Lil le galatange
capítulo 6
Le Kristoski kris
verso 1
Phralale, kana varikas ande varisoski bezex vi te xutyilena, tume, kon duhoske sanle, sityaren le kasaves po blindope: ba le sama pe tute, ke tena peres vitu ando zumavjipe.
verso 2
Phiraven jekhavresko pharipe, haj kade kerena le Kristoski kris.
verso 3
Ke kana varikon varisoske te inkrel pes, kana pale khanchij, xoxavel pes.
verso 4
Sakon peske kerdyimata te dikhel perdal, haj atunchi feri pe peste avla les asharipe, haj na pe kavereste.
verso 5
Ke sakon pesko pharipe ingrela.
verso 6
Kon pale ando alav sityaripe resel, te resarel peske sityares ande sakofalo lashimaste.
verso 7
Na xoxaven tumen: le Devles nashtig khelen avri. Ke so o manush beshavel, vi kodo kosila:
verso 8
ke kon peske truposke beshavel, vi anda trupo kosila rumusardyipe, kon pale le Duhoske beshavel, anda Duho kosila sagutno trajo.
verso 9
Tena khinyardyuvas andre ande lashe kerdyimata, ke tena khinyardyuvasa, kana avla e vrama vi kosisarasa.
verso 10
Apol zhikaj si amen vrama, keras lasho sakonesa, haj majfeder pale amare patyapeske phralenca.
Agorimaski vorba haj ashtyilipe
verso 11
Dikhen feri soske bare iskiripesa iskirisarav tumenge mure vastesa!
verso 12
Kon kathar o trupo kamen fajlipe te resen, kodal zuralrena tumen po krujalshinipe, numa anda kodo, ke anda Kristosko dukharipe tena dukhardyon nashavjipe.
verso 13
Ke chi le krujalshinde chi inkren andre la krisa: feri anda kodo kamen te shinaven tumen krujal, ke tumare truponca te asharen pen.
verso 14
Ba mandar apol dur te avel ande kavereste te asharav man, sar ande amaro Raj, ande Jezush Kristosko trushul, pa kaste perdal e luma si po trushul tannardo pe muri rig, haj me la lumake.
verso 15
Ke chi o krujalshinipe chi mol khanchi, haj chi o bi krujalshinipe, feri o nyevo kerdyipe.
verso 16
Haj sa pe kodal, kon kado vladipe patyan, pachipe haj muklipe te resen, haj vi le Devlesko Izraelo!
verso 17
Pala kado khonyik tene kerel mange na fajlipe, ke le Jezusheske somnura phiravav pe muro trupo.
verso 18
Amare Rajeski le Jezush Kristoski gracija te avel tumare duhosa, phralale! Amen.
Libros
