Evangeliumo kathar o Janosh
7. fejezet
O Jezush krujil le butimatan
1. vers
Pala kado o Jezush andre phirdas e Galilea. Chi kamlas ande Judea te zhal, ke le bibolde po meripe rodenasles.
2. vers
Pashe sas le biboldengo barodyes, o cerhaslo barodyes.
3. vers
Leske phral atunchi kodo phendine leske: „Zhatar kathar, zha ande Judea, ke vi tye sityarde te dikhen tye trabi, so keres!
4. vers
Ke khonyik chi butyarel ande tajna, kana po pinzharipe kamel te resel. Kana kadal keres, sikav tut la lumake!”
5. vers
Ke inke chi leske phral chi patyanas ande leste.
6. vers
O Jezush kodo phendas lenge: „Muri vrama inke naj kathe, ba tumenge e vrama sagutnes lashi si.
7. vers
Tumen nashtig rucil e luma, ba man rucil, ke me chacharav pa kodo, ke lenge trabi nasulaj.
8. vers
Tume numa zhan opre po barodyes, me chi zhav opre pe kado barodyes, ke muri vrama inke chi pherdyilas andre.”
9. vers
Kadal phendas, haj voj ande Galilea ashilas.
10. vers
Ba kana leske phral opregeline po barodyes, vi voj opregelas, ba na avri sikades, ba ande tajna.
11. vers
Le bibolde rodenas les po barodyes, haj kodo pushenas: „Kaj si voj?”
12. vers
Mashkar le manusha but sakofalo phenenas pa leste. Sas kon kadal phenenes: „Lasho manush si kodo!” Kavera pale: „Na, ke xoxavel le manushen.”
13. vers
Ba khonyik chi tromalas avri sikades te vorbil pa leste, ke daranas kathar le bibolde.
O Jezush sityarel ande khangeri
14. vers
Kana aba le baredyesesko mashkar sas, o Jezush opregelas ande khangeri haj sityarelas.
15. vers
Le bibolde chudinaspe, haj kado phenenas: „Kathar pinzharel le Iskirimata, kana apol china chi sityilasle?”
16. vers
O Jezush kado phendas lenge: „Muro sityaripe, na muroj, ba kodaleskoj, kon man bishaldas.
17. vers
Kana varikon gataj lesko kamipe te kerel, kodo oprepinzharel pa sityaripe, ke kathar o Del si, bake me mandar vorbisarav dore.
18. vers
Kon pestar vorbisarel, kodo pesko luvudyipe rodel, ba kon peske bishalareske luvudyipe rodel, kodo o chachipe phenel, haj naj ande leste xoxamnipe.
19. vers
Na o Mozesh das tumenge e kris? Haj khonyik mashkar tumende chi kerel la krisa. Sostar kamen apol man te mudaren?”
20. vers
Le manusha kodo phendine: „Beng si tut! Kon kamel tut te mudarel?”
21. vers
O Jezush kodo phendas lenge: „Numa jekh butyi kerdom, haj savorazhene xolyajven.
22. vers
O krujalshinipe o Mozesh das tumenge – ba kodo china na kathar o Mozesh si, ba kathar le dada –, haj savatone krujal shinen le manushes.
23. vers
Kana varikon krujal shaj shinavelpe savatone kade, ke ande Mozesheski kris dosh tena kerdyol, atunchi sostar xolyajven pe mande anda kodo, ke le intregone manushen sastyardom savatone?
24. vers
Na krisaren pa dichipe numa, ba chache krisasa krisaren!”
Le manushenge pushlimata pa Jezush
25. vers
Mashkar le Jeruzhalemicka unyizhene kodo phenenas: „Na voj si kodo, kas zurales roden?
26. vers
Aketa, angla sakoneste vorbil, haj khanchi chi phenen leske? Dore, le angmanusha oprepinzhardine, ke voj si o Kristo?
