Dujto lil kaj le korintushicka

Chapters:

1 2 3 4 5 6 …   ⇤ ← 4 → ⇥

verse #1

Apol ke kasavo slugipe si amen, pala soste lashipe reslam, chi brigajvas,

verse #2

ba tele phenas pa nasulipe, chi phiras ande bidimata, haj chi xoxavaras le Devleske alaves, ba le chachipeske viacaripesa imbisaras amen sakone manushenge duhikane hatyaripeske angla o Del.

verse #3

Kana amaro evangeliumo vi kade sharado te si, angla kodal si sharado, kon xasajventar,

verse #4

ande kaste kadala lumako Del korrardas le bi patyapesko hatyaripe, ke le Devleske amalimasko, pa o Kristo luvudyisardo evangeliumesko fimlalipe tena ablyol opre lenge.

verse #5

Ke ame na amen viacaras, ba le Jezush Kristos, le Rajes: amen pale sar tumare slugen anda Jezush.

verse #6

Ke o Del, kon kodo phendas:”Anda tunyariko fimlalipe te ablyol opre”, voj kerdas fimlalipe ande amaro ilo, ke opre te ablyol le Devlesko luvudyipesko pinzharipe pe le Jezush Kristoski mosura.

verse #7

Amari kadi avucija, ando vaso si, ke kadi zor le Devleske te phenas haj na amenge.

verse #8

Pa sogode riga kikiden amen, ba kethane chi pizden amen; sakofalo shaj perelpe, ba chi darasa chi kade;

verse #9

nashaven amen, ba mukline chi sam; pe phuv sharaven amen, ba chi xasajvasa.

verse #10

Sagutnes phiravas ande amaro trupo le Jezushesko meripe, ke vi le Jezushesko trajo pinzhardo te avel ande amaro trupo.

verse #11

Ke amen, kon trajisaras, sagda po meripe den anda o Jezush, ke vi le Jezushesko meripe te dichol pe amaro shaj mulo trupo.

verse #12

Ande amende apol o meripe butyarel, ande tumende pale o trajo.

verse #13

Ba ke le patyapesko zhikodo duho si ande amende, sar pa soste iskirime si: „Patyos, anda kodo vorbisardom”, vi ame patyas, haj anda kodo vorbisaras.

verse #14

Ke zhanas, kon le Raj Jezushes opretrajardas, vi amen opretrajarela le Jezushesa, haj tumenca kethanes angla leste tordyarela amen.

verse #15

Ke sakofalo anda tumende si, ke anda gracijimasko avri butardyipe inke majbut zhene te den najisipe pe Devlesko luvudyipe.

verse #16

Zhi anda kado chi brigajvas, haj amaro avralutno manush vi rumusardyola, amaro andralutno manush pa jekh dyes po kaver nyevjardyol.

verse #17

Kado amaro akanutno, slabo dukhipe apol le luvudyipesko zurales baro butipe rodela amenge,

verse #18

kana na pe dikhlimaske buya dikhas, ba pe bi dikhlimaske. Ke so dikhlimaskoj, kodo cerra vramakoj, ba so bi dikhlimaskoj, kodo sagutnoj.

Chapters:

1 2 3 4 5 6 7 8 9 10 11 12 13