Angluno lil le Timoteusheske
4. fejezet
Feripe kathar le xoxamne sityara
1. vers
Ba o Duho kodo phenel, ke pe palune vrami unyizhene shindyonatar kathar o patyape, pe xoxamnimaske dichimata haj po beng ashunena,
2. vers
pe kodal, kon paxandines, ba ande pengo duho somnosardines xoxavjimata viacaren.
3. vers
Kon kodo phenen, ke nashtipe si o ansuripe, ke trubuj te ferin tumen unye xabenendar, haj apolal kodal anda kodo kerdas o Del, ke najisipe phendines te hasnisarenle mishto le patyamne, kodal, kon pinzhardine le chachipes.
4. vers
Ke le Devlesko sakono kerdyipe lashoj, haj khanchi naj shudimasko, so najisipesa lel peste o manush,
5. vers
ke sunto avla kathar le Devlesko alav haj kathar o rudyipe.
O mishto hatyaripe
6. vers
Kado te sikaves le phralenge, le Kristoski lashi sluga avesa. Le patyapesa haj kodale chache sityarimaske alav xasa, ande soste patyas.
7. vers
Muk le bi hatyarde haj phure romnyarde paramichi, ando blindope zurar tut.
8. vers
Ke le truposko zuraripe pe cerra butyi si lasho: ba o blindope pe sakofaloste lashoj, ke phiravel le sipeski haj avlipe-trajoski vorba.
9. vers
Chachi vorbaj kadi, haj shaj patyamni!
10. vers
Ke anda kodo khinyardyuvas haj anda kodo kushen amen, ke sperantisaras ando trajisardo Del, kon muntori si sakone manusheske, majfeder le patyamnenge.
Vladipe le Timoteusheske
12. vers
Konyik tena dikhel tut tele, ke terno san, ba av vi platniko ande vorba, ando kerdyipe, ando kamipe, ando patyape, ando uzhipe.
13. vers
Zhikaj kothe zhav, grizhontu pa opre ginavjipe, pa feripe haj sityaripe.
14. vers
Na khanchisar e gracija so ande tute si, so kathar anglal phenimata lan kathar le prezhbitera kade, ke oprevazdine penge vast.
15. vers
Pe kadal butya te aven tut grizha, kadal butya ker, ke tyo angle zhalipe te avel pinzhardo angla sakoneste.
16. vers
Le sama pe tute haj po sityaripe! Av zuralo ande kadal, ke kado te keresa, muntus vi tut, haj vi kodalen, kon ashunen tut.
Könyvek
