Evangeliumo kathar o Janosh

capítulo 20


Capítulos:


Le shushe murmuntosko sama lelipe


verso 1

E Marija Magdolna pe kurkesko angluno dyes detehara, kana inke tunyariko sas, kaj o murmunto gelas, haj dikhlas, ke le barres mishkisardine kathar o murmunto.


verso 2

Nashlastar apol, gelastar kaj o Shimon Peter haj kaj o kaver sityardo, kas o Jezush kamelas, haj kodo phendas lenge: „Ingerdine le Rajes anda murmunto, haj chi zhanas, ke kaj shutine les!”


verso 3

Pe kado o Peter haj o kaver sityardo kaj o murmunto geline.


verso 4

Dujzhene jekharsa nashenas, ba o kaver sityardo majfeder nashelas, sar o Peter, haj anglunes reslas kaj o murmunto.


verso 5

Tele bandyilas haj dikhlas tele shutine le poxtana, ba chi gelas andre.


verso 6

Pala kodo kothe reslas vi o Shimon Peter, kon nashelas pala leste haj andre gelas ando murmunto. Dikhlas tele shutine le poxtana


verso 7

haj o dikhlo, so pe lesko shero sas, na pasha poxtana shutines, ba rigate pekh kaver than, kethane patyardines.


verso 8

Atunchi andre gelas vi o kaver sityardo, kon majanglal reslas kaj o murmunto: dikhlas haj patyalas.


verso 9

Ke inke chi hatyarenas o Iskiripe, ke opre trubuj te trajisardyol anda meripe.


verso 10

Le sityarde pala kado pale khere geline.


O Jezush sikadyol la Marija Magdolnake


verso 11

E Marija pale kothe tordyolas kaj o murmunto, haj rovelas. Sar rovelas, andre bandyilas ando murmunto.


verso 12

Duje andyelon dikhlas ande parne gada te beshen, le jekhes sherestar, le kaveres punrendar, kaj le Jezushesko trupo pashjolas.


verso 13

Kodal pushline latar: „Romnye, sostar roves?” Voj kodo phendas lenge: „Ingerdine mure Rajes, haj chi zhanav, ke kaj shutine les!”


verso 14

Kana kado avriphendas, palpale boldaspe, haj dikhelas le Jezushes, ke kothe tordyol, ba chi zhanelas, ke o Jezush si.


verso 15

O Jezush pushlas latar: „Romnye, sostar roves? Kas rodes?” Voj pale, kodo gindisardes, ke o barari si kodo, kodo phendas leske: „Raja, tu te ingerdan les, phen avri mange, ke kaj shutan les, haj me ingrav les!”


verso 16

Atunchi o Jezush duma das late: „Marija!” Pe kado voj boldaspe, haj hebericka kade das duma: „Rabboni!”, so kodo phenel: Maistro.


verso 17

O Jezush kade das late duma: „Na inker man opre, ke inke chi gelom opre kaj o Dad, ba zhatar kaj mure phral, haj phen lenge kodo: Oprezhav kaj muro Dad haj kaj tumaro Dad, kaj muro Del haj kaj tumaro Del.”


verso 18

E Marija Magdolna gelastar, haj ingerdas e viaca le sityardenge: „Dikhlem le Rajes!”, haj ke kadala phendas lake.


O Jezush sikadyol le sityardenge


verso 19

Kana kodo dyes, pe kurkesko angluno dyes ratyi kerdyilas, haj le thanesko vudar, kaj le sityarde kethane aviline, andre sas phandado, ke daranas kathar le bibolde, avilastar o Jezush, tordyilas mashkaral, haj kodo phendas lenge: „Pachipe tumenge!”


verso 20

Pala soste kadal phendas, sikadas lenge pesko vast haj pesko pashavro. Le sityarde losshajline, kana dikhline le Rajes.


verso 21

Pala kodo pale duma das lende: „Pachipe tumenge! Sar man bishaldas o Dad, kade bishalav vi me tumen.”


verso 22

Haj pala soste kado phendas, pe lende phurdas, haj kade das duma lende: „Len o Sunto Duho!


verso 23

Kaske jertisaren lenge bezexa, jertipe resena, kaske pale inkrenale, kodalenge bezexa ashona.”


O Jezush haj o Tamash


verso 24

O Tamash pale, jekh anda deshuduj, kas Ikereske akharenas, chi sas lenca, kana avilastar o Jezush.


verso 25

Le majbut sityarde phendine leske: „Dikhlam le Rajes!” Ba voj kade das duma: „Kana feri chi dikho pe leske vast le karfenge vurmi, haj mure naja ande karfenge thana chi shuvo, haj muro vast ande lesko pashavro chi shav, me chi patyav!”


verso 26

Pala oxto dyes pale kethane sas leske sityrde, haj vi o Tamash lenca sas. O Jezush avilastar – ba o vudar phandado sas –, tordyilas mashkaral, haj kade das duma: „Pachipe tumenge!”


verso 27

Pala kado kodo phendas le Tamasheske: „Shuv kate tyo naj haj dikh mure vast: lunzhar avri tyo vast, haj shules ande muro pashavro, haj na av bipatyamno, ba patyari!”


verso 28

O Tamash kodo phendas: „Muro Raj haj muro Del!”


verso 29

O Jezush pe kado kodo phendas leske: „Ke dikhlan man, patyajlan. Anandej, kon chi dikhline man, haj vi kade patyanas.”


Paluni vorba


verso 30

O Jezush inke but chudicka trabi kerdas angla peske sityardenge jakha, save naj tele iskirime ande kadi hertija.


verso 31

Kadal pale anda kodo iskirisardine tele, ke te patyan, ke o Jezush si o Kristo, le Devlesko Shavo, haj pa kado patyape perdal ande lesko anav trajo te avel tumen.

Capítulos:


Libros