Evangeliumo kathar o Janosh

chapter 11


Chapters:


Viaca pa Lazaresko meripe


verse #1

Sas jekh Lazar anavesko nasvalo ande Betania, la Marijake haj laka phenyako, ande Martako gav.


verse #2

E Marija sas kodi kon makhlas le Rajes makhlimasa, haj leske punre peske balenca khoselas. Lako phral o Lazar sas nasvalo.


verse #3

Le phenya vorba bishalde pala leste: „Raja, aketa, kas kames nasvaloj.”


verse #4

Kana o Jezush ashundas kado kade das duma: „Kado nasvalipe chi resel pe lesko meripe, ba pel Devlesko luvudyipe, te luvudyilpe perdal pa leste le Devlesko Shavo.”


verse #5

O Jezush kamelas la Marta, haj laka phenya, haj le Lazares.


verse #6

Kana apol ashundas, ke nasvaloj, inke duj dyes pe kodo than ashilas kaj sas,


verse #7

pala kodo kade das duma kaj le sityarde: „Zhastar pale ande Judea.”


verse #8

Le sityarde kodo phendine leske: „Rabbi, akanak kamline le bibolde te shuden tut barrenca, haj pale kothe zhas?”


verse #9

O Jezush kodo phendas: „Na deshuduj chasura si le dyeses? Kon dyese phirel chi pereltar, ke dikhel kadala lumake fimlalimata.


verse #10

Kon pale ratyi phirel, pereltar, ke naj ande leste fimlalipe.«


verse #11

Kado phendas, pala kodo kade das lende duma: „Amaro vortako, o Lazar sutastar, ba zhavtar te ushtyavav les anda suno.”


verse #12

Le sityarde pe kado kodo phendine: „Raja, te sovel atunchi sastyola.”


verse #13

Ba o Jezush pa lesko meripe vorbilas, kodal pale kodo gindisardine, ke pa pachako hodinipe vorbisarel.


verse #14

Anda kado o Jezush uzhes avri phendas lenge: „O Lazar mulas,


verse #15

haj losshav anda tumende, ke chi somas kothe, ke maj te patyan. Ba zhas leste!”


verse #16

O Tamash, kas Ikereske anavaren, kade das duma kaj le majbut sityarde: „Aventar vi ame, haj meras lesa kethane!”


Le Lazaresko opretrajaripe


verse #17

Kana o Jezush reslas, o Lazar aba shtar dyes ando murmunto sas.


verse #18

E Betania pale na dur sas kathar o Jeruzhalemo, karing le deshupanzh shtadiumura.


verse #19

Anda kado mashkar le bibolde but zhene gelinetar kaj e Marta haj e Marija, te ushoren lengi briga anda lengo phral.


verse #20

E Marta kana ashundas, ke o Jezush avel, angla leste gelas, e Marija pale khere ashilas.


verse #21

E Marta atunchi kade das duma kaj o Jezush: „Raja, kathe te avilanas, chi mulino muro phral.


verse #22

Ba vi akanak zhanav, ke zhiso manges kathar o Del, o Del delles tuke.”


verse #23

O Jezush kodo phendas lake: „Tyo phral opretrajila.”


verse #24

E Marta kade das duma leste: „Zhanav, ke opretrajisarla kana avla o opretrajisaripe, po paluno dyes.”


verse #25

O Jezush kodo phendas lake: „Me som o opretrajisaripe haj o trajo. Kon patyal ande mande, vi te mulas, trajila,


verse #26

haj sa kodo, kon trajil haj patyal ande mande, chi merel chikana. Patyas kado?”


verse #27

E Marta kodo phendas leske: „Ova, Raja, patyav, ke tu san o Kristo, le Devlesko Shavo, kon ande luma avel.”


verse #28

Palasoste kado phendas, gelastar haj akhardas peska phenya, la Marija, haj koles kodo phendas lake: „O Maistrovo kathej haj akharel tut.”


verse #29

Kana kodi ashundas kado, sigo opreushtyilas, haj leste sidyardas.


verse #30

Apol o Jezush inke chi reslas ando gav, ke pe kodo than sas, kaj e Marta angla leste gelas.


verse #31

Le bibolde pale, kon lasa sas ando kher haj ushorenas laki briga, kana dikhline, ke e Marija sigo opreushtyilas haj avrigelas, pala late geline, ke kodo gindisardine: „Kaj o murmunto zhal, kothe te rovel.”


