Evangeliumo kathar o Janosh
capítulo 8
O Jezush haj e romnyi kon ansuripe phaglas
verso 1
O Jezush pale avrigelas pe uloj kashtengo plaj.
verso 2
Detehara pale gelastar ande khangeri, kaj sa le but manusha krujal line les. Telebeshlas haj sityarelas len.
verso 3
Le iskiritora haj le farizana kothe ingerdine leste jekha romnya, kas sama line, ke ansuripe phaglas. Mashkarutnes tordyardinela,
verso 4
haj kodo phendine le Jezusheske: Maistro! Kadala romnya sama line, ke ansuripe phaglas.
verso 5
O Mozesh ande kris kodo vladisardas amenge, ke kadalen trubuj barrenca te shudas. Tu apol so phenes?”
verso 6
Kado anda kodo phendine, ke avri te zumaven les, haj te shaj dosharen les. Ba o Jezush tele bandyilas haj peske najesa iskirisardas pe phuv.
verso 7
Kana kodal majdur pushenas les, opretordyilas haj kodo phendas lenge: „Kon mashkar tumende bi bezexako si, kodo te shudel majanglal pe late barr.”
verso 8
Pala kodo pale tele bandyilas haj iskirilas pe phuv.
verso 9
Kadal pale kana kado ashundine, pala jekhavreste sa gelinetar, le phurenca kethane, haj voj korkoro ashilas po mashkaral tordyarda romnyasa.
verso 10
O Jezush opretordyilas haj kodo phendas lake: „Romnye, kaj sile von? Ta khonyik chi krisardas tut?”
verso 11
Kodi pe kado kade das duma: „Khonyik, Raja!” O Jezush atunchi kado phendas lake: „Chi me chi krisarav tut. Zhatar, haj majbut aba na bezexar!”
Le Jezushesko chacharipe pa peste
verso 12
O Jezush pale duma das haj kodo phendas lenge: „Me som la lumako fimlalipe. Kon avel palamande, chi phirel ando tunyarikipe, ba lesko avla la lumako fimlalipe.”
verso 13
Pe kado le farizana kodo phendine leske: „Tu pa tute shos chacharipe, kade tyo chacharipe naj chacho.”
verso 14
O Jezush kodo phendas lenge: „Kana me pa mande te shav chacharipe, chachoj muro chacharipe, ke zhanav, ke kathar avilom, haj kaj zhav. Ba tume chi zhanen, ke kathar avilom haj kaj zhav.
verso 15
Vi tume pala trupo krisaren, ba me chi krisarav khanyikas.
verso 16
Kana pale krisarav, chachoj muro krisaripe, ke chi som korkoro, ba me, haj kodo, kon bishaldas man, o Dad.
verso 17
Apol vi ande tumari kris iskirime si, ke duje manushengo chacharipe chacho si.
verso 18
Me som kodo, kon chacharipe shol pa peste, haj chacharipe shol pa mande vi kodo, kon man bishaldas, o Dad.”
verso 19
Pe kado pushline: „Kaj si tyiro Dad?” O Jezush kodo phendas: „Chi man chi pinzharen haj chi mure Dades. Man te pinzharenas, dore vi mure Dades pinzharenas.”
verso 20
Kadal vorbi phendas kaj e avucija inkrenas, kana ande khangeri sityarelas. Khonyik chi xutyildas les, ke inke chi avilastar lesko chaso.
Le Jezushesko falipe haj bishalipe
verso 21
Pala kodo pale duma das lende: „Zhavtar haj rodena man, ba meren ande tumare bezexa. Kaj me zhav, kothe tume nashtig aven.”
verso 22
Le bibolde pe kado kodo phendine: „Dore chi mudarel pes haj anda kodo phenel kado: »Kaj me zhav, kothe tume nashtig aven«?”
verso 23
Voj kodo phendas lenge: „Tume kathe telalutne san, me pale opralutno. Tume anda kadi luma sanle, ba me chi som anda kadi luma.
verso 24
Anda kado phendom tumenge, ke meren ande tumare bezexa. Ke tena patyan, ke me som, atunchi meren ande tumare bezexa.”
verso 25
Pe kado kodo pushline: „Kon san tu?” O Jezush kodo phendas: „Kodo, so sagda phendom tumenge.
verso 26
But trubulas inke pa tumende te phenav haj te krisarav, ba kon bishaldas man, chachipe phenel, haj me kodo phenav avri la lumake, so lestar ashundom.”
verso 27
Kodal chi hatyardine, ke pa Dad vorbil lenge.
verso 28
Anda kado o Jezush kade das duma: „Kana oprevazdena le Manusheske Shaves, atunchi avrizhanena, ke me som, haj khanchi chi kerav mandar, ba kade phenav kadala, sar o Dad sityardas man.
verso 29
Haj kon bishaldas man, manca si, chi muklas man korkoro, ke sagda kodo kerav, so skunpoj leske.
verso 30
Kana kadal phendas, but zhene patyanas ande leste.
