida pe abeske paja, ande bida mashkar le chor, ande bida mashakar mure populara, ande bida mashkar le murtikana, ande bida ando foro, ande bidate pe pusta, ande bidate pe mara, ande bidate mashkar xoxamne phral,
27. vers
ande khinyimata haj chorripe, ande but ratyarimata, ande bokh haj trush, ande but postyimata, ando shil haj nangipe.
28. vers
Pasha kadal kothe si inke, ke sako dyes dosharen man, haj le intrega eklezhiange gindura.
29. vers
Kon si slabo, ke me tena avos slabo? Kon xolyajvel opre, ke me tena phabuvos?
30. vers
Te trubuj te asharav man, mure slabipesa asharav man.
31. vers
O Del, amare Rajesko le Jezushesko Dad, kon ashtyilimej sagutnes, zhanel, ke chi xoxavav.
32. vers
Ando Damaskuso le Aretas krajesko prefekto lavavelas sama le damaskusirenge foros, ke man te xutyilel,
33. vers
haj perdal pa fejastra, andekh koshnyica mukline man tele pa zido, kade muntosardyilom anda leske vast.
Könyvek