27. vers
Ba pa leste, zhanas, ke katharutnoj, o Kristo pale kana aveltar, khonyik chi zhanel, ke kathar si.”
28. vers
Atunchi o Jezush, kon ande khangeri sityarelas, kade cipisardas opre: „Pinzharen vi man, haj zhanen vi kodo, ke katharutno som. Ba me na mandar avilom, ba kodo bishaldas man, kon Chachoj, kas tume chi pinzharen.
29. vers
Me pinzharav les, ke lestar som, haj voj bishaldas man.”
30. vers
Atunchi fajlino les te xutyilen, ba khonyik chi vazdas pe leste vast, ke inke chi avilastar lesko chaso.
31. vers
Ba mashkar le manusha but zhene patyanas leske, haj kodo phenenas: „O Kristo kana aveltar, dore, majbut chiudicka somnura kerela, sar voj aba kerdas?”
Le angsavatosko xape pa Jezush
32. vers
Ashundine, le farizana, ke le manusha kasave vorbin pa leste, anda kado le angrashaja haj le farizana slugi bishaldine, te xutyilen les.
33. vers
Atunchi o Jezush kade das duma: „Inke jekh cerra vrama tumenca som, pala kodo zhavtar kaj kodo kon bishaldas man.
34. vers
Rodena man, ba chi arakhena, haj kaj me som, kothe tume nashig aven.”
35. vers
Le bibolde anda kado kodo phendine mashkar jekhavreste: „Kaj kamel kado te zhal, kaj chi rakhas les? Dore chi kamel mashkar le hellena te zhal haj le hellenon te sityarel?
36. vers
Ta soski vorbaj kadi so phendas: »Roden man, ba chi arakhena, haj kaj me som, kothe tume nashtig aven«?”
O zhuvindo paji
37. vers
Le baredyesengo paluno barodyes o Jezush tordyilas haj oprecipisardas: „Kana varikon trushajvel, te avel mande, haj te pel sakon,
38. vers
kon patyal ande mande. Sar e Iskirimata phenel: le zhuvende pajeske aba shordyona anda leste.”
39. vers
Kado pa Duho phendas, so kon ande leste patyan, lenales. Ke o Duho inke nas dino, ke o Jezush inke chi luvudyisajlas.
40. vers
Kon mashkar le manusha kadal vorbi ashundine, kado phenenas: „Kado chachikanes profeta si!”
41. vers
Kavera pale kado phenenas: „Kado o Kristoj!” Sas kon kade delas duma: „Dore, na anda Galilea avel o Kristo?
42. vers
Na kado phendas o Iskiripe: »Anda Davideske falura haj anda Betlehemesko than avel o Kristo, kathar o David falosajlas?«”
43. vers
Haj ande butimata shindyipe kerdyilas anda leste.
44. vers
Mashkar lende unyizhene kamline les te xutyilen, ba khonyi chi vazdas vast pe leste.
45. vers
Le slugi palpale geline kaj le angrashaja haj kaj le farizana. Kodal kodo phendine lenge: „Sostar chi andine les?”
46. vers
Le slugi kodo phendine: „Chikana kade manush inke chi vorbisardas!”
47. vers
Pe kado le farizana kado phendine: „Dore, vi tumen xoxadas?
48. vers
Apol mashkar le angmanusha bake farizana patyajlas ande leste varikon?
49. vers
Ba kadal manusha, save chi pinzharen la krisa, armajaslej.”
50. vers
Pe kado o Nikodemus, kon na dulmut leste phirdas, haj mashkar lende sas jekh, kado phendas lenge:
51. vers
„Dore, amari kris, krisarel le manushes, zhiso majanglal chi ashunel les avri, haj chi zhanglinesas avri, ke so kerdas?”
52. vers
Kodal kado phendine leske: „Dore, chi san vi tu galileicko? Dikh pala leste, haj dikh andre, ke anda Galilea nashtig avel profeta!”
53. vers
Pala kodo savorazhene khere geline ande pengo kher.
Könyvek
