chapter 18
Vi pa kodo phendas lenge jekh parabola, ke sagutnes trubuj te rudyisaren haj naj slobodo andre te khinyon.
Kade das duma: „Andekh foro sas jekh krisari, kon kathar o Del chi daralas haj kathar manush chi inkrelas.
Sas ande kodo foro vi jekh phivlyi romnyi, kon gelastar leste haj mangelas les: »Shin kris mashkar mande haj mashkar muro dushmano!«
Kodo jekh vrama chi kamlas te kerel e traba. Pala kodo kade das duma ande peste: »Chaches ke kathar o Del chi darav, haj kathar manush chi inkrav,
ba vi kade, ke pe muro pharipe si kadi phivlyi romnyi, chachipe krisarav lake, ke palunes tena avel kathe haj pa muj te malavel man.«”
Pala kodo kade das duma o Raj: „Ashundine so phendas o bi chacho krisari?
Haj o Del chi del chachipe peske alosardenge, kon leste cipin vi dyese vi ratyate? Bake zhukaravel len?
Phenav tumenge: na pa buteste chachipe dela len. Ba kana avlatar le Manushesko Shavo, dore arakhela patyape pe phuv?”
Haj kavere phutyardenge, kon pa pende kodo gindisarnas, ke chachej, haj kavren tele dikhenas, kadal parabolicka phendas:
„Duj manusha opregeline ande khangeri te rudyin, o jekh farizano sas o kaver financo.
O farizano tordyilas haj kade rudyilas ande peste: »Devla! Nijisarav tuke, ke chi som kasavo sar le majbut manusha, chor, bi chacho, haj ansuripe oprephagari, sar vi kado financo.
Duvar postyisarav andekh kurko, haj so sima kodolesko deshtope sagda tele dav.«
O financo pale dur tordyilas, chi tromalas inke chi peske jakha po cheri te vazdel. Pesko kolyin mardines kade das duma: »«Devla! Jertosar mange, bezexasleske!«
Phenav tumenge: kado chachisardes gelas khere, kuko pale na. Ke sa kodo, kon pes opreasharel, kodales tele dikhena, haj kon pes tele dikhel, opreasharena.”
Kothe ingerdine leste vi le cine shavoren, te resel lende. Kana le sityarde dikhline kado, duma dine pe leste.
Ba o Jezush peste akhardas len haj kade das duma: „Mukhen, mukh t«aven mande le shavora, haj na astaren len palpale, ke kasavengij le Devlesko them.
Amen, phenav tumenge: kon na kade svagarel andre le Devleske themes, sar le shavora, chi resela andre kothe.”
Jekh rajkano manush pushlas lestar: „Lashe Maistrovona! So te kerav, te arakhav o sagutno trajo?”
O Jezush kado phendas leske: „Sostar phenes man lasheske? Khonyik naj lasho, feri korkoro o Del.
Pinzhares le vladimata: Na phag ansuripe, na mudar, na chor, xoxamnes na colaxar, patyivin tye dades haj tya da”.
Kodo kado phendas palpale: „Kadal zhikathar e ternimata andre inkerdom.”
Kado ashundes o Jezush kade das duma: „Inke jekh variso faltil tuke: bikin sakofalo so si tut, ulav kodo sa mashkar le chorre, haj avucija avla tut ando rajo: pala kodo av haj inker manca!”
Kana kado ashundas brigake daspe, ke zurales barvalo sas.
Kana o Jezush dikhlas, ke brigajlas, kade das duma: „Soske phares resen ande Devlesko them kodal, kon barvalej!
Ke majushoroj le dromedareske perdal te zhal pa suvako kan, sar le barvale manusheske andre te resel ande Devlesko them.”
Kon ashundine, pushline lestar: „Haj atunchi, kon shaj muntusardyol?”
Kado phendas lenge: „So le manushenge bishajipe si, kodo le Devleske shajipej”.
Atunchi o Peter das duma: „Aketa, ame sakofalo mukhlamtar, haj tusa inkerdam.”
Voj kado phendas lenge: „Amen, phenav tumenge: Khonyik chi mukeltar, pesko kher bake romnya, bake peske phralen bake shavoren anda Devlesko them
bi kodolesko, ke tena lelas ande kadi luma majbut, ande avluni luma pale e saguti trajimata.”
Pala kado o Jezush pashapeste las le deshudujen, haj kodo phendas lenge: „Aketa, akanak oprezhas ando Jeruzhalemo, haj andre pherdyola sa kodal, so le profeti pa Manushesko Shavo tele iskirisardine.
Ande le murtikanonge vast dena les, avri prassana les, marhisarena les, haj tele shungardena les:
pala kodo chunyasa marna les, mudaren les, ba po trito dyes opretrajisardyola.”
Ba von khanchi chi hatyardine anda kado. Garades ashilas angla lende kadal phenimata, haj chi hatyarenas e vorbimata.
Pelaspe apol, kana karing o Jeriko pashardyolas, jekh korro beshelas pel dromeski dolma haj mangakerlas.
Kana ashundas, ke manusha nakhentar angla leste, pushlas, ke soj kodo.
Phendine leske, ke o Nazareticko Jezush zhal intye.
Pe kado oprecipisardas: „Jezush, Davidesko Shavo! Zhutisar pe mande!”
Kon anglal zhanas pe leste vladisardine te asholtar. Ba voj inke maj feder cipilas: „Jezush, Davidesko Shavo! Zhutisar pe mande!”
Pe kado o Jezush tordyilas, haj vladisardas te anen les angla leste. Kana kothe reslas, pushlas lestar:
„So kames, so te kerav tusa?” Kodo kado phendas: „Raja! Te dikhav!”
O Jezush kodo phendas leske: „Dikh! Tyo patyape sastyardas tut.”
Ande kodo minuto vi dikhelas, haj lesa inkrelas, le Devles luvudyisardines. Pe kado e intrego butimata, save dikhline e pecimata, luvudyinas le Devles.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly