Evangeliumo kathar o Janosh

Chapters:

… 16 17 18 19 20 21   ⇤ ← 20 → ⇥

verse #1

E Marija Magdolna pe kurkesko angluno dyes detehara, kana inke tunyariko sas, kaj o murmunto gelas, haj dikhlas, ke le barres mishkisardine kathar o murmunto.

verse #2

Nashlastar apol, gelastar kaj o Shimon Peter haj kaj o kaver sityardo, kas o Jezush kamelas, haj kodo phendas lenge: „Ingerdine le Rajes anda murmunto, haj chi zhanas, ke kaj shutine les!”

verse #3

Pe kado o Peter haj o kaver sityardo kaj o murmunto geline.

verse #4

Dujzhene jekharsa nashenas, ba o kaver sityardo majfeder nashelas, sar o Peter, haj anglunes reslas kaj o murmunto.

verse #5

Tele bandyilas haj dikhlas tele shutine le poxtana, ba chi gelas andre.

verse #6

Pala kodo kothe reslas vi o Shimon Peter, kon nashelas pala leste haj andre gelas ando murmunto. Dikhlas tele shutine le poxtana

verse #7

haj o dikhlo, so pe lesko shero sas, na pasha poxtana shutines, ba rigate pekh kaver than, kethane patyardines.

verse #8

Atunchi andre gelas vi o kaver sityardo, kon majanglal reslas kaj o murmunto: dikhlas haj patyalas.

verse #9

Ke inke chi hatyarenas o Iskiripe, ke opre trubuj te trajisardyol anda meripe.

verse #10

Le sityarde pala kado pale khere geline.

verse #11

E Marija pale kothe tordyolas kaj o murmunto, haj rovelas. Sar rovelas, andre bandyilas ando murmunto.

verse #12

Duje andyelon dikhlas ande parne gada te beshen, le jekhes sherestar, le kaveres punrendar, kaj le Jezushesko trupo pashjolas.

verse #13

Kodal pushline latar: „Romnye, sostar roves?” Voj kodo phendas lenge: „Ingerdine mure Rajes, haj chi zhanav, ke kaj shutine les!”

verse #14

Kana kado avriphendas, palpale boldaspe, haj dikhelas le Jezushes, ke kothe tordyol, ba chi zhanelas, ke o Jezush si.

verse #15

O Jezush pushlas latar: „Romnye, sostar roves? Kas rodes?” Voj pale, kodo gindisardes, ke o barari si kodo, kodo phendas leske: „Raja, tu te ingerdan les, phen avri mange, ke kaj shutan les, haj me ingrav les!”

verse #16

Atunchi o Jezush duma das late: „Marija!” Pe kado voj boldaspe, haj hebericka kade das duma: „Rabboni!”, so kodo phenel: Maistro.

verse #17

O Jezush kade das late duma: „Na inker man opre, ke inke chi gelom opre kaj o Dad, ba zhatar kaj mure phral, haj phen lenge kodo: Oprezhav kaj muro Dad haj kaj tumaro Dad, kaj muro Del haj kaj tumaro Del.”

verse #18

E Marija Magdolna gelastar, haj ingerdas e viaca le sityardenge: „Dikhlem le Rajes!”, haj ke kadala phendas lake.

verse #19

Kana kodo dyes, pe kurkesko angluno dyes ratyi kerdyilas, haj le thanesko vudar, kaj le sityarde kethane aviline, andre sas phandado, ke daranas kathar le bibolde, avilastar o Jezush, tordyilas mashkaral, haj kodo phendas lenge: „Pachipe tumenge!”

verse #20

Pala soste kadal phendas, sikadas lenge pesko vast haj pesko pashavro. Le sityarde losshajline, kana dikhline le Rajes.

verse #21

Pala kodo pale duma das lende: „Pachipe tumenge! Sar man bishaldas o Dad, kade bishalav vi me tumen.”

verse #22

Haj pala soste kado phendas, pe lende phurdas, haj kade das duma lende: „Len o Sunto Duho!

verse #23

Kaske jertisaren lenge bezexa, jertipe resena, kaske pale inkrenale, kodalenge bezexa ashona.”

verse #24

O Tamash pale, jekh anda deshuduj, kas Ikereske akharenas, chi sas lenca, kana avilastar o Jezush.

verse #25

Le majbut sityarde phendine leske: „Dikhlam le Rajes!” Ba voj kade das duma: „Kana feri chi dikho pe leske vast le karfenge vurmi, haj mure naja ande karfenge thana chi shuvo, haj muro vast ande lesko pashavro chi shav, me chi patyav!”

verse #26

Pala oxto dyes pale kethane sas leske sityrde, haj vi o Tamash lenca sas. O Jezush avilastar – ba o vudar phandado sas –, tordyilas mashkaral, haj kade das duma: „Pachipe tumenge!”

verse #27

Pala kado kodo phendas le Tamasheske: „Shuv kate tyo naj haj dikh mure vast: lunzhar avri tyo vast, haj shules ande muro pashavro, haj na av bipatyamno, ba patyari!”

verse #28

O Tamash kodo phendas: „Muro Raj haj muro Del!”

verse #29

O Jezush pe kado kodo phendas leske: „Ke dikhlan man, patyajlan. Anandej, kon chi dikhline man, haj vi kade patyanas.”

verse #30

O Jezush inke but chudicka trabi kerdas angla peske sityardenge jakha, save naj tele iskirime ande kadi hertija.

verse #31

Kadal pale anda kodo iskirisardine tele, ke te patyan, ke o Jezush si o Kristo, le Devlesko Shavo, haj pa kado patyape perdal ande lesko anav trajo te avel tumen.

Chapters:

1 2 3 4 5 6 7 8 9 10 11 12 13 14 15 16 17 18 19 20 21