Dujto lil le Timoteusheske
4. fejezet
Trubusaripe po majdur zuraripe
1. vers
Manglines mangav tut angla o Del, haj angla Kristo Jezush, kon krisarela pe zhuvinde haj mule, perdal pa lesko avlipe haj them:
2. vers
viacar le alaves, tordyu angle lesa, te si mishto tena! Ferin, mang, zurar sakone toleranshipesa haj zhanipesa.
3. vers
Ke avla vi kodi vrama, kana le manusha chi pashardyona kaj o sasto sityaripe, ba kathar pengo dorope rodena penge bute sityaren, ke xanzhol lengo kan:
4. vers
bolden penge kan kathar o chachipe, haj perdal den pen le paramichange.
5. vers
Tu le sama, trajin perdal le dukhimata, ker le evangelareski butyi, pherdyar andre tyo slugipe.
6. vers
Ke man aba avri shoren, sar le pimoske sarkafimos, muri zhalimaski vrama aba pashe si.
7. vers
O lasho maripe, aba kerdom, o drom nashlom, e patyiv inkerdom.
8. vers
Gata zhukarel aba pe mande e chachimaski luludyi, so pe kodo dyes dela mange o Raj, o chachimasko krisari, haj na numa mange, ba sa kodalenge, kon anda ilo zhukaren lesko avlipe.
Andralutne phenimata haj mangaimata
10. vers
Ke o Demas muklas man anda lumako kamipe, haj gelastar ande Tessaloniki, ande Krescens Galacia, o Titus pale ande Dalmacia.
11. vers
Korkoro o Lukach si manca. Vi le Markos le tute, haj akhar les: mishto zhanav te hasnisarav les ando slugipe.
12. vers
Le Tichikuses bishaldom ando Efezush.
13. vers
Muro zubuno, so ando Troas kaj Karpuso muklom, an tusa, kana intye aves anles tusa, zhikade vi le hertiji ba majfeder le pergamenon.
14. vers
O xarkomaslo Alesander but nasul kerdas mange: O Raj majpotyinela leske sar perelpe leske.
15. vers
Vi tu ferintu lestar, ke zurales dushmano kerdyilas amare vorbenge.
16. vers
Kaj muro angluno muntosaripe khonyik nas pashamande, sakon korkoro muklas man – tena pharosajvel pe lende!
17. vers
Ba o Raj pashamande tordyilas, haj zor das amenge, ke o alav-viacaripe andre te agorisajvel mandar, haj zhanipe te lel pa leste sakono murtikano. Anda kado skepisajlom anda levosko girtyano.
18. vers
O Raj slobodisarel man kathar sakono nasul intrikipe, haj muntula man pe peske rajuni themeski rig. Luvudyipe leske sagutno-sagutnes! Amen!
Andreagoripe: drobovjimata haj ashtyilipe
19. vers
Drobovjisar le Priskas haj Akvilas, haj inke le Oneziforoseske kheres.
20. vers
O Erastus ando Korintush ashilas, le Trofimoses pale ando Miletos muklom, nasvales.
21. vers
Sidyar, ke inke angla o jivend kathe te reses!
Drobovjisarel tut o Eubulos, o Pudens, o Linus, e Klaudia haj sa le intrega phral!
22. vers
O Raj te avel tye duhosa! Gracija tumenca! Amen.
Könyvek
