Evangeliumo kathar o Janosh
capítulo 21
O opretrajisardino sikadyol kaj o paji
verso 1
Pala kadal o Jezush pale sikadyilas le sityardenge, kaj e Tiberiasheski mara. Kade sikadyilas:
verso 2
Kethane sas o Shimon Peter, o Tamash, kas Ikereske akharenas, anda galileicko Kana o Natanael, le Zebedeusheske shave, haj inke kaver duj mashkar leske sityarde.
verso 3
O Shimon Peter kodo phendas lenge: „Zhavtar te masharav.” Kodal kodo phendine leske palpale: „Zhas tusa vi ame.” Gelinetar apol, haj andre hulyiline ando bero, ba kodi ratyi khanchi chi xutyildine.
verso 4
Kana aba zorisardyilas, o Jezush pe dolma tordyolas, ba le sityarde chi zhanenas, ke o Jezush si kodo.
verso 5
O Jezush kodo phendas lenge: „Mure shave, naj tumen variso xamasko?” Kodo phendine: „Naj!”
verso 6
Voj atunchi kodo phendas lenge: „Shuden avri o xudro pe beroski chachi rig, haj rakhena!” Avrishudineles, ba avri te cirdenles aba chi zhanenas kathar le zurales but mashe.
verso 7
Atunchi kodo sityardo, kas o Jezush kamelas, kade das duma kaj o Peter: „O Raj si kodo!” Kana o Shimon Peter ashundas, ke o Raj si kodo, pe peste las pesko pluvialo, ke dopash nago sas, haj ande mara xuttyilas.
verso 8
Le majbut sityarde pale le berosa aviline avri, ke nasle dur kathar e dolma, numa karing le dujshela kuja dur, haj cirdenas pala pende le mashenca pherdyiline xudros.
verso 9
Kana avri hulyiline pe dolma, phabardo zharo dikhline, pe leste mashes haj pasha leste manres.
verso 10
O Jezush kodo phendas lenge: „Anen anda mashe, saven akanak xutyildine!”
verso 11
Pe kado o Shimon Peter palpale gelas, haj pe dolma cirdas o xudro, savo pherdo sas shel thaj panzhvardesh thaj trine bare mashenca. Haj chaches ke kattyi sas, ba chi shindyolas o xudro.
verso 12
O Jezush kodo phendas lenge: „Aven, xan!” Mashkar le sityarde khonyik chi tromajlas te pushel les: „Kon san tu?” Ke zhanenas, ke o Raj si kodo.
verso 13
O Jezush kothe gelas, xutyildas o manro, kothe dasles lenge, zhikade vi le mashes.
verso 14
O Jezush aba po trito sikadyilas le sityardenge zhikathar kodo, ke opretrajisardyilas anda meripe.
Le opretrajisardeske vorbi kaj o Peter
verso 15
Pala soste xaline, o Jezush pushlas le Shimon Peteres: „Shimon, le Janoshesko shavo, dore maj feder kames man, sar kadal?” Voj kodo phendas: „Ova, Raja, tu zhanes, ke kamav tut!” Pe kado kodo phendas leske: „Le sama pe mure bakre!”
verso 16
Pala kodo vi po dujto pushlas: „Shimon, le Janoshesko shavo, kames tu man?” Kodo phendas palpale: „Ova, Raja, tu zhanes, ke kamav tut!” Pe kado kodo phendas leske: „Le sama pe mure bakre!”
verso 17
Pala kodo pale pushlas les: „Shimon, le Janoshesko shavo, kames tu man?”, haj kodo phendas: „Raja, tu sakofalo zhanes, tu zhanes, ke kamav tut!” Atunchi kade das duma: „Le sama pe mure bakre!
verso 18
Amen, amen phenav tuke: kana majterno sanas, oprebrichinaresas tut, haj kothe zhasas, kaj kamesas. Kana apol phuro kerdyos, avrilunzhares tye vast: kaver brichinarel tut opre, haj kothe ingrel tut, kaj chi kames.”
verso 19
Kado pale anda kodo phendas, ke te somnosarel, ke soske meripesa luvudyisarela les o Del. Pala soste kado phendas, kade das duma: „Av pala mande!”
verso 20
Sar o Peter palpale boldaspe, dikhlas, ke avel pala leste kodo sityardo, kon kaj o xamo, pashe bandyilas kaj o Jezush, haj pushlas les: „Raja, kon si kon tut purril?”
verso 21
Kana apol o Peter dikhlas les, pushlas kathar o Jezush: „Raja haj voj?”
verso 22
O Jezush kodo phendas leske: „Kodo te kamav te ashol, zhikaj avavtar, so grizhostu lesa? Tu av pala mande!”
verso 23
Anda kado mashkar phral kodo phenipe phirelas, ke kodo sityardo chi merela. Ba apol o Jezush na kodo phendas leske: „Chi merel”, ba kodo: „Kodo te kamav, te ashol, zhikaj avavtar, so grizhostu lesa?”
Andre phandade vorbi kaj o evangeliumo
verso 24
Kado sityardo, kon chacharipe kerel sa pa kadal, haj kon kadal iskirisardas. Zhanas, ke chachoj lesko chacharipe.
verso 25
Si inke vi but kaver trabi, so o Jezush kerdas, haj kodal jekh pala jekh tele te iskirinas, kade gindisarav, chi e intrego luma chi zhanelas andre te svagarel le hertiji, saven trubujas te iskirin.
Libros
