Dujto lil kaj le korintushicka

Chapters:

1 2 3 4 5 6 …   ⇤ ← 3 → ⇥

verse #1

Haj akanak las pale te inbisaras amen? Dore vi amenge trubujas, sar unyizhenen, tumende vorbisardo bake tumendar aviline imbisarde lila?

verse #2

Amare lila tume san, andre iskirisardines ande amaro ilo, pinzharel haj ginavelles sakono manush.

verse #3

Ke zhanimaski butyij pa tumende, ke le Kristoske lila sanle, so anda amaro slugipe kerdyilas, na tintasa, ba le zhuvinde Devleske duhosa iskirisardines, na pe barrune skundura iskirisardines, ba anda ileske maseske skundura.

verse #4

Amaro ando Del patyape perdal pa Kristo si.

verse #5

Na anda kodo sar amendar, sar anda amari zor zhanasas vi variso avri te gindisaras, boldines: amaro zhanipe kathar o Del si.

verse #6

Voj kerdas amen lasheske pe kodo, ke le Nyeve Teshtamentoske slugi te avas, na le iskirimaske, ba le Duhoske: ke o iskiripe mudarel, o Duho pale trajarel.

verse #7

Kana apol le meripesko pe barr iskirisardo slugipe luvudyisardo sas, kade ke le Izraeleske shave nashtig dikhenas pe Mozesheski mosura anda leski mosurako nachilimasko luvudyipe,

verse #8

sartena avlas inke maj luvudyisardo le Duhosko slugipe?

verse #9

Ke le mulipesko slugipe luvudyisardoj, majbutesa maj luvudyisardoj le chachipesko slugipe.

verse #10

Haj so kothe luvudyisardo sas, anda kado butardo luvudyipe aba china naj luvudyisardo.

verse #11

Ke kana o nachilipesko luvudyisardo te si, butesa maj luvudyisardoj, le ashilipesko.

verse #12

Ke apol kasavo sperantipe si amen, bare tromasa vorbisaras,

verse #13

na pale kade, sar o Mozesh, kon colo shardas pe peski mosura, ke le Izraeleske shave tena dikhen kodalesko agor, so nachilipesko si.

verse #14

Ba lengo hatyaripe muglyosardyilastar. Ke zhikaj kado dyes, kana le Dulmutane Teshtamentos ginaven, kothej zhikodo colo, naj tele lino, ke kodo numa ando Kristo nacholatar.

verse #15

Haj inke zhikaj kado dyes, kana le Mozeshes ginaven, colo sharavel lengo ilo.

verse #16

Ba kana pashardyona kaj o Raj, lavadyola o colo.

verse #17

Ke o Raj Duhoj, haj kaj le Rajesko Duho si, kothej o slobodipe.

verse #18

Ame pale savorazhene, so mashkaral bi sharade mosurasa dikhas le Rajesko luvudyiipe, zhi pe kodo mosuripe kerdyuvas perdal pa luvudyipe po luvudyisaripe, perdal pa Rajesko Duho.

Chapters:

1 2 3 4 5 6 7 8 9 10 11 12 13