Le Abrahameske chache shavora
verso 31
Kodal biboldenge, kon payanas leske, kodo phendas: „Te ashona ande muro sityaripe, chachikanes mure sityarde san,
verso 32
pinzharen o chachipe, haj o chachipe slobodisarel tumen.”
verso 33
Kodal kodo phendine leske: „Le Abrahameske falura sam, haj chikana khanyikaske chi slugisardam. Sar shaj phenes apol tu, ke »slobudura avna«?”
verso 34
O Jezush kade das duma: „Amen, amen, phenav tumenge: Sa kodo, kon bezex kerel, slugaj.
verso 35
Ba e sluga chi ashol sagda ando kher, numa o Shavo ashol kothe sagda.
verso 36
Kana apol o Shavo slobodisarel tumen, chachikanes slobodura avena.
verso 37
Zhanav, ke le Abrahameske falura san, ba kamen man te mudaren, ke muro sityaripe chi resel ande tumende.
verso 38
Me kodo phenav, so kaj o Dad dikhlom, haj tume kodo keren so kathar tumare dada ashundine.”
verso 39
Kodo phendine palpale leske: „Amaro dad o Abraham si!” O Jezush kodo phendas lenge: „Le Abrahameske shave te avenas, le Abrahameske trabi kerenas.
verso 40
Ba akanak kamen te mudaren man, kodale manushes, kon tumenge kodo chachipe phendom, so kathar o Del ashundom: kado o Abraham chi kerdas.
verso 41
Tume tumare dadenge trabi keren.” Pe kado kodo phendine leske: „Ame na anda marhipe arakhadyilam. Jekh Dad si amen, o Del!”
verso 42
O Jezush kade das lende duma: „O Del te avlas tumaro Dad, kamenas man, ke me kathar o Del som haj lestar avilom. Ke na mandar avilom, ba voj bishaldas man.
verso 43
Sostar chi hatyaren muri vorba? Sostar chi zhanen te ashunen muro alav.
verso 44
Tume kathar le beng-dadestar san, haj tumare dadesko dorope kamen te keren. Voj mudari sas zhikathar o anglalutnipe, haj ando chachipe chi tordyilas, ke naj ande leste chachipe. Kana xoxavjimata phenel, pestar vorbil, ke xoxamnoj haj le xoxamnimasko dad si.
verso 45
Ba me o chachipe phenav, anda kado chi patyan mange.
verso 46
Kon shaj dosharel man mashkar tumende bezexesa? Kana chachipe phenav tumenge, sostar chi patyan mange?
verso 47
Kon kathar o Del si, kodo le Devleske alava ashunel. Tume anda kodo chi ashunen les, ke chi sanle kathar o Del.”
O Jezush haj o Abraham
verso 48
Le bibolde kodo phendine palpale: „Dore na mishto phenas, ke samaritano san haj beng si tut?”
verso 49
O Jezush kodo phendas: „Naj man beng, numa patyivisarav mure Dades, haj tume marhimata phenen pe mande.
verso 50
Ba me chi rodav muro luvudyipe: si kon rodel kodo, haj krisipe phenel.
verso 51
Amen, amen, phenav tumenge: Kon inkrel muro sityaripe, kodo meripe chi dikhel chikana.”
verso 52
Kodo phendine pe kado le bibolde: „Akanak pinzhardam avri, ke beng si tut. O Abraham mulas, haj vi le profeti, haj tu kodo phenes: »Kana varikon muro sityaripe inkrel, chi resel o meripe chikana.«
verso 53
Majbaro san dore vi kathar amaro Abraham dad, kon mulas? Vi le profeti muline. Soske shos apol tut?”
verso 54
O Jezush kodo phendas lenge: „Me te luvudyisarav man, atunchi muro luvudyipe khanchi si. Muro Dad si kodo, kon luvudyisarel man, pa kaste tume kodo phenen: »Amaro Del si«,
verso 55
ba chi pinzharel les. Ba me pinzharav les. Kana kodo te phenos, ke chi pinzharav les, kasavo xoxamno avos atunchi sar tume. Ba me pinzharav les, haj lesko sityaripe inkrav.
verso 56
O Abraham tumaro dad, losshalas, ke shaj dikhel muro dyes. Dikhlasles, haj losshalas.”
verso 57
Le bibolde pe kado kodo phendine leske: „Inke chi panzhvardeshe bershengo chi san, haj dikhlan le Abrahamos?”
verso 58
O Jezush kodo phendas lenge: „Amen, amen phenav tumenge: Zhiso majanglal o Abraham avilinosas, me som.”
verso 59
Atunchi barr xutyildine, te shuden les barrenca. Ba o Jezush garadyilas, haj avri gelas anda khangeri.
Libros
