Evangeliumo kathar o Janosh
19. fejezet
1. vers
Atunchi o Pilatush ingeradas le Jezushes, haj chunyaradas les.
2. vers
Le ketani pale korona xudine anda kanre, pe lesko shero shutineles, haj lolo pluvialo dine pe leste.
3. vers
Pala kodo anglaleste geline, haj kodo phenenas: „Av drobome, biboldengo kraj!” Haj pa muj shinenas les.
4. vers
O Pilatush pale avrigelas haj kodo phendas lenge: „Aketa, avrianav les, te zhanen avri, ke khanchi dosh chi rakhav ande leste.”
5. vers
Atunchi avriavilas o Jezush, anda kanre kerdino koronasa po shero, haj ando lungo pluvialo. Voj pale kodo phendas lenge: „Aketa, o manush!”
6. vers
Kana le angrashaja haj lenge slugi kado dikhline, line te cipin: „Tannaren les po trushul, tannaren les po trushul!” O Pilatush kade das duma: „Len les tume perdal, haj tannaren les tume po trushul, ke me chi rakhav ande leste dosh.”
7. vers
Ba le bibolde kade dine duma: „Amen kris si, ke e kris avriphenel, ke trubuj te merel, ke le Devleske Shaveske phendas pes!”
8. vers
Kana o Pilatush ashundas kadal vorbi, inke majfeder darajlas.
9. vers
Pale andre gelas po prefektoripe, haj pushlas kathar o Jezush: „Katharutno san tu?” Ba o Jezush chi dasles palpale vorba.
10. vers
Anda kado o Pilatush kodo phendas leske: „Mange chi des palpale vorba? Chi zhanes, ke saktimo si man pe kodo, ke slobodo te mukav tut, haj pe kodo, ke po trushul te tannavarav tut?”
11. vers
O Jezush kodo phendas: „Khanchi zor chi avlas tut pe mande, ke kana kothar opral chi davadyilino tuke. Anda kado, kon man pe tyiro vast das, majbaroj lesko bezexipe.”
12. vers
Kathar kado o Pilatush pe kodo sas, te mukel les. Ba le bibolde kade cipinas: „Kadales te bishalesa, atunchi chi san le chasarosko vortako! Ke sa kodo, kon krajeske shol pes, po chasaro del.”
13. vers
Kana o Pilatush ashundas kadal phenimata, avrianadas le Jezushes, haj ande krisaresko iskamin beshlas pe kodo than, saves barrasle avlinaske phenen, hebericka pale Gabbatake.
14. vers
La patradyako angle lashardo dyes sas atunchi, dore karing le shov chasura. Kade das duma kaj le bibolde: „Aketa, tumaro kraj!”
15. vers
Ba kodal kade cipinas: „Ingren les, ingren les, tannar les po trushul!” O Pilatush pushlas lendar: „Tumare krajes te tannarav po trushul?” Le angrashaja kodo phendine: „Naj amen kraj, feri chasaro!”
16. vers
Atunchi apol ande lengo vast das les, te tannaren les po trushul. Kodal perdal line le Jezushes.
Le Jezushesko meripe po trushul
17. vers
Voj pale pesko trushul phirades avrigelas pe kuputesko than, so hebericka Golgotaske phenen.
18. vers
Kothe po trushul tannardine les, haj lesa kethanes inke dujen dujdoringral, le Jezushes pale mashkaral.
19. vers
O Pilatush vi jekh iskiripe keradash, haj po trushul shuvadasles. Kado sas pe leste iskirime: „O Nazareticko Jezush, le biboldengo kraj.”
20. vers
Kado opreiskiripe apol but zhene ginadine mashkar le bibolde, ke pashe sas kaj o foro kodo than, kaj po trushul tannardine le Jezushes. Hebericka, latinicka haj hellenicka sas iskirime.
21. vers
Le biboldenge angrashaja anda kado pe kodo mangenas le Pilatushes: „Na kado iskirisar: Le biboldengo kraj, ba kodo: Kado kodo phendas: »Le biboldengo kraj som«!”
