Lil le galatange
4. fejezet
1. vers
Phenav pale: zhikaj o arando cino si inke, ande khancheste naj majkaver kathar e sluga, ba sakofaloske raj si,
2. vers
ba tala samalelara haj grizhara si zhikaj kodi vrama, so lesko dad vladisardas leske.
3. vers
Kade vi ame, zhikaj cine samas inke, tala lumake trabi samas slugime.
4. vers
Ba kana reslas la vramako intregonipe, o Del bishaldas peske Shaves, kon kathar romnyi arakhadyilas, haj tala krisako telalutno kerdyilas,
5. vers
ke kodalen, kon tala kris sasle, te muntusarelle, haj te resas o svagardo shavipe.
6. vers
Ke anda soste shave sanle, o Del bishaldas peske Shavesko Duho ande amaro ilo, kon kodo cipisarel: „Abba, Dade!”
7. vers
Kade majdur chi san aba sluga, ba shavo: kana pale shavo, atunchi vi kodo kaske perelpe o muklipe kathar o Del.
Feripe kathar dulmutano slugimasko palpale peripe
8. vers
Angla kodo, ke le Devles chi pinzharenas, kodalenge sluginas, so kathar e luma naj devle:
9. vers
ba akanak, kana pinzhardine le Devles, haj pinzharde san angla o Del, sar bolden tumen pale karing le bi zorake haj chorrivane butya, ke kodalenge pale te slugisaren?
10. vers
Dyesa inkren andre haj shon, vrami haj bersha!
11. vers
Daravav tumen, ke dore anda khanchi khinyardom man mashkar tumende.
12. vers
Aven kasave sar me som, ke vi me kasavo som sar tume: mangles mangav tumen, phralale! Khanchesa chi azbadine man.
13. vers
Haj zhanen, ke ande truposko slabipe viacardom tumenge majanglal o evangeliumo:
14. vers
haj kodo so zumavjipe shaj avilino ande muro trupo pe tumari rig, chi dikhline les tele, haj china chi rucisardine man, ba kade patyivisardine man, sar le Devleske andyelos, sar le Kristo Jezushes.
15. vers
Kaj si apol tumaro anandimo? Ke chacharav pa tumende, ke te shaj avilinosas, vi tumare jakha avri shindinesas haj mange dinesasle.
16. vers
Apolal tumaro dushmano kerdyilom, ke chachipe phenav tumenge?
17. vers
Na lashe gindimatanca butyaren mashkar tumende, ba kamen te shinen man tumendar, ke pashalende te butyaren tume.
18. vers
Lashi butyij sagda ande lashimaste te butyaren tumen, na feri atunchi, kana mashkar tumende som,
19. vers
mure shave, kas dukhipesa arakhadyisarav pale, zhikaj o Kristo hatyardyol ande tumende!
20. vers
Fajas man akanak tumende te avav, haj po kaver glaso te vorbisarav, ke kolo som anda tumende.
Le iskirimasko hatyaripe
21. vers
Phenen avri mange, kon tala e kris kamen te aven: chi ashunen la krisa?
22. vers
Ke iskirime si: Le Abrahames duj shave sasles, o jekh kathar sluginya sas.
23. vers
Ba kodo, kon kathar e sluginya sas, kathar o trupo arakhadyilas, kon pale kathar slobodo romnyi, anda vorbadinipe.
24. vers
Kadal anda parabolimata phendine: ke kadal romnya le duj konvenciji somnosaren: e jekh pa Shinaicko plajestar si, so po slugipe arakhadyisarel, kadi si e Hagar.
25. vers
E Hagar apol ande Arabija so si Shinaicko plaj somnosarel, haj somnosarel le akanutne Jeruzhalemos: ke peske shavenca kethanes ando slugipe trajil.
26. vers
O uchimasko Jeruzhalemo pale slobodo si: kadij amari dej.
27. vers
Ke iskirime si:
„Lossha, tu bi sumburaki, kon chi arakhadyisares:
vojintu haj cipisar, kon chi dukhares,
ke majbut si la muklanake shave,
sar kodalake, kas rom si”.
28. vers
Tume pale phralale, sar o Izhak, le vorbadinipeske shave sanle.
29. vers
Ba sar kodo atunchi, kon kathar o trupo arakhadyilas, nashavelas kodales kon kathar o duho sas, kade si vi akanak.
30. vers
Ba so phenel o Iskiripe:”Nashav la sluginya haj lake shaves, ke la sluginyako shavo chi resela muklimata la slobodona romnyake shavesa”.
31. vers
Apolal, phralale, na la sluginyake sam lake shave, ba la slobodona romnyake.
Könyvek
