Evangeliumo kathar o Janosh
5. fejezet
Le paralizanesko sastyariper savatone
1. vers
Pala kado sas le biboldengo baro dyes, haj o Jezush opre gelas ando Jeruzhalemo.
2. vers
Si ando Jeruzhalemo kaj o bakro-vudar jekh najaripe, saves hebaricka Betezdake anavaren, haj panzh stanboni kinda sila.
3. vers
Ande kadal pashjonas le nasvalenge, le korrenge, le paralizanengo butipe.
5. vers
Sas kothe jekh manush, kon aba trada thaj oxto bersh ke nasvalo sas.
6. vers
Kana o Jezush dikhlas, ke kothe pashjol, haj avri zhanglas, ke aba but vrama ke kade si, pushlas lestar: „Kames te sastyos?”
7. vers
O nasvalo kodo phendas: „Raja, naj man manush, kon, kana, boldadyol o paji, andre te ingrel man ande leste. Kana pale me kothe resav, kaver zhal andre angla mande.”
8. vers
O Jezush kodo phendas leske: „Ushtyi opre, le tyo pato, haj phir!”
9. vers
O Manush atunchi sastyilas, xutyildas pesko pato, haj las te phirel.
Kodo dyes apol savato sas.
10. vers
Haj anda kado le bibolde kodo phendine le sastyardine manusheske: „Savato si, naj slobodo, te ingres tyo pato.”
11. vers
Kodo phendas lenge palpale: „Kon sastyardas man, kodo phendas mange: »Le tyo pato, haj phir.«”
12. vers
Pe kado pushline lestar: „Kon si kodo manush, kon tuke kodo phendas: »Le tyo pato, haj phir?”
13. vers
Ba o sastyilino manush chi zhanelas, ke kon sas kodo, ke o Jezush gelastar kothar, pa kodo than mashkar butimata.
14. vers
Majpalal o Jezush maladyilas lesa ande khangeri, haj kodo phendas leske: „Aketa, sastyilan, majbut na bezexar, tena pecilpe tusa variso inke majnasul.”
15. vers
O Manush gelastar, haj ingerdas e viaca le biboldenge, ke o Jezush sas kodo, kon sastyardas les.
16. vers
Le bibolde pale dosharenas le Jezushes, ke kado savatone kerdas.
17. vers
O Jezush kodo phendas lenge: „Muro Dad, vi kaj kado dyes butyarel, haj vi me butyarav.”
18. vers
Anda kado le bibolde inke majfeder pe lesko trajo denas, ke na feri oprephaglas le savatones, ba inke vi le Devles peske Dadeske phendas, haj jekhtuneske shutas pes le Devlesa.
Le Dadesko chacharipe pa Jezush
19. vers
O Jezush kodo phendas lenge: „Amen, amen phenav tumenge: o Shavo nashtig kerel pestar khanchi, numa kodo so dikhel, ke so o Dad kerel. Ke so voj kerel, kodo kerel zhikade vi o Shavo.
20. vers
Ke o Dad kamel le Shaves, haj sakofalo sikavel leske so kerel. Kathar kadal vi maj bare butya sikavela leske, ke te chudin tumen.
21. vers
Ke sar o Dad opreushtyavel le mulen haj trajo del len, kade vi o Shavo trajo del kodalen, kas voj kamel.
22. vers
O Dad chi krisarel khanyikas, o krisaripe intregones le Shaveske das perdal,
23. vers
ke sakon te patyivisarel le Shaves, ke sar patyivin le Dades. Kon chi patyivil le Shaves, chi le Dades chi patyivil, kon bishaldas les.
24. vers
Amen, amen phenav tumenge: kon mure alava ashunel, haj patyal kodaleske, kon man bishaldas, kodales sagutno trajo si, haj na po krisaripe resel, ba perdal gelas anda meripe po trajo.
25. vers
Amen, amen phenav tumenge: Avla o chaso, haj aba vi kathe si, kana le mule ashunena le Devleske Shaveski vorba, haj kon ashundeles, trajina.
26. vers
Ke sar le Dades trajo si ande peste, kade das kodo vi le Shaveske, ke trajo te avel vi les ande peste,
27. vers
haj saktimo das les, ke krisaripe te inkrel, ke voj si le Manushesko Shavo.
28. vers
Na chudintumen pe kado, ke avlatar o chaso, kana savorazhene, kon ande murmuntura si, ashunena leski vorba,
29. vers
haj avenatar: kon lasho kerdine, pe trajosko opretrajisaripe, kon pale nasul kerdine, pe krisako opretrajisaripe.
30. vers
Me nashtig kerav mandar khanchi. So ashunav, kade krisarav, haj muro krisaripe chachoj, ke na muro kamipe rodav, ba kodalesko kamipe, kon man bishaldas.
31. vers
Te chacharo pa mande, muro chacharipe chi mol khanchi.
32. vers
Kaver si, kon chacharipe kerel pa mande, haj zhanav, ke chacho si o chacharipe, so pa mande kerel.
33. vers
Tume le Janoshes pushenas, haj kodo chacharipe kerdas pa chachipe.
34. vers
Ba man chi trubul le manushengo chacharipe, numa anda kodo phenav kadala, te muntusardyon.
35. vers
Voj jagako haj fimlalo phabardo sas, haj tume jekh vrama vojake kamline te aven ande lesko fimlalipe.
36. vers
Man majbaro somno si kathar le Janoshesko. Le kerdyimata, so o Dad mukhlas pe mande, te kerav len, kodal kerdyimataj so me kero, chacharen pa mande, ke o Dad bishaldas man.
37. vers
Pa mande o Dad shutas chacharipe, kon bishaldas man. Tume chikana lesko glaso chi ashundine, haj leski mosura chi dikhline,
38. vers
haj leske alava chi ashon ande tumende, ke chi patyan kodaleske, kas voj bishaldas.
39. vers
Perdal ginaven le Iskirimatan, ke kodo gindisaren, ke ande lende si o sagutno trajo pe tumari rig. Apol, zhikodal keren chacharipe pa mande:
40. vers
ba tume chi kamen mande te aven, trajo te avel tumen.
41. vers
Kathar le manusha chi trubuj man luvudyipe.
42. vers
Ba pa tumende zhanav, ke naj ande tumende le Devlesko kamipe.
43. vers
Me ande mure Dadesko anav avilom, haj chi patyajline mange. Maj kana kaver avla ande pesko anav, kodaleske patyana.
44. vers
Apol sar shaj zhanenas, te patyan, tume, kon jekhavrestar len luvudyipe, ba kodo luvudyipe, so kathar o Del si, chi roden?
45. vers
Na gindin kodo, ke me dosharo tumen kaj muro Dad! Si kon dosharel tumen: O Mozesh, ande kaste sperantisaren.
46. vers
Ke le Mozesheske, te patyanas, dore vi mange patyanas, ke voj pa mande iskirisrdas.
47. vers
Kana pale leske iskirimatange chi patyan, atunchi sar patyana mure alavenge?”
Könyvek
