Angluno lil le Timoteusheske

Capítulos:

1 2 3 4 5 6

verso 1

Majanglunes apol pe kodo mangav tumen, inkren udyimata, haj phenen najisipe anda manush:

verso 2

anda Kraja haj anda sakone maj opralutne, ke pachako haj bi bidako trajo te shaj trajisaras, pherdyardes deldaramnipesa haj patyivipesa.

verso 3

Kado lasho haj skunpo si angla amaro muntosari Del,

verso 4

kon kodo kamel, ke sako manush te muntosardyol haj te resel pe chachipesko pinzharipe.

verso 5

Ke jekh si o Del, haj jekh si vi o legatari mashkar o Del haj manusha: o manush Jezush Kristo,

verso 6

kon kothe das pes parudines anda sakoneste, chachardyipe kerdines sakoneske ande peski vrama.

verso 7

Anda kado vladisardas man viacareske haj aposhtoleske – chachipe phenav, chi xoxavav –, le bi patyamnenge sityareske ando patyamnipe haj chachipe.

verso 8

Kodo kamav apol, ke le mursh kaj sako than uzhes te vazden opre penge vast po rudyipe, bi xolyako haj bi kecimasko.

verso 9

Zhikade mangav vi kodo, ke le romnya ande patyivale gada, lazhamnikanes haj patyivales te shukaraven pen, na andre krecisarde balenca, somnakajesa, bisorenca haj kuchune gadenca,

verso 10

ba sar perelpe kaj kodal romnya, kon daran le Devles: lashe kerdyimatanca.

verso 11

E romnyi ande pacha te sityol, sagutne muklipesa.

verso 12

Chi mukav, ke e romnyi te sityarel, haj opraluni te kerdyol po mursh: te ashol feri ande pacha.

verso 13

Ke le Adamos kerdine majanglal, la Eva pala kodo,

verso 14

haj na le Adamos xoxadine; ba la romnya xoxadine, haj ando bi muklipe pelas.

verso 15

Shavoren anel pe luma, kathar kodo muntusardyola, te ashola ando patyape, ando suntope haj trazipe.

Capítulos:

1 2 3 4 5 6