Evangeliumo kathar o Lukach

Capítulos:

… 19 20 21 22 23 24   ⇤ ← 22 → ⇥

verso 1

Pashardyolas le bi kamire manreske bare dyesa, saves paskaske anavarenas.

verso 2

Le angrashaja haj le iskiritora kodo zhukarenas, ke sar shaj mudarenas les, ba daranas kathar le manusha.

verso 3

Atunchi o beng huralylas le Judashes, kas ishkariotickoneske anavarenas, haj kon jekh sas mashkar le deshuduj.

verso 4

Gelastar haj vorbisardas le angrashajenca, ke sar dela les ande lengo vast.

verso 5

Kodal losshajline, haj foro kerdine, ke love dena les.

verso 6

Voj zhukarelas e vrama, te shaj del les ande lengo vast, kana ch«avla butimata krujal leste.

verso 7

Reslas le bi kamire manresko dyes, pe soste opretrubulas te sarkafimosaren la patradyake bakrora.

verso 8

O Jezush bishaldas le Peteres haj le Janoshes: „Zhantar, haj keren amenge la patradyaka bakrora, te shaj xas la!”

verso 9

Kodal pushline: „Kaj kames, te keras la?”

verso 10

Kodo phendas lenge: „Andre te zhana ando foro, rakhadyona jekhe manushesa, kon pajesko khoro ingrel. Zhan pala leste ande kodo kher, kaj andre zhal,

verso 11

haj penen kodo le khereske rajeske: »O Maistro kado phenipe bishalel tuke: Kaj si kodo than, kaj la patradyaka bakrora mure sityardenca shaj xos?«

verso 12

Voj sikavela tumenge jekh opralutno than angle lashardines, kothe keren la.”

verso 13

Gelinetar apol, haj kade arakhline sakofalo, sar phendas lenge, haj kerdine la patradyako ratyako xamo.

verso 14

Kana avilastar o chaso, kaj e mesalya beshlas le aposhtolenca kethane,

verso 15

haj kodo phendas lenge: „Dorosa dorosardom pe kodo, te xav tumenca kado patradyako ratyako xamo, zhiso anglal dukharos.

verso 16

Ke phenav tumenge: majbut chi xav anda late, zhikaj andre chi pherdyola ande Devlesko them.”

verso 17

Pala kodo xutyildas o taxtaj, najisipe phendas, haj kade das duma: „Xutyilen kado, haj ulavenles mashkar tumende.

verso 18

Ke phenav tumenge: ke kathar kadi vrama chi pav anda drakhengo upajipe, zhikaj ch«aveltar le Devlesko them.”

verso 19

Pala kodo xutyildas o manro, najisipe phendas, phaglas les, haj kothe dasles lenge kadale vorbenca: „Kadoj muro trupo, savo anda tumende davadyol. Kado te keren pe muro serovjipe!”

verso 20

Zhikade pe xamosko agor xutyildas o taxtaj, haj kodo phendas: „Kado taxtaj o nyevo teshtamentoj ande muro rat, savo anda tumende avri shordadyol.

verso 21

Ba aketa, le purritoresko vast muresa jekharsa si pe mesalya.

verso 22

Ke le Manushesko Shavo apolal zhaltar, sar kodo vi iskirime si, ba jaj kodale manusheske, kon purrij les!”

verso 23

Pe kado line jekhavrestar te pushen, ke kon si kodo, kon kerla kado mashkar lende?

verso 24

Rivalizalipe kerdyilas mashkar lende pa kodo, ke kon si o majbaro mashkar lende.

verso 25

Pe kado kodo phendas lenge: „Le popularenge kraja krajinpe pel manusha, haj kas saktimo si pe lende, lashe kerdarenge phenaven pen.

verso 26

Ba tume na kade te keren, ke kon o majbaro si mashkar tumende, t«avel kasavo sar o majcino, haj kon anglalari si, t«avel kasavo sar jekh sluga.

verso 27

Ke kon si majbaro: kodo kon kaj e mesalya beshel, bake kodo, kon opreslugisarel? Na kodo, kon kaj e mesalya beshel? Ba me vi kade, kade som mashkar tumende, sar kon slugisarel.

verso 28

Tume avriinkerdine manca vi ande mure pharimata,

verso 29

anda kado tumenge dav o them, so mange das muro Dad,

verso 30

ke kaj muri mesalya te xan te pen ande muro them, haj pa krajicko iskamin te krisaren pe Izraeleske deshuduj kunpaniji.

verso 31

Shimon, Shimon! O beng avri manglas tumen, avri te alosarel tumen sar le dyives,

verso 32

ba me rudyisardom anda tute, tena cerrajvel tyo patyape, haj jekhar karing o Del boldines, te zurares tye phralen”

verso 33

Voj pe kado kodo phendas leske: „Gata som tusa ande robilya bake ande o meripe te zhav!”

verso 34

Ba o Jezush kodo phendas: „Phenav tuke Peter: zhiso anglunes opre te cipilas o bashno, vi trivar tele asvikaresa, ke pinzhares man.”

verso 35

Pala kado kodo phendas lenge: „Kana bi bukhfaresko, bi trastako, haj bi sandalenge bishaldom tumen, dukharenas faltipe ande varisoste?”