verse #32

Kana e Marija kothe reslas kaj o Jezush sas, haj dikhlas les, kaj leske punre burdosardas, haj kodo phendas leske: „Raja, kathe te avilanas, chi mulino moro phral.”


verse #33

O Jezush pale, ke dikhlas, ke rovel, haj vi kodal bibolde roven, kon lasa aviline, zhi anda o duho sunusardas len.


verse #34

Pushlas: „Kaj shutine les?” Kodo phendine leske: „Raja, av haj dikh!”


verse #35

O Jezush asvarelas.


verse #36

Pe kado le bibolde kodo phendine: „Aketa, sar kamelas les!”


verse #37

Ba sas mashkar lende, kon kade vorbinas: „Voj, kon opreputerdas le korreske jakha, nashtig kerdinosas, ke kado tena merel?”


verse #38

O Jezush ande pesko dyi inke vi akanak mila hatyardines kaj o murmunto gelas. Jeka caverna sas kodo, so jekhe barresa sas andre sharado.


verse #39

O Jezush kade das duma: „Len kothar o barr!” E Marta, le muleski pheny, kodo phendas leske: „Raja, aba sung siles, ke aba shtarto dyesengoj!”


verse #40

O Jezush kodo phendas lake: „Na kodo phendom tuke, ke te patyas, dikhesa le Devlesko luvudyipe?”


verse #41

O barr apol line kothar, o Jezush pale oprevazdas peske jakha, haj kade das duma: „Raja, najisij tuke, ke ashundan man.


verse #42

Apol me zhanos, ke sagutnes ashunes man, numa anda krujal tordyiline manusha phendom, ke te patyan, ke tu bishaldan man.”


verse #43

Pala soste kadal phendas, glasunes kado cipisardas: „Lazar, av avri!”


verse #44

Haj kodo, kon mulo sas, avri avilas. Leske punre haj vast andre sas patyarde, haj pe leski mosura dikhlo sas. O Jezush kodo phendas lenge: „Putren les avri, haj muken les te zhaltar!”


Le angsvatosko mulikano krisaripe: le angrashajeski profeticko vorba


verse #45

But zhene mashkar le bibolde, kon kaj e Marija haj kaj e Marta aviline, haj dikhline, so kerdas, patyanas ande leste.


verse #46

Ba unyizhene mashkar lende gelinetar kaj le farizana, haj phendine lenge, ke so kerdas.


verse #47

Pe kado le angrashaja haj le farizana kethane akhardine le angsvatos, haj kodo phendine: „So te keras? Ke kado manush but chudicka somnura kerel.


verse #48

Te mukasa kado leske, savorazhene patyana ande leste. Atunchi avenatar le romaicka, haj lena amendar amare phuva haj amare popularon.”


verse #49

Mashkar lende jekh, o Kaifash, kon ande kodo bersh angrashaj sas, kodo phendas lenge: „Tume chi zhanen khanchi,


verse #50

haj chi pe kodo chi gindin, ke maj mishtoj tumenge, kana jekh manush merel anda popularo, sar kana o intrego them xasajvelatar!”


verse #51

Kado pale na pestar phendas, ba sar angrashaj ande kodo bersh profecisardas, ke o Jezush merela anda popularo,


verse #52

haj na feri anda popularo, ba vi anda kodo, ke kethane te kidel le Devleske ande luma rispisarde shavoren.


verse #53

Kathar kodo dyes apol kethane vorbisardine, ke mudaren les.


O Jezush krujil le bute manushen


verse #54

Anda kado o Jezush chi phirelas mashkar le bibolde sakonestar pinzhardes. Gelastar kothar kaj pe kodo than, so pasha e pusta sas, haj kodole foros Efraimeske anavarenas, haj vi kothe ashilas peske sityardenca kethanes.


verse #55

Pashe sas le biboldengi Paska, haj pa gava but zhene geline opre ando Jeruzhalemo angla e Patradyi, te suntosaren pen.


verse #56

Rodenas le Jezushes, haj ande khangeri kodo phenenas jekhavreske: „So gindin? Dore, avelatar pe baredyesa?”


verse #57

Le angrashaja haj le farizana vladipe dine avri, ke kana varikon avrizhanela, ke kaj si, te del les andre, haj xutyilena les.

Chapters:


Books