22. vers
O Pilatush kodo phendas: „So iskirisrdom, kodo iskirisardom!”
23. vers
Le ketani pale, pala soste po trushul tannardine le Jezushes, xutyildine leske gada, alosardinele pe shtar riga, sakone ketaneske jekh rig, pala kodo xutyildine vi pluvialo. O pluvialo bi suvjimasko sas, opralutnes anda jekh xudo.
24. vers
Anda kado kodo phendine jekhavreske: „Kado dore, te na shinas, barem khelasles avri, kasko te avel! Kado anda kodo pecisajlas, ke te pherdyol andre o Iskiripe, so kade del duma:
„Alosardine mashkar pende mure gada,
haj muro pluvialo avrikheldine mashar pende”.
Le ketani apol kado kerdine.
25. vers
Pasha Jezushesko trushul kothe tordyolas leski dej, leska daki pheny, e Marija, le Kleofasheski romnyi haj e Marija Magdolna.
26. vers
Kana o Jezush dikhlas peska da haj le sityardes, kas kamelas, kade das duma kaj peski dej: „Romnye, aketa tyo shavo!”
27. vers
Pala kado kodo phendas le sityardeske: „Aketa, tyi dej!” Haj kathar kodo chaso peste las la o sityardo.
28. vers
Pala kado o Jezush, kon zhanelas, ke aba sakofalo andre agorisajlas, andre te pherdyol o Iskiripe, kade das duma: „Trushajvav!”
29. vers
Sas kothe jekh shutesa pherdo vaso. Anda kado ande shut boldi spondya shutine pekh izhopo, haj kaj lesko muj lunzhardinela.
30. vers
Kana o Jezush o shut zumadas, kodo phendas: „Andrepherdyilas!” Haj pesko shero tele bandyardes avriphurdas pesko dyi.
Le Jezushesko praxope
31. vers
Le bibolde pale, ke angle lasharimasko dyes sas, mangenas le Pilatushes, te phagen lenge punrenge flujerenge kokala, haj te len le tele, ke le trupura tena ashon kothe vi pe savatosko dyes, ke kodo savato barodyes sas.
32. vers
Kothe geline apol le ketani, haj phagline majanglal le jekheske punreske flujera, kon lesa sas po trushul tannardo, pala kodo le kavesko.
33. vers
Ba kana kaj o Jezush resline, haj dikhline, ke mulas aba, chi phagline leske punrenge flujera,
34. vers
ba o jekh ketana, branchasa, puterdas lesko pashavro, anda soste ande kodo minuto rat, haj paji avilas avri.
35. vers
Kon kado dikhlas, chacharipe kerdas pa leste, haj chachoj lesko chacharipe. Voj zhanel, ke chachipe phenel, ke vi tume te patyan.
36. vers
Ke kadal anda kodo pecisajline, ke andre te pherdyol o Iskiripe: „Leske kokala, tena phagen kethane”.
37. vers
Jekh kaver Iskiripe pale kodo phenel: „Dikhena kodo, kas perdal pusadine”.
38. vers
Pala kadal pale o arimateicko Jozhef, kon le Jezushesko sityardo sas, ba kathar le biboldengi dar numa ande tajna, manglas le Pilatushes, tele te shaj lel le Jezushesko trupo. O Pilatush muklasles leske. Gelastar apol haj tele las o trupo.
39. vers
Avilastar vi o Nikodemus, kon majanglal ratyi gelas leste, haj mirha – haj aloe ulojesko hamipe andas, dore karing le shel fontura.
40. vers
Xutyildine apol le Jezushesko trupo, haj le ulojenca kethanes ando poxtan patyardine les, sar kaj le bibolde sityiline te keren.
41. vers
Pe kodo than, kaj po trushul tannardine les, sas jekh bar, haj ande bar jekh nyevo murmunto, ande savo inke khonyik chi pashjilas.
42. vers
Ke o murmunto pashe sas, anda le biboldengo angle lasharimasko dyes, le Jezushes kothe shutine.
Könyvek
