Evangeliumo kathar o Lukach

3. fejezet


Fejezetek:


Bolari Janosh


1. vers

Ande Tiberius chasaresko deshupazhto bersh, kana o Ponciush Pilatush sas la Judeako prefekto, o Herodesh pale la Galileako fertajicko kraj, haj le Lizanias Abilinako fertajicko kraj,


2. vers

tala Annash haj Kaifash angrashaja, ashundyilas le Rajesko alav kaj o Janosh, le Zakariasheske shaveste ande pusta.


3. vers

Haj voj gelastar sa pe Jordaneske intrega riga, viacarelas le bezexbunuimatango bolipe pe bezexjertimata,


4. vers

sar iskirime si ande Izajash profetaske vorbimatenge hertija:
„Ande pusta cipisareski vorba:
»Lasharen le Rajesko drom,
Keren vortaske leske droma!«


5. vers

Sakone xara andre pherdyarena,
sakone plajen haj uchimata phiravena;
so bangoj, avri vortardyola, o drom bi glontosardyola:


6. vers

haj dikhela sako trupo le Devlesko muntusardyipe«”.


7. vers

Kade das duma apol kaj e butimata, save avrigeline, te bolardyol leste: „Sapenge falura! Kon sityardas tumen te nashentar angla e avlimataski xolyi?


8. vers

Upajin kaj o Del boldyimaske fruktura, haj na phenen ande tumende: »O Abraham si amaro dad«. Ke phenav tumenge: O Del zhanel vi anda kadal barr shaven te kerel le Abrahameske.


9. vers

O tover aba pe kashtengi rikita pashjol. Sakone kashtes, savo chi anla lasho frukto, avri shinena haj pe jag shudena.”


10. vers

Atunchi pushlas les o butipe: „So te keras atunchi?”


11. vers

Voj kado phendas lenge: „Kas duj gada si, te ulavelle kodalesa, kas naj: haj kas xamasko si, zhikade te kerel.”


12. vers

Kothe aviline vi le financura, te bolardyon, haj pushline les: „Maistro! So te keras?”


13. vers

Voj kado phendas lenge: „Khanchi na mangen pe kodo opral, so angle si iskirime tumenge.”


14. vers

Pushline les vi le ketani: „Haj ame so te keras?” Kodo phendas lenge: „Khanyikas na azban, na daraven, haj t«avel dosta tumenge tumaro potyinipe.”


15. vers

E butimata feri zhukarelas, haj sakon pushelaspes ande pesko ilo pa Janosh, dore na voj si o Kristo?


16. vers

O Janosh kado phendas savorazhenenge: „Me numa pajesa bolav tumen. Ba avla, kon majzuraloj mandar, kaske chi som dosta changadines chi leske sandalenge haravja te putrav. Voj le Sunto Duhosa haj jagasa bolela tumen.


17. vers

Leske rispisardi lapata aba ande lesko vast si, haj uzharel peski bar. Kethane kidel o dyiv ando sino, le patra pale bi shaj mudarde jagasa phabarela.”


18. vers

Inke pe but sakofaloste ferisarlas le manushen, haj sityarelas lenge o evangeliumo.


19. vers

O Herodesh pale, o fertajicko kraj, kas tele phendas anda Herodiash, anda leske phraleski romnyi, haj anda leske sakone nasulimata, so o Herodesh kerdas,


20. vers

haj kadal inke vi butardas kodolesa, ke le Janoshes ande robija phandadas.


Le Jezushesko bolipe


21. vers

Pecisardyilas apol, ke kana aba le intrega manusha boladepe, vi o Jezush boladaspe. Sar rudyilas, puterdyilas o cheri,


22. vers

haj sar jekh gulunbo pe leste hurajlas o Sunto Duho, haj kado glaso ashundyilas anda cheri: „Tu san muro kamado shavo, ande tute pherdyol muri voja”.


Le Jezusheski familiako kasht


23. vers

O Jezush, kana las te sityarel, karing tranda bersh phirelas. Le Jozhefesko shavo sas, sar zhanenas, voj pale le Heliesko, voj le Mattatesko,


24. vers

voj le Levesko, voj le Melkiesko, voj le Jannajesko, voj le Jozhefesko,


25. vers

voj le Mattitaesko, voj le Amosesko, voj le Nuhumesko, voj le Hesliesko, voj le Naggaesko,


26. vers

voj le Maatesko, voj le Mattitjasko, voj le Shimiesko, voj le Josehesko, voj le Jodaesko,


27. vers

voj le Johananesko, voj le Resaesko, voj le Zerubbabelesko, voj le Sealtielesko, voj le, Neriesko,


28. vers

voj le Melkiesko, voj le Addiesko, voj le Kosamesko, voj le Elmadamesko, voj le Heresko,


29. vers

voj le Jozhuesko, voj le Eliezeresko, voj le Jorimesko, voj le Mattatesko, voj le Leviesko,


30. vers

voj le Shimeonesko, voj le Judaesko, voj le Jo-zhefesko, voj le Jonamesko, voj le Eljakimesko,


31. vers

voj le Meleaesko, voj le Mennaesko, voj le Mattataesko, voj le Natanesko, voj le Davidesko,


32. vers

voj le Izajesko, voj le Obedesko, voj le Bo¢zesko, voj le Salmonesko, voj le Nahsonesko,


33. vers

voj le Aminadabesko, voj le Adminesko, voj le Aramesko, voj le Ezronesko, voj le Faresesko, voj le Judaesko,


34. vers

Jakobesko, voj le Izhakesko, voj le Abrahamesko, voj le Terahesko, voj le Nahoresko,


35. vers

voj le Serugesko, voj le Reguesko, voj le Pelegesko, voj le Heberesko, voj le Selahesko,


36. vers

voj le Kenanesko, voj le Arfaxadesko, voj le Semesko, voj le Noeesko, voj le Lamekesko,


37. vers

voj le Matuzhalemesko, voj le Henokesko, voj le Jaredesko, voj le Mahalalelesko, voj le Kenanesko,


38. vers

voj le Enosesko, voj le Setesko, voj le Adamesko, voj le Devlesko.

Fejezetek:


Könyvek