verso 36

Von kodo phendine: „Ande khancheste.” Pala kodo kade vorbilas majdur: „Ba akanak apol kas si bukhfaro, te ingrel les pesa, zhikade vi e trasta, kas pale najle, te biknel peske opralutne gada, haj te kinel xanro.

verso 37

Ke phenav tumenge: andre trubuj te pherdyol pe mande, so iskirime si: »Mashkar le nasula manusha gindisardine les«. Ke so pa mande del duma, andre pherdyola.”

verso 38

Pe kado von kade dine duma: „Raja, aketa, kathej le duj xanre.” Voj pale kodo phendas lenge: „Dostaj!”

verso 39

Pala kodo gelastar, haj sar sityilas pe uloj kashtengo plaj gelas: zhanas pala leste vi leske sityarde.

verso 40

Kana kothe reslas, kodo phendas lenge: „Rudyisaren, ande zumavjimata tena peren!”

verso 41

Pala kodo dore sar kana shuden jekh barr, kasavo dur gelas lendar, haj changadines kade rudyilas:

verso 42

„Dade! Te kames, le mandar kado taxtaj, ba na muro kamipe te pherdyol andre, ba tyiro.”

verso 43

Atunchi sikadyilas leske jekh andyelo anda cheri, haj zurardas les. Pala kodo merimaski dar muklyosardyilas pe leste haj inke majfeder rudyilas.

verso 44

Pa lesko chikat le avritatyimaske paja, kasave sas, sar pe phuv peline rateske pitya.

verso 45

Pala kodo opreushtyilas anda rudyisaripe, haj kothe gelas kaj peske sityarde, ba kathar e briga sovjindes arakhlas len.

verso 46

Kodo phendas lenge: „Sostar soven? Ushtyen opre, rudyisaren, ke ande zumavjimata tena peren!”

verso 47

Inke vorbilas, kana ketani pasharenas: o Judash andas len, jekh mashkar le deshuduj. Kothe gelas kaj o Jezush, te chumidel les.

verso 48

Ba o Jezush kodo phendas leske: „Judash! Chumidesa purris le Manusheske Shaves?”

verso 49

Kodal, kon krujal leste sas, dikhles, ke so avla, kodo phendine: „Raja, mashkar lende te shinas xanresa?”

verso 50

Jekh mashkar lende vi opral shindas pe angra-shajeski sluga, haj tele shindas lesko chacho kan.

verso 51

Ba o Jezush kodo phendas palpale: „Muken les, dostaj!” Pala kodo kaj leske kan reslas, haj sastyardas les.

verso 52

Atunchi o Jezush kodo phendas kodalenge, kon pe leste aviline, le angrashajenge, le khangerange ketanenge haj le phurenge: „Sar pekh chor, kade aviline xanrenca haj rolyanca.

verso 53

Kana sako dyes mashkar tumende somas ande khangeri, chi vazdine pe mande vast, ba kado tumaro chasoj, haj le tunyarnyikone saktimosko.”

verso 54

Xutyildine apol les, haj ande le angrashajesko kher ingerdine les.

verso 55

Kana jag kerdine ande avlinako mashkar haj krujal beshlinela, vi o Peter mashkar lende beshlas.

verso 56

Jekh sluga dikhlas les, ke kothe beshel kaj e jag, mishto dikhlas les, haj kado phendas: „Vi kado lesa sas!”

verso 57

Ba voj asvikarelas: „Romnyale, chi pinzharav les!”

verso 58

Na butesa pala kado jekh kaver dikhlas les, haj kade das duma: „Vi tu mashkar lende san.” O Peter kodo phendas palpale: „Manusha! Chi som!”

verso 59

Dore pakh chaso pale zurarlas jekh kaver: „Phenav, vi kado lesa sas, ke galileickoj.”

verso 60

O Peter pe kado kade das duma: „Manusha! Chi zhanav, so vorbis!” Haj atunchi, kana inke vorbilas, oprecipisardas o bashno.

verso 61

Atunchi o Raj palpale boldaspe, haj po Peter dikhlas. O Peter pale palpale serosardas pe Rajeske vorbi, ke kodo phendas leske: „Zhiso anglal adyes opre cipila o bashno, vi trivar asvikaresa man.”

verso 62

Atunchi avri gelas, haj zurales las te rovel.

verso 63

Le mursh pale, kon samalenas pe leste, prassanas haj marenas les.

verso 64

Tele sharadine leski mosura, haj kodo pushline lestar: „Profecisar! Kon maladas tut?”

verso 65

Haj vi majkaver falos kushenas les.

verso 66

Kana zorisardyilas, kethane aviline le popularenge phure le angrashaja haj le iskiritora, haj angla pengo angsvato ingerdine les. Kade dine duma: „Tu te san o Kristo, phen avri amange!”

verso 67

Voj kodo phendas lenge: „Vi avri te pheno tumenge, chi patyana:

verso 68

kanapale pushav tumen, chi den palpale vorba.

verso 69

Ba kathar kado abakanak le Manushesko Shavo pe saktimone Devleski chachi rig beshela”.

verso 70

Pe kado savorazhene kado phendine: „Apolal tusan le Devlesko Shavo?” O Jezush kodo phendas lenge palpale: „Tume phenen, ke kodo som.”

verso 71

Pe kado savorazehne kado phendine: „So grizha trubujas t«avel inke amen pe colaxara? Kana vi ame ashundam anda lesko muj.”

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24