Evangeliumo kathar o Janosh
3. fejezet
Vorbisaripe le Nikodemusesa
1. vers
Sas mashkar le farizana jekh Nikodemus anavesko manush, le biboldengo jekh angmanush.
2. vers
Ratyaki vrama gelastar kaj o Jezush, haj kade das leste duma: „Rabbi, zhanas, ke kathar o Del avilisardo sityari san, ke khonyik chi zhanel kadal chudicka somnura te kerel, save tu keres, kana feri naj lesa o Del.”
3. vers
O Jezush kodo phendas leske: „Amen, amen phenav tuke: kana varikon opral chi arakhadyol, nashtig dikhela le Devlesko them.”
4. vers
O Nikodemus pushlas les: „Sar shaj arakhadyol o manush, kana aba phuroj? Dore nashtig zhal andre pale ande peska dejaki utera, pale te arakhadyol?”
5. vers
O Jezush kado phendas leske: „Amen, amen, phenav tuke: kana varikon chi arakhadyol anda paji haj Sunto Duho, nashtig zhal andre ande Devlesko them.
6. vers
So anda trupo arakhadyilas, kodo trupoj, haj so anda Duho, kodo duhoj.
7. vers
Na chudintu, ke kodo phendom tuke, ke: trubuj opral te arakhadyon.
8. vers
E balval kothe phurdel kaj kamel. Ashunes lesko phurdipe, ba chi zhanes kathar avel, haj kaj zhal. Kade si sa kodo, kon kathar o Duho arakhadyilas.”
9. vers
O Nikodemus pushlas les: „Ba sar shaj perelpe sa kado?”
10. vers
O Jezush kodo phendas leske: „Tu le Izraelesko sityari san, haj chi zhanes kadal?
11. vers
Amen, amen phenav tuke, ke so zhanas, kodo phenas, haj so dikhas, pa kodo keras chacharipe, ba amaro chacharipe naj lasho tumenge.
12. vers
Kana pa phuvake butya vorbisardom tumenge haj chi patyan, atunchi sar patyana kana pa rajoske butya vorbisaro tumenge?
13. vers
Khonyik chi gelas opre ando rajo, numa kodo, kon anda rajo avilas tele: le Manushesko Shavo.
14. vers
Sar o Mozesh oprevazdas le sapes ande pusta, kade trubuj maj vi le Manusheske Shaveske opre te vazdadyol,
15. vers
ke sa kodaleske, kon patyal, sagutno trajo te avelles ande leste.”
Le Jezushesko bishalipesko dajno
16. vers
Ke kade kamelas o Del la luma, ke pesko jekhtune Shaves das, ke sa kodo, kon ande leste patyal, tena xasalyvel, haj sagutno trajo te avel les.
17. vers
Ke na anda kodo bishaldas o Del le Shaves, te krisarel la luma, ba anda kodo te muntosajvel perdal pa leste e luma.
18. vers
Kon patyal ande leste, chi perel tala krisaripe, ba kon chi patyal, kodo aba tala krisaripe pelas, ke chi patyalas ande Devlesko jekh arakhadyilino Shavesko anav.
19. vers
O krisaripe pale kado si: o fimlalipe ande luma avilas, ba le manusha majfeder kamenas o tunyarikipe, sar e fimlalimata, ke nasula sas lenge kerdyimata.
20. vers
Ke sa kodo, kon nasul kerel, rucil le fimlalipes, haj chi zhal po fimlalipe, ke tena phenen tele leske kerdyimata:
21. vers
ba kon o chachipe kerel, po fimlalipe zhal, ke avri te zhanardyon leske kerdyimata, ke ando Del kerelas kodolen.
O Bolari Janos haj o Jezush
22. vers
Pala kado o Jezush pe Judeake phuva gelas peske sityardenca. Kothe sas lenca haj bolelas.
23. vers
O Janosh zhikade bolelas ando Enono, na dur kathar o Salim, ke kothe but paji sas. Le manusha kothe geline, haj bolardyiline.
24. vers
Ke atunchi inke o Janosh nas ande robija shudino.
25. vers
Xape kerdyilas apol mashkar le Janosheske sityarde haj mashkar jekh biboldo pa uzharipe.
26. vers
Kothe geline kaj o Janosh, haj kodo phendine leske: „Rabbi, kodo kon tusa sas perdal pa Jordano, pa kaste chacharipe kerdan, aketa vi voj bolel, haj sakon leste zhal.”
27. vers
O Janosh kodo phendas: „O Manush khanchi nashtig lel peske, kana feri na anda rajo davadyilas leske.
28. vers
Haj tume san mure chachara, ke kodo phendom: Na me som o Kristo, ba kodo som, kas angla leste bishaldine.
29. vers
Kaskij e piramni kodoj o piramno: le piramnesko vortako pale, kon kothe tordyol haj ashunel les, zurales losshal le piramnesko glaso ashundines. Kadi lossh akanak andre pherdyilas.
30. vers
Leske trubul te baraol, mange pale majcino te kerdyuvav.”
31. vers
Kon opral avel, kodo opralutnes si pe sakoneste. Kon pa phuv si, kodo phuvakoj, haj phuvikanes vorbil. Kon anda rajo avel, majbaroj sakonestar.
32. vers
Pa kodo kerel chacharipe, so dikhlas haj ashundas, ba lesko chacharipe khanyikas chi trubul.
33. vers
Kon patyal lesko chacharipe, kodo shaj chacharel, ke o Del chachipe phenel.
34. vers
Ke kas o Del bishaldas, kodo le Devleske alava phenel, ke voj le Duhos na avri ginades del.
35. vers
O Dad kamel le Shaves, haj sakofalo ande lesko vast das.
36. vers
Kon ando Shavo patyal, sagutno trajo siles, kon pale chi patyal ando Shavo, chi dikhela le trajos, ba le Devleski xolyi ashol pe leste.
Könyvek
