Evangeliumo kathar o Janosh
20. fejezet
Le shushe murmuntosko sama lelipe
1. vers
E Marija Magdolna pe kurkesko angluno dyes detehara, kana inke tunyariko sas, kaj o murmunto gelas, haj dikhlas, ke le barres mishkisardine kathar o murmunto.
2. vers
Nashlastar apol, gelastar kaj o Shimon Peter haj kaj o kaver sityardo, kas o Jezush kamelas, haj kodo phendas lenge: „Ingerdine le Rajes anda murmunto, haj chi zhanas, ke kaj shutine les!”
3. vers
Pe kado o Peter haj o kaver sityardo kaj o murmunto geline.
4. vers
Dujzhene jekharsa nashenas, ba o kaver sityardo majfeder nashelas, sar o Peter, haj anglunes reslas kaj o murmunto.
5. vers
Tele bandyilas haj dikhlas tele shutine le poxtana, ba chi gelas andre.
6. vers
Pala kodo kothe reslas vi o Shimon Peter, kon nashelas pala leste haj andre gelas ando murmunto. Dikhlas tele shutine le poxtana
7. vers
haj o dikhlo, so pe lesko shero sas, na pasha poxtana shutines, ba rigate pekh kaver than, kethane patyardines.
8. vers
Atunchi andre gelas vi o kaver sityardo, kon majanglal reslas kaj o murmunto: dikhlas haj patyalas.
9. vers
Ke inke chi hatyarenas o Iskiripe, ke opre trubuj te trajisardyol anda meripe.
10. vers
Le sityarde pala kado pale khere geline.
O Jezush sikadyol la Marija Magdolnake
11. vers
E Marija pale kothe tordyolas kaj o murmunto, haj rovelas. Sar rovelas, andre bandyilas ando murmunto.
12. vers
Duje andyelon dikhlas ande parne gada te beshen, le jekhes sherestar, le kaveres punrendar, kaj le Jezushesko trupo pashjolas.
13. vers
Kodal pushline latar: „Romnye, sostar roves?” Voj kodo phendas lenge: „Ingerdine mure Rajes, haj chi zhanav, ke kaj shutine les!”
14. vers
Kana kado avriphendas, palpale boldaspe, haj dikhelas le Jezushes, ke kothe tordyol, ba chi zhanelas, ke o Jezush si.
15. vers
O Jezush pushlas latar: „Romnye, sostar roves? Kas rodes?” Voj pale, kodo gindisardes, ke o barari si kodo, kodo phendas leske: „Raja, tu te ingerdan les, phen avri mange, ke kaj shutan les, haj me ingrav les!”
16. vers
Atunchi o Jezush duma das late: „Marija!” Pe kado voj boldaspe, haj hebericka kade das duma: „Rabboni!”, so kodo phenel: Maistro.
17. vers
O Jezush kade das late duma: „Na inker man opre, ke inke chi gelom opre kaj o Dad, ba zhatar kaj mure phral, haj phen lenge kodo: Oprezhav kaj muro Dad haj kaj tumaro Dad, kaj muro Del haj kaj tumaro Del.”
18. vers
E Marija Magdolna gelastar, haj ingerdas e viaca le sityardenge: „Dikhlem le Rajes!”, haj ke kadala phendas lake.
O Jezush sikadyol le sityardenge
19. vers
Kana kodo dyes, pe kurkesko angluno dyes ratyi kerdyilas, haj le thanesko vudar, kaj le sityarde kethane aviline, andre sas phandado, ke daranas kathar le bibolde, avilastar o Jezush, tordyilas mashkaral, haj kodo phendas lenge: „Pachipe tumenge!”
20. vers
Pala soste kadal phendas, sikadas lenge pesko vast haj pesko pashavro. Le sityarde losshajline, kana dikhline le Rajes.
21. vers
Pala kodo pale duma das lende: „Pachipe tumenge! Sar man bishaldas o Dad, kade bishalav vi me tumen.”
22. vers
Haj pala soste kado phendas, pe lende phurdas, haj kade das duma lende: „Len o Sunto Duho!
23. vers
Kaske jertisaren lenge bezexa, jertipe resena, kaske pale inkrenale, kodalenge bezexa ashona.”
O Jezush haj o Tamash
24. vers
O Tamash pale, jekh anda deshuduj, kas Ikereske akharenas, chi sas lenca, kana avilastar o Jezush.
25. vers
Le majbut sityarde phendine leske: „Dikhlam le Rajes!” Ba voj kade das duma: „Kana feri chi dikho pe leske vast le karfenge vurmi, haj mure naja ande karfenge thana chi shuvo, haj muro vast ande lesko pashavro chi shav, me chi patyav!”
26. vers
Pala oxto dyes pale kethane sas leske sityrde, haj vi o Tamash lenca sas. O Jezush avilastar – ba o vudar phandado sas –, tordyilas mashkaral, haj kade das duma: „Pachipe tumenge!”
27. vers
Pala kado kodo phendas le Tamasheske: „Shuv kate tyo naj haj dikh mure vast: lunzhar avri tyo vast, haj shules ande muro pashavro, haj na av bipatyamno, ba patyari!”
28. vers
O Tamash kodo phendas: „Muro Raj haj muro Del!”
29. vers
O Jezush pe kado kodo phendas leske: „Ke dikhlan man, patyajlan. Anandej, kon chi dikhline man, haj vi kade patyanas.”
Paluni vorba
30. vers
O Jezush inke but chudicka trabi kerdas angla peske sityardenge jakha, save naj tele iskirime ande kadi hertija.
31. vers
Kadal pale anda kodo iskirisardine tele, ke te patyan, ke o Jezush si o Kristo, le Devlesko Shavo, haj pa kado patyape perdal ande lesko anav trajo te avel tumen.
Könyvek
