Evangeliumo kathar o Lukach

Chapters:

… 11 12 13 14 15 …   ⇤ ← 13 → ⇥

verse #1

Ande kodol vrami sas kothe unyi zhene, kon viaca ande leske pa kodola galileicka, kaske rata o Pilatush lenge sarkafimosa hamisardas kethane.

verse #2

Voj kado phendas lenge: „Kodo gindisaren, ke kadal galileicka majbezexasle sas kathar le majbut galileicka, ke sa kadal dukhardine?

verse #3

Phenav tumenge: Na! Ba tena inkrena bezexbunuimata, savorazhene zhi kade xasajvenatar.

verse #4

Bake, kodal deshoxto, pe savende ande o Siloe pe lende pelas o kalsamo, haj mudardas len? Kodo gindisaren, ke majbezexasle sas von kathar sakone kaver manushester, kon ando Jeruzhalemo beshen?

verse #5

Phenav tumenge: Na! Ba tena inkrena bezexbunuimata, savorazhene kade xasajvenatar.”

verse #6

Pala kodo kadi parabola phendas: „Jekhe manushes sasles jekh gular kasht mashkar leske drakha. Avrigelas haj frukto rodelas pe leste, ba chi rakhlas.

verse #7

Anda kado kade das duma kaj pesko lashari manush: »Aketa, aba trin bersh kathe phirav, frukto rodav pe kado gular kasht, ba chi arakhav. Shinles avri, ke sostar lel anda khanchimata feri o than ande phuv?«

verse #8

Ba kodo kado phendas leske: »Raja! Mukhles inke kado bersh, zhikaj krujal hunavavles haj gunujaravles,

verse #9

shajke po kaver bersh frukto anla: te pale na, atunchi shinles avri.«”

verse #10

Jekhar ande varisavi zhinagoga sityarelas savatone.

verse #11

Haj aketa, sas kothe »ekh romnyi, ande kaste deshoxto bersh beshelas la nasvalimatako duho. Kade bandyilas aba, ke chisar chi zhanelas avri te vortardyol.

verse #12

Kana o Jezush dikhlas la, kothe akhardas la haj kodo phendas lake: „Romnyale! Slobodisajlan kathar tyo nasvalipe.”

verse #13

Pe late shutas pesko vast, pe soste kodi avricirdaspe, haj luvudyisarlas le Devles.

verse #14

Atunchi duma das la zhinagogako anglalutnari. Kodo chi fajlas les, ke o Jezush savatone sastyardas, kado phendas le butimatange: „Shov dyes si kana trubuj butyi te keras: pe kodol aven apol haj sastyaraven tumen, na pale savatone!”

verse #15

O Raj kodo phendas leske: „Tume paxandine! Chi putreltar savatone mashkar tumende savorazhene peske guruves bake magara kathar e jasla, te ingrel len te pijavel len?

verse #16

Le Abrahameske kadala sheja pale, kas aba deshoxto bersh phangjake inkrel o beng, chi trubusardas savatone apol avri te slobodisardyol anda kadal phanglimata?”

verse #17

Kana kado avri phendas sakono dushmano tele lazhavardyilas, haj le intrega manusha vojinaspe pe chudicka trabi, so kerelas.

verse #18

Atunchi kade das duma: „Pe soste anel le Devlesko them, pe soste anaravles?

verse #19

Pe sinapesko sumburo anel, saves xutyildas »ekh manush, haj beshadas ande peski bar. Pala kodo oprebarilas haj kasht kerdyilas, kade ke le chereske chiriklya mashkar leske kranzhi kerdine penge kulybura.”.

verse #20

Pala kodo kade vorbilas majdur: „Pe soste anarav le Devleske themes?

verse #21

Pe o kamiro anel, saves xutyildas e romnyi, andre hamisardas ande trin rolya aro, zhikaj o intrego opre chi phutyilas.”

verse #22

Pala kado andre phirdas le forura haj le gava, haj sityarelas, sar zhalas karing o Jeruzhalemo.

verse #23

Jekhar feri varikon pushlas lestar: „Raja! Cerra zhene si kon muntusardyon?” Voj kado phendas lenge:

verse #24

„Sidyaren pa tang vudar andre te zhan, ke phenav tumenge: but zhene kamena andre te zhan, ba chi zhanena.

verse #25

Kana le familijasko Dad opreushtyel haj andre phandavel o vudar, tume avral tordyindes katnarena o vudar haj kado phenena: »Raja! Puterles avri amenge!« Voj kado phenla tumenge: »Chi zhanav katharutne sanle.«

verse #26

Atunchi tume kado lena te phenen: »Angla tute xasas haj pasas, haj pe amare vujici sