Evangeliumo kathar o Janosh
capítulo 3
Vorbisaripe le Nikodemusesa
verso 1
Sas mashkar le farizana jekh Nikodemus anavesko manush, le biboldengo jekh angmanush.
verso 2
Ratyaki vrama gelastar kaj o Jezush, haj kade das leste duma: „Rabbi, zhanas, ke kathar o Del avilisardo sityari san, ke khonyik chi zhanel kadal chudicka somnura te kerel, save tu keres, kana feri naj lesa o Del.”
verso 3
O Jezush kodo phendas leske: „Amen, amen phenav tuke: kana varikon opral chi arakhadyol, nashtig dikhela le Devlesko them.”
verso 4
O Nikodemus pushlas les: „Sar shaj arakhadyol o manush, kana aba phuroj? Dore nashtig zhal andre pale ande peska dejaki utera, pale te arakhadyol?”
verso 5
O Jezush kado phendas leske: „Amen, amen, phenav tuke: kana varikon chi arakhadyol anda paji haj Sunto Duho, nashtig zhal andre ande Devlesko them.
verso 6
So anda trupo arakhadyilas, kodo trupoj, haj so anda Duho, kodo duhoj.
verso 7
Na chudintu, ke kodo phendom tuke, ke: trubuj opral te arakhadyon.
verso 8
E balval kothe phurdel kaj kamel. Ashunes lesko phurdipe, ba chi zhanes kathar avel, haj kaj zhal. Kade si sa kodo, kon kathar o Duho arakhadyilas.”
verso 9
O Nikodemus pushlas les: „Ba sar shaj perelpe sa kado?”
verso 10
O Jezush kodo phendas leske: „Tu le Izraelesko sityari san, haj chi zhanes kadal?
verso 11
Amen, amen phenav tuke, ke so zhanas, kodo phenas, haj so dikhas, pa kodo keras chacharipe, ba amaro chacharipe naj lasho tumenge.
verso 12
Kana pa phuvake butya vorbisardom tumenge haj chi patyan, atunchi sar patyana kana pa rajoske butya vorbisaro tumenge?
verso 13
Khonyik chi gelas opre ando rajo, numa kodo, kon anda rajo avilas tele: le Manushesko Shavo.
verso 14
Sar o Mozesh oprevazdas le sapes ande pusta, kade trubuj maj vi le Manusheske Shaveske opre te vazdadyol,
verso 15
ke sa kodaleske, kon patyal, sagutno trajo te avelles ande leste.”
Le Jezushesko bishalipesko dajno
verso 16
Ke kade kamelas o Del la luma, ke pesko jekhtune Shaves das, ke sa kodo, kon ande leste patyal, tena xasalyvel, haj sagutno trajo te avel les.
verso 17
Ke na anda kodo bishaldas o Del le Shaves, te krisarel la luma, ba anda kodo te muntosajvel perdal pa leste e luma.
verso 18
Kon patyal ande leste, chi perel tala krisaripe, ba kon chi patyal, kodo aba tala krisaripe pelas, ke chi patyalas ande Devlesko jekh arakhadyilino Shavesko anav.
verso 19
O krisaripe pale kado si: o fimlalipe ande luma avilas, ba le manusha majfeder kamenas o tunyarikipe, sar e fimlalimata, ke nasula sas lenge kerdyimata.
verso 20
Ke sa kodo, kon nasul kerel, rucil le fimlalipes, haj chi zhal po fimlalipe, ke tena phenen tele leske kerdyimata:
verso 21
ba kon o chachipe kerel, po fimlalipe zhal, ke avri te zhanardyon leske kerdyimata, ke ando Del kerelas kodolen.
O Bolari Janos haj o Jezush
verso 22
Pala kado o Jezush pe Judeake phuva gelas peske sityardenca. Kothe sas lenca haj bolelas.
verso 23
O Janosh zhikade bolelas ando Enono, na dur kathar o Salim, ke kothe but paji sas. Le manusha kothe geline, haj bolardyiline.
verso 24
Ke atunchi inke o Janosh nas ande robija shudino.
verso 25
Xape kerdyilas apol mashkar le Janosheske sityarde haj mashkar jekh biboldo pa uzharipe.
verso 26
Kothe geline kaj o Janosh, haj kodo phendine leske: „Rabbi, kodo kon tusa sas perdal pa Jordano, pa kaste chacharipe kerdan, aketa vi voj bolel, haj sakon leste zhal.”
verso 27
O Janosh kodo phendas: „O Manush khanchi nashtig lel peske, kana feri na anda rajo davadyilas leske.
verso 28
Haj tume san mure chachara, ke kodo phendom: Na me som o Kristo, ba kodo som, kas angla leste bishaldine.
verso 29
Kaskij e piramni kodoj o piramno: le piramnesko vortako pale, kon kothe tordyol haj ashunel les, zurales losshal le piramnesko glaso ashundines. Kadi lossh akanak andre pherdyilas.
verso 30
Leske trubul te baraol, mange pale majcino te kerdyuvav.”
verso 31
Kon opral avel, kodo opralutnes si pe sakoneste. Kon pa phuv si, kodo phuvakoj, haj phuvikanes vorbil. Kon anda rajo avel, majbaroj sakonestar.
verso 32
Pa kodo kerel chacharipe, so dikhlas haj ashundas, ba lesko chacharipe khanyikas chi trubul.
verso 33
Kon patyal lesko chacharipe, kodo shaj chacharel, ke o Del chachipe phenel.
verso 34
Ke kas o Del bishaldas, kodo le Devleske alava phenel, ke voj le Duhos na avri ginades del.
verso 35
O Dad kamel le Shaves, haj sakofalo ande lesko vast das.
verso 36
Kon ando Shavo patyal, sagutno trajo siles, kon pale chi patyal ando Shavo, chi dikhela le trajos, ba le Devleski xolyi ashol pe leste.
Libros
