Angluno lil le Timoteusheske

Capítulos:

1 2 3 4 5 6

verso 1

Chachi vorbaj kadi: kon po biskoponipe dorosarel, lashi traba dorol.

verso 2

Zhi anda kado le biskoposke bi doshaleske, jekhar ansurisarde mursheske, trazoneske, godyavereske, patyivaleske, haj po sityaripe lasheske trubuj te avel.

verso 3

Na matyarneske haj marimaskiresko, ba blindosko, na kecitoresko haj xanzhvalesko, ba kasavo,

verso 4

kon peske kheres mishto lasharel, peske shaven ando muklipe haj ande patyivipe inkrel,

verso 5

ke kon peske kheres chi zhanel te lasharel, sar zhanelas atunchi te grizhol le Devleski eklezhia?

verso 6

Tena avel nyevjardes bolisardo manush, tena kerdyol phutyardo, haj zhikodo krisaripe te resel les, sar le benges.

verso 7

Vi kathar le avralutne lasho chacharipe trubuj te lel, tena perel ando marhipe haj ande bengesko xutyilipe.

verso 8

Le diakona zhikade patyivale manusha te aven, na dujutne shibakire, na e mol kamara, na xanzhvale;

verso 9

kasave, kon uzhe duhosa len sama ande pende le patyapeski tajna.

verso 10

Ba majanglal vi kadalen avritrubuj te zumaven, haj numa atunchi te slugisaren, kana bi doshalej.

verso 11

Le romnya zhikade patyivale te aven, na tele phenimaske, trazi, haj ande sakofaloste chache.

verso 12

Le diakona jekhar ansurisarde mursh te aven, kasave, kon penge shavoren haj pengo kher mishto lasharen.

verso 13

Ke kon mishto slugisaren, shukar baripe haj ando Kristo Jezush patyape baro visvarimo lena penge.

verso 14

Anda kodo iskirisarav kadal tuke – ba sperantisarav, ke na pa buteste tute reso –,

verso 15

ke vi palpale te inkradyuvo, zhan, ke sar trubuj te boldestu ande Devleski eklezhia, so le zhuvinde Devleski eklezhijaj, le chachipesko inkritoripej haj zuraloj lako fundo.

verso 16

Apol chachikanes bari butyij le blindosardyimaski tajna,
so ando trupo avrisikadas pes,
kathar o Duho chachipe reslas,
andre sikadine les le andyelonge,
mashkar le murtikana viacardine les,
pe intrego luma patyanas ande leste,
haj opre gelas ando luvudyipe.

Capítulos:

1 2 3 4 5 6