Evangeliumo kathar o Janosh

Fejezetek:

… 13 14 15 16 17 …   ⇤ ← 15 → ⇥

1. vers

Me som e chachi drakhuni buchuma, muro Dad pale o drakhari.

2. vers

Sakone drakhuni kranzha, save chi anen pe mande frukto, tele shinel, haj sakone upajines uzharel, ke majbut te upajil.

3. vers

Tume aba uzhe san kathar o alav, so aba phendom tumenge.

4. vers

Ashon ande mande haj me ande tumende. Ke sar e drakhuni kranzha chi zhanel frukto te kerel pestar, tena ashol pe drakhuni buchuma, kade chi tume, tena ashon ande mande.

5. vers

Me som e drakhuni buchuma tume pale e drakhuni kranzhi. Kon ande mande ashol haj me ande leste, kodo but upaj kerel, ke bi muro khanchi nashtig keren.

6. vers

Kana varikon chi ashol ande mande kodales avrishuden, sar le drakune kranzhen, haj shutyolatar: kethane kidenlen, pe jag shudenlen haj phabonatar.

7. vers

Kana ande mande ashona haj mure alava ande tumende ashona, mangen, so kamen, haj lenales.

8. vers

Pa kodo perdal luvudyilpe muro Dad, ke sode frukto keren, haj mure sityarde kerdyon.

9. vers

Sar man kamel o Dad, kade kamos vi me tumen. Ashon ande muro kamipe.

10. vers

Mure vladimata, te inkrena, atunchi ashona ande muro kamipe, sar vi me inkerdom mure Dadeske vladimata, haj ashuvav ande lesko kamipe.

11. vers

Anda kodo phendom kadal tumenge, ke muri lossh ande tumende te avel, haj tumari lossh intrego te avel.

12. vers

Muro vladipe kodoj, ke te kamen jekhavres, sar me kamav tumen.

13. vers

Majbaro kamipe khanyikas naj kathar kodo, sar kana varikon pesko trajo del anda peske vortakura.

14. vers

Tume mure vortakura san, te kerena kodo, so vladisardom tumenge.

15. vers

Aba chi phenav tumen slugange, ke o sluga chi zhanel, ke so kerel lesko raj. Mure vortakonge phenav tumen, ke sakofalo, so ashundom kathar muro Dad, avrizhanardom tumenge.

16. vers

Na tume alosardine man, ba me alosardom tumen. Pe kodo manglom tumen, te zhantar, frukto te upajin, haj tumaro frukto te ashol, haj zhiso mangen ande muro anav kathar o Dad, delales tumenge.

17. vers

Kodo vladisarav tumenge: kamen jekhavres!

18. vers

Kana e luma rucil tumen, zhanen avri, ke man maj anglal rucilas tumendar.

19. vers

Kana anda luma avenas, e luma kamelas kodo, so lakoj. Ke chi sanle anda luma, ke avrialosardom tumen anda luma, anda kodo rucil tumen e luma.

20. vers

Seron pe vorba, so phendom tumenge: Naj majbaro e sluga kathar pesko raj. Man te nashavenas, vi tumen nashavena: mure vorbi te inkerdine, vi tumare inkrena.

21. vers

Ba sa kadal anda muro anav kerena tumenca, ke chi pinzharen kodales, kon bishaldas man.

22. vers

Ba tena avilomas, haj tena vorbisardomas lenge, chi avlas len bezex, ba akanak naj len muntuipe pe lenge bezexa.

23. vers

Kon man rucil, vi mure dades rucil.

24. vers

Tena kerdomas mashkar lende kasave trabi, so khonyik kaver chi kerdas, chi avla len bezexa. Ba akanak dikhline, haj vi kade rucin vi man, vi mure Dades.

25. vers

Andre trubusardas te pherdyol le phenipeske, so tele si iskirime ande amari kris: »Bi doshako rucin man«.

26. vers

Kana pale avelatar o Ushori, kas bishalo tumenge kathar o Dad, le chachimasko Duhos, kon kathar o Dad si, voj maj chacharipe kerla pa mande:

27. vers

ba vi tume chacharipe kerena, ke kathar o anglalipe manca sanle.

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21