Evangeliumo kathar o Lukach
capítulo 4
Le Jezushesko avrizumavjipe
verso 1
O Jezush pale pherdosardo kathar o Sunto Duho palpale avilas kathar o Jordano, haj o Duho ande pusta ingerdas les
verso 2
pe shtarvardesh dyes, haj zumavelas les o beng. Ande kodal dyesa chi xalas khanchi, haj kana kadal nachiline bokhajlas.
verso 3
Atunchi o beng kado phendas leske: „Le Devlesko Shavo te san, phen kadele barreske, te kerdyol manreske.”
verso 4
O Jezush kado phendas leske: „Iskirime si: »Na numa manresa trajil o manush«”.
verso 5
Pala kodo opreingerdas les pekh ucho plaj, haj sikadas t«alakh minuto, la phuvake savore themen,
verso 6
haj kade das duma o beng: „Sa kado saktimo haj kadaleski luvudyimata tuke dav, ke muro si, haj kaske kamav, kodaleske dav les:
verso 7
apolal tu man te devlaresa, sa tyire avna.”
verso 8
O Jezush kado phendas leske: „Iskirime si: »Le Rajes, tye Devles kam anda chacho ilo, haj feri leske slugisar«”.
verso 9
Pala kodo ando Jeruzhalemo ingerdas les, haj pe khangeraki majopralutni rig tordyardas les, haj kodo phendas leske: „Le Devlesko Shavo te san, shude tut tele kathar.
verso 10
Ke iskirime si:
»Peske andyelonge vladisarel te len sama pe tute«,
verso 11
haj »pe penge palmi ingrena tut,
ando barr tena malaves tyo punro«”.
verso 12
O Jezush kado phendas leske:
„Ba vi kodo phendine:
»Na zumav le Rajes, tye Devles«”.
verso 13
Kana sa kadal zumavjimata agorisardyiline, o beng mukhlas les pekh vrama.
Alav-viacaripe ande Galilea
verso 14
O Jezush ande Duhoski zor palpale gelas ande Galilea, haj leski viaca avri zhanglyilas ande intrega gava.
verso 15
Sityarelas ande lengi zhinagogi, haj sakon asharelas les.
Chi patyan le Jezusheske ande lesko foro
verso 16
Pala kodo gelastar ando Nazaret, kaj oprebarilas. Sar so sityilas andre gelas savatone ande zhinagoga, haj opretordyilas te ginavel.
verso 17
Kothe dine leske le Izajash profetaske hertiji. Kana avri puterdasla, pe kodo than arakhlas, kaj kado si iskirime:
verso 18
„Le Devlesko Duho si pe mande:
anda kodo makhlas man opre,
ke lashi viaca te ingrav le chorrenge,
bishaldas man, slobodimata te phenav le phanglenge
haj dikhipe le korrenge, ke slobodeske te mukav le phagerdinen,
verso 19
haj te viacaran le Devlesko skunpo bersh”.
verso 20
Pala kodo kethane suchilisardas e hertija, palpale dasla le slugaske, haj tele beshlas. Ande zhinagoga skon pe leste dikhelas.
verso 21
Voj pale las te vorbil karing lende: „Adyes pherdyilas andre o iskiripe pe tumare kanengo ashunipe.”
verso 22
Savorazhene chachipe dine les, haj chudinaspe pe gracijake alava, save andalesko muj avnas. Pala kodo kade dine duma: „Na le Jozhefesko shavo si kado?”
verso 23
Voj kado phendas lenge: „Dore kodi parabola phenena mange savo kodo phenel: »Sastyari, sastyar tut! So ashundam, ke so pecisajline ando o Kafarnaumo, ker kodala vi kathe, ande tyiro them.«”
verso 24
Pala kodo kade vorbilas maj dur: „Amen, phenav tumenge, ke chi jekh profeta naj skunpo ande pesko them.
verso 25
Amen, phenav tumenge: but phivlyi sas ande Illesheske dyesa ando Izrael, kana andre phandadyilas o cheri pe trin bersh haj pe shov shon, kade pale bari bokh kerdyilas pe intrego phuv:
verso 26
haj dikhen mashkar kodal khanyikaste chi bishaldine le Illeshes numa kaj jekh phivlyi ande Sidone Sarepta.
verso 27
Haj but leprale sas ando Izrael ande Elizeushe profetaski vrama, ba mashkar kodal khonyik chi uzhilas, numa o siricko Naman”.
verso 28
Kadalen ashundines sakon zurales oprexolyajline ande zhinagoga.
verso 29
Opreushtyiline, avri ingerdine les anda foro, haj opreingerdine les pe kodale plajeski rig, kaj so lengo foro tordyolas, tele te shuden les.
verso 30
Ba voj perdal nakhlas mashkarlende haj gelastar.
Jekhe bengalesko sastyaripe
verso 31
Pala kodo tele gelas ando Kafarnaumo, ande Galileako foro, haj kothe sityarelas len savatone.
verso 32
Bari dikhenas pe lesko sityaripe, ke leske phenimata saktimosa sas pherdyarde.
verso 33
Sas ande zhinagoga jekh manush, ande kaste nasul biuzho duho beshelas. Kado bare glasosa oprecipisardas:
verso 34
„De man pacha! So grizha si amen tute, Nazareticko Jezush? Anda kodo avilan, te xasares amen? Zhanav, kon san: le Devlesko Sunto.”
verso 35
Ba o Jezush vladisardas leske: „Mucisardyu, haj zha avri anda leste!” O beng pale mashkaral shudas le manushes, avrigelas anda leste, haj khanchi dosh chi kerdas leske.
verso 36
Sakon zurales darajlas, haj mashkar jekhavreste kade vorbinas: „Soski vorba si kadi? Saktimosa haj zorasa vladisarel le biuzhe duhonge, haj kodal avrizhantar?”
verso 37
Haj leski viaca avri zhanardyilas ande intregone gava.
Le Petereska sokrako sastyaripe
verso 38
Pala kodo opretordyilas, haj anda zhinagoga ande Shimonesko kher gelas. Le Shimoneski sokra zurales javrali sas. Duma dine anda late.
verso 39
Voj pale kothe tordyilas pasha late, vladisardas le javripeske, pe soste kodo vi muklas la. E romnyi sigo opreushtyilas, haj slugisardas leske.
Le bengalenge haj nasvalenge sastyarimata
verso 40
Kana apol o kham tele nakhlas, sa kodala, kas nasvale sasle, kothe ingerdine len leste, haj voj pe savorazhenende opreshutas pesko vast haj sastyardas len.
verso 41
Anda but zhene avri gelas vi o beng, haj kado cipinas: Tu san le Devlesko Shavo.” Ba voj pe lende vladisardas, chi muklas len te vorbin, ke zhanenas, ke voj si o Kristo.
O Jezush zhaltar anda Kafarnaumo
verso 42
Kana zorisardyilas, avrigelas haj cirdaspe pekh garado than. Ba e butimata radelas les. Kana rakhlas les, palpale astarenas les, tena zhaltar lendar.
verso 43
Ba voj kado phendas lenge: „Vi kavere foronge trubuj te viacarav le Devleske themeski losshani viaca, ke anda kado bishaldine man.”
verso 44
Haj sityarelas ande Judeake zhinagogi.
Libros
