Evangeliumo kathar o Lukach

Capítulos:

… 17 18 19 20 21 …   ⇤ ← 19 → ⇥

verso 1

Pala kado andre gelas ando Jeriko haj vi perdal gelas pa leste.

verso 2

Atunchi aketa, jekh Zakeush anavesko manush, kon le financengo shero sas haj barvalo,

verso 3

fajlino les te dikhel, ke kon si kodo Jezush, ba chi zhanglas kathar e butimata, ke cino manush sas.

verso 4

Angle nashlas apol, haj oprecirdas pes pekh turbatogular kashteste, te dikhel les, ke intye trubusardas te nakheltar.

verso 5

Kana o Jezush pe kodo than reslas, opredikhlas, dikhlas les, haj kado phendas leske: „Zakeush! Avtar tele sigo, ke adyes ande tyiro kher trubuj te hodinisarav.”

verso 6

Kodo sigosardes tele avilas pa kasht, haj losshasa las, ke o Jezush leste hodinila.

verso 7

Kon kado dikhline, savorazhene xolyasa pherdo phenenas: „Kaj bezexaslo manush hodinila!”

verso 8

Ba o Zakeush kothe tordyilas, haj kodo phendas le Rajeske: „Raja, aketa, mure barvalipesko dopash le chorrenge dav, haj varikas ande varisoste te xoxadom, shtarvar kattyi dav palpale leske.”

verso 9

O Jezush kodo phendas leske: „Adyes muntuimata hurajlas pe kado kher, ke vi voj le Abrahamesko shavo si.

verso 10

Ke le Manushesko Shavo anda kodo avilas, te rodel haj te muntusarel, so xasajlas.”

verso 11

Kodalenge, kon sa kadal ashundine, phendas vi jekh parabola, ke pashe sas aba kaj o Jeruzhalemo, haj kodo gindisardine, ke na pa buteste opredichola le Devlesko them.

verso 12

Kade das duma lende: „Jekh rajkano manush pe durutne phuva gelas, ke krajikano baripe te lel peske, haj pala kodo palpale t«avel.

verso 13

Akharadas peske deshe slugonen, perdal das lenge desh mini, haj kade das lende duma: »Barvajven, zhikaj palpale chi avo!

verso 14

Ba leske telalutne xolyajvenas pe leste, haj legatara bishaldine pala leste kadale phenimatasa: »Chi kamas kado te rajilpe pa mende!«

verso 15

Ba voj kana las peske o krajuno saktimos palpale gelas, haj angla peste akhardas peske slugan, kaske le love das, ke te zhanel avri, kon sode rodas opral pa lende.

verso 16

Avilas o angluno haj kado phendas: »Raja, tyi mina desh mini andas.«

verso 17

Pe kado kodo phendas leske: »Mishtoj, lashi sluga san, ke ande cerra chacho sanas, saktimo avla tut pe Desh forura.

verso 18

Avilas vi o dujto, haj kade das duma. »Raja, tyi mina panzh mina kerdas.«

verso 19

Vi kadaleske kodo phendas: »Rajintu pe panzh forura.«

verso 20

Pala kodo avilas o kaver, haj kade das duma: »Raja, kathej tyi mina! Garademla ande muro dikhlo,

verso 21

ke daros tutar, ke capeno manush san: haj les, so tele chi shutan, haj tele kosis, so chi beshadan.«

verso 22

Kodo phendas leske: »Anda tyiro muj krisarav tut, nasul slugone! Zhanglan, ke capeno manush som: lav kodo, so chi shutom tele, haj tele kosij, so chi beshadom.

verso 23

Sostar chi shutan apol mure love pe love paruvjimatangi mesalya, ke kana palpale avav, butardyimatasa te lav kodal palpale?«

verso 24

Pala kodo kade das duma, kaj kodal kon kothe tordyonas: »Len lestar e mina, haj denla kodaleske, kas desh mina si les.«

verso 25

Kodal kade dine duma: »Raja, kodales aba desh mini si les.«

verso 26

Phenav tumenge: »Sa kodoleske, kas si les, inke dena, kathar kodo pale kas naj, inke vi kodo lena, so si les.

verso 27

Mure dushmanon pale, kon chi kamenas te rajivma pe lende, anenle kathe, haj mudaren len angla mande!«”

verso 28

Pala soste kadal phendas, zhalas majdur karing o Jeruzhalemo.

verso 29

Kana kaj e Betfage haj kaj e Betania pasharelas, kaj kodo plaj, saves uloj kashtenge plajeske anavarenas, bishaldas peske duje sityarden

verso 30

kadale vorbenca: „Zhantar ande kodo gav savo mostar kathe tordyol. Kana andre zhan, arakhena kothe phangles jekha magara khurora, pe savi inke chi beshlas manush skepin la avri haj anen la kathe.

verso 31

Kana pale varikon pushela tumendar: »Sostar phanden la avri?« - phenen leske: »Ke le Rajes trubuj.«”

verso 32

Le legatara gelinetar, haj sakofalo kade arakhline, sar so phendas lenge.

verso 33

Kana avriputerdine le magara khurora, lake inkritora pushline lendar: „Sostar phanden avri la magara khurora?”

verso 34

Von kodo phendine: „Ke le Rajes trubuj:”

verso 35

Haj ingerdinela kaj o Jezush. Pe khurori sharade penge gada, pala kodo pe late beshadine le Jezushes.

verso 36

Kana pale las te zhaltar, po drom sharadine penge gada.

verso 37

Kana aba pashe sas kaj le uloj kashtengo plaj, le sityarde savorazhene line vojikanes te luvudyisaren le Devles anda but chudimata, save dikhline.

verso 38

Kado phendine:
„Ashtyilimej o kraj, kon ande Devlesko anav avel!
Pachipe ando rajo haj luvudyipe ando uchipe!”

verso 39

Anda butimata unyi farizana kado phenenas lenge: „Maistro, de duma pe tye sityarde!”

verso 40

Ba voj kado phendas lenge: „Phenav tumenge: kadal te ashonatar, le barr cipina atunchi!”

verso 41

Kana pashe reslas haj dikhlas le foros, rovjardas les, haj kade das duma:

verso 42

„O feri vi tu opre te pinzharesas pe kado dyes, so pe tyo pachipe slugil! Ba akanak garadoj angla tye jakha.

verso 43

Ke avna dyesa kana tye dushmana krujal lena tut shanconca, haj kikidena tut pa sako riga.

verso 44

Pe phuv marena tut haj tye shavoren, kon ande tute beshen: chi mukena ande tute barr pe barreste, ke chi pinzhardan opre tyi dikhlimaski vrama.”

verso 45

Pala kodo andre gelas ande khangeri, haj las avri te nashavel le biknaren.

verso 46

Kado phendas lenge: „Iskirime si: Muro kher la rudyimatako kher si, tume pale le chorenge cavernake kerdinela.

verso 47

Sako dyes sityarelas ande khangeri. Le angrashaja, le iskiritora, haj le manushenge anglalara pe lesko trajo dine,

verso 48

ba chi zhangline khanchi te keren, ke sa e butimata anda ilo ashunelas les.

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24