capitolul 2
Majanglunes apol pe kodo mangav tumen, inkren udyimata, haj phenen najisipe anda manush:
anda Kraja haj anda sakone maj opralutne, ke pachako haj bi bidako trajo te shaj trajisaras, pherdyardes deldaramnipesa haj patyivipesa.
Kado lasho haj skunpo si angla amaro muntosari Del,
kon kodo kamel, ke sako manush te muntosardyol haj te resel pe chachipesko pinzharipe.
Ke jekh si o Del, haj jekh si vi o legatari mashkar o Del haj manusha: o manush Jezush Kristo,
kon kothe das pes parudines anda sakoneste, chachardyipe kerdines sakoneske ande peski vrama.
Anda kado vladisardas man viacareske haj aposhtoleske – chachipe phenav, chi xoxavav –, le bi patyamnenge sityareske ando patyamnipe haj chachipe.
Kodo kamav apol, ke le mursh kaj sako than uzhes te vazden opre penge vast po rudyipe, bi xolyako haj bi kecimasko.
Zhikade mangav vi kodo, ke le romnya ande patyivale gada, lazhamnikanes haj patyivales te shukaraven pen, na andre krecisarde balenca, somnakajesa, bisorenca haj kuchune gadenca,
ba sar perelpe kaj kodal romnya, kon daran le Devles: lashe kerdyimatanca.
E romnyi ande pacha te sityol, sagutne muklipesa.
Chi mukav, ke e romnyi te sityarel, haj opraluni te kerdyol po mursh: te ashol feri ande pacha.
Ke le Adamos kerdine majanglal, la Eva pala kodo,
haj na le Adamos xoxadine; ba la romnya xoxadine, haj ando bi muklipe pelas.
Shavoren anel pe luma, kathar kodo muntusardyola, te ashola ando patyape, ando suntope haj trazipe.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly