Evangeliumo kathar o Lukach

Fejezetek:

… 10 11 12 13 14 …   ⇤ ← 12 → ⇥

1. vers

Kana kattyi manusha avilas kethane, ke na but trubusardino pe jekhavreste te ushtyaven, majanglal kaj peske sityarde las te vorbil: „Ferin tumen kathar le farizanonge kamira, bake kathar o paxandipe.

2. vers

Khanchi naj garado haj naj kasavi tajna, so avri chi zhanardyolas.

3. vers

Anda kado so ando tunyarnyiko phenen, fimlale dyeseste ashunena palpale, haj so ando andralutno than ando kan phenen, pa kherenge opralimata cipina avri.

4. vers

Tumenge, mure vortakonge phenav: Na daran kathar kodol, kon mudaren o trupo, ba khanchi majbut nashtig keren.

5. vers

Phenav me tumenge kastar te daran: Daran kathar kodo, kaske, saktimo siles so pala soste mudardas tut, pe dyehenna te shudel tut. Ova, phenav tumenge: kodalestar daran.

6. vers

Panzhe chiriklyan dore pe duj fillera den? Ba o Del chi kade chi bristerdyol chi pa jekh.

7. vers

Tumenge pale vi pe tumaro shero sako bal ande zhanimata si inkerdo. Na daran apol: butenca majbut sanle tume zhikathar sode chiriklya .

8. vers

Phenav apol tumenge: Kon chacharel man angla e manusha, kodoles vi le Manushesko Shavo chacharla angla Devleske angdylura.

9. vers

Kon pale asvikarel man angla manusha, kodoles vi voj asvikarel angla Devleske andyela.

10. vers

Kana varikon pe Manusheske Shaveste vorbil, jertipe arakhla: ba kon le Suntune Duhos kushela, kodoleske naj jertimata.

11. vers

Kana pale ande zhinagoga angla anglalutnara haj krisara ingerna tumen, na grizhon tumen pe kodo, sar haj sosa te ferin tumen, bake so te phenen,

12. vers

ke o Sunto Duho sityarela tumen ande kodo chaso, ke so trubuj te phenen.”

13. vers

Varikon dumadas leske anda butimata: „Maistro! Phen mure phraleske, ke te ulavel manca o arandimope!”

14. vers

Voj kodo phendas leske: „Manusha! Kon shutas man krisareske bake svato shinareske mashkar tumende?”

15. vers

Pala kodo kade das duma lende: „Len sama haj ferin tumen kathar sako xanzhvajipe, ke na kathar e barvalimatako butipe inkerdyol le manushesko trajo.”

16. vers

Vi parabolicka phendas lenge: „Jekhe barvale manusheske leski phuv but upajimata andas.

17. vers

Atunchi kade gindilaspe ande peste: »So te kerav? Naj kaj kethane te kidav mure upajimata.«

18. vers

Pala kado kodo phendas: »Kado kero: Tele putrav mure sumburenge sinura, haj majbare keravav, haj kothe kidav kethane sa mure intrega upaja haj barvalimata.

19. vers

Pala kodo kodo phenav mure duhoske: Muro duho! Si tut but barvalimata, garades pe but bersha: pachardyu, xa, pi, haj hatyar mishto o trajo!«

20. vers

Ba o Del kade das leste duma: »Tu bi godyakire! Inke pe ratyate oprepushena tutar tyo duho. Kasko avla sa kodo so kethane kidan?«

21. vers

Kade phirel kodo kon avucija kidel kethane, haj na ando Del si barvalo.”
Le gindura haj o visvarimo

22. vers

Pala kodo kade das duma kaj peske sityarde: „Anda kado kodo phenav tumenge: Na daraven tumen anda tumaro trajo, ke so te xan, haj chi anda tumaro trupo, ke ande soste te uraven tumen.

23. vers

O trajo majbut si kathar o xamasko, haj o trupo kathar le gada.

24. vers

Dikhen le choran! Chi beshaven haj chi kosin, naj len shpajzo, chi sino, haj vi kade xaxavel len o Del. Sodenca majbut keren tume zhikathar sode chiriklya!

25. vers

Peski daripesa, kon shaj del vi jekh cino skurcipe kaj o trajo?

26. vers

Apol kana chi pe majcerra butyi chi sanle lashe, anda majbut sostar darajven?

27. vers

Dikhen le luludya, ke sar baron! Chi xuven haj chi phanden: vi kade, phenav tumenge: O Shalamon ande pesko intrego barvalipe nas kade opreurado, sar jekh mashkar kadal.

28. vers

Apol kana le malyange char, so adyes si, tehara pale ando bov shudena, o Del kade uravel les, sodenca majbutanes tumen, cerra patyamne!

29. vers

Na roden apol, ke so te xan bake so te pen,

30. vers

ke kadalen le murtikana roden ande luma. Ba tumaro Dad zhanel, ke sa kadal trubuj tumen.

31. vers

Tume feri roden lesko them, haj sa kadal lena atunchi karing leste.

32. vers

Na dara, tu cine kethanipe, ke kade fajlas tumare Dadeske, ke tumenge te del o them.

33. vers

Biknen sakofalo, so si tumen, haj denle kothe sar dimata: keren tumenge bi shaj shindyiline trasti, bi avri shushiline avuciji ando rajo, kaj chor chi resel lende, haj e kira chi xanala.

34. vers

Ke kaj tumare avuciji si, kothe avla vi tumaro ilo.

35. vers

T«avel tumaro mashkar oprebrichinarime, tumaro melcho pale phabardo.

36. vers

Cirden pe kodal manusha, kon penge rajen zhukaren kana khere avel anda abav, ke kana avel haj katnarel o vudar, sigo vudar te zhanen te putren leske.

37. vers

Anandej kodale slugi, saven o rajopre rakhel, kana khere resel. Amen, phenav tumenge: oprebrichinarsrelpe, kaj e mesalya beshavel len, pala kodo zhal haj avrislugisarel len.

38. vers

Haj kana po dujto bake trito ketanako paruvjipe avela, haj kade arakhela len, anandej kodal slugi.

39. vers

Vi kodo gindisaren: ke te zhanelas le kheresko raj, ke ande savo chaso avla o chor, chi mukelas les andre te phagel ande lesko kher.

40. vers

Vi tume aven gata, ke ande savo chaso china chi gindinas, avla le Manushesko Shavo.”

41. vers

O Peter atunchi pushlas: Raja! Amenge phenes kadal paraboli, bake sakoneske?”

42. vers

O Raj kado phendas leske palpale: „So gindis, savoj kodo chacho haj godyaver lashari, saves o Raj pe majbut slugi vladisardas, ke ande vramate te del avri lengi rig anda xaben?

43. vers

Anandoj kodi sluga, kas o Raj ande kadi butyi arakhel kana khere resel.

44. vers

Amen, phenav tumenge: majbut kerla leske sar lesko intrego barvalipe.

45. vers

Ba kadi sluga kado te phenla ande peste: »Chavel inke muro Raj«, haj lela te marel sa le slugan, xala pela haj matyola,

46. vers

pale avla kodale slugasko raj pe kodo dyes pe savo chi zhukarela les, haj ande kodo chaso savo chi pinzharel. Nashavela les haj pe bi chachenge zheja resarela les.

47. vers

Kodi sluga pale, kon pinzharelas peske Rajesko kamipe, haj chi kerdas kodo, sar so voj kamelas, but maripe lela kodo.

48. vers

Kon pale chi pinzharlas, ba kade kerdas, anda soste marimata perelas leske, majcerra marimata lela. Ke kathar kodo kas but dine, vi but mangena, haj kathar kodo pe kaste but mukhline, vi majbut mangena palpale.

49. vers

Anda kodo avilom jag te bishalav pe phuv: haj sar fajas man, opre te phabolas aba!

50. vers

Bolimatasa trubuj te bolarav man, haj sar dorosarav pala late zhikaj andre chi pherdyola!

51. vers

Kodo gindisaren dore: anda kodo avilom pacha te anav pe luma? Phenav tumenge: na, ba cirdimata jekhavrestar.

52. vers

Ke abakanak panzh zhene te avna andekh kher, pe jekhavreste dena, trin po duj xuttyela, haj le duj pe trin xuttyela.

53. vers

O dad po shavo del o shavo po dad: e dej pe peski shej e shej pale pe peski dej: e sokra pe peski bori e bori pe sokra”.

54. vers

Pala kado vi mashkar le butimata duma das: „Kana dikhen, ke pa okidento noro butajvel, sigo kodo phenen: »Brishind avel«, haj vi kade avla:

55. vers

kana pa sudno phurdel e balval, kodo phenen: »Tatyipe avla«, haj vi kade avla.

56. vers

Tume paxande! Anda chereske haj puvake somnura zhanen te ginaven, kadi vrama apol sostar chi zhanen te hatyaren?

57. vers

Sostar ch«aven opral kathar tumende, ke so si o chachimasko?

58. vers

Kana tye dushmanosa kaj o anglalutnari manush zhas, po drom sidyar jekh te hatyares lesa, te na ingrel tut kaj o krisari, o krisari pale perdal te del tut le shingalenge, o xanralo pale ande robija te shudel tut.

59. vers

Phenav tuke, avri ch«aves kothar, zhikaj e majpalune krecara chi potyinesa avri.”

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21 22 23 24