Dujto lil kaj le korintushicka

chapter 6


Chapters:


Le apshtolikane dukhango luvudyipe


verse #1

Sar butyake amala pale ferisaras tumen, na len anda khanchi le Devleski gracija.


verse #2

Ke voj phenel:
„Kana man faj ande kodi vrama ashunav tut,
haj pe muntuimasko dyes zhutisaro tut”.
Aketa, kathej e lashi vrama, akanak si le muntuimasko dyes!


verse #3

Khanyikaske chi keras khanchi xolyi, ke tena kushen amaro slugipe,


verse #4

ke ande sakofaloste sar le Devleske manusha slugisaras: ando but toleralipe, chorripe, trubujipe, kikidyipe,


verse #5

mardyipe, robija, mashkar bida, khinyipe, ratyaripe, postyipe,


verse #6

uzhipe, zhanipe, pacharipe, skunpoipe, ando Sunto Duho, chacho kamipe,


verse #7

ande chachipesko alav, haj Devleski zor; pa chachi haj pa stungo rig ande chachipeske mudvara,


verse #8

ando luvudyipe haj bi patyivipe, ando marhipe haj lashi viaca: sar akharde haj vi kade chachipe phenara;


verse #9

sar bi pinzharde haj vi kade pinzharde: sar po meripe zhukarde haj aketa, vi kade trajisaras: sar mardine ba kas chi mudardine;


verse #10

sar brigasle, haj vi kade sagda vojikane; sar chorre, haj vi kade but barvalarde; sar kas khanchi najle, haj sakofalo sile.


Zuraripe haj ferisaripe


verse #11

Amaro muj puterdyilas tumende, korintushicka, haj amaro ilo avri puterdyilas.


verse #12

Na ande amende si o tang than pe tumari rig, ba ande tumaro ilo si tang o than.


verse #13

Kado pale palpale te zhanen te den, sar mure shavorenge phenav, putren avri vi tume tumaro ilo!


verse #14

Na cirden jekh pharipe le bi patyamnenca! Ke soski grizha si le chachipes le nasulipesa? Bake sosko kethanipe si mashkar o fimlaliipe haj tunyarikipe?


verse #15

Sar hatyarelas jekh o Kristo le Beliallesa? Bake soski grizha si le patyamnes kaj o bi patyamno?


verse #16

Sar resel kethane le Devleski khangeri le fetishonca? Ke tume le zhuvinde Devleske khangera san, sar o Del phenel:
„Mashkar lende besho haj mashkar lende phiro,
lengo Del avo, haj von mure populara avna.


verse #17

Zhantar avri apol mashkar lende,
shindyortar lendar – phenel o Raj –,
haj na resen biuzhimasko!
Atunchi mande lo tumen,


verse #18

haj me tumaro Dad avo,
tume pale mure shave haj sheja avna,
phenel le sagutnipesko Raj”

Chapters:


Books