Dujto lil kaj le korintushicka

Chapters:

… 7 8 9 10 11 …   ⇤ ← 9 → ⇥

verse #1

Pe suntongi rig inkerdino slugipe chi trubuj tumenge te iskirisarav;

verse #2

ke pinzharav tumaro kamipe, anda soste vi asharav man tumenca angla Makedonura, ke e Akhaj gata tordyol aba zhikathar bersh akanak, haj tumaro zurardyipe bute zhenen oprevojardas.

verse #3

Ba pasha kado bishaldom vi le phralen, ke tena sikadyol bi chacheske amaro asharipe pa tumende ande kadi butyi, ba sar so phendom, gata te aven.

verse #4

Haj e Makedona te avenatar manca, haj tumen bi gata arakhena, tena lazhardyuvas ame tele – ke vi tena phenav: tume – ande kadi butyi.

verse #5

Anda kado kade gindisardom, ke mangav le phralen, ke te zhan angle tumende, haj te lasharen anglal so anglal phendine dimatipe, ke kodo kade te avel gata, sar butardo ashtyilipe, haj na sar cerrardo dimatipe.

verse #6

Kodo phenav: Kon cerrardes beshavel, vi cerra kosil: haj kon butardes beshavel, vi but kosil.

verse #7

Sakon kade te del, sar avrigindisardas ande pesko ilo, na bi vojako bake anda trubujipe, ke o Del le vojikane dimatares kamel.

verse #8

O Del pale dosta baroj, ke peski sagutni gracija butardes te mukel pe tumende, ke sagda, sakofalo te avel tumen, haj butardes te inkerdyol tumen pe sakono lasho kerdyipe,

verse #9

sar iskirime si:
„Butardes das le chorrenge;
lesko chachipe opre inkerdyola sagutno-sagutnes”

verse #10

Kon pale sumburo del le beshavares, haj manro del xamaskoske, butarela maj vi tumaro beshavjipe, haj butarela tumare chachimasko fruktos.

verse #11

Kade ande sakofaloste barvale avna pe sakono lashoilipe, so perdal pamende najisipe kerel le Devleske.

verse #12

Ke kadale slugimasko kerdyipe na feri kodo del, so le suntonge faltisarel, ba but zhenen vi po najisipe vazdel karing o Del.

verse #13

Ke kadale slugimaske zumavjipestar luvudyisarena le Devles anda kodo muklipe, anda soste le Kristosko evangeliumo patyan, haj anda kodo chacho kethane inkripe, so amenge haj sakoneske avrisikaven.

verse #14

Vi rudyin anda tumende haj dorosajven pala tumende, ke le Devleski gracija butardes muklyosardyol pe tumende.

verse #15

Najis le Devleske anda lesko avrinashtig phendo tofnipe!

Chapters:

1 2 3 4 5 6 7 8 9 10 11 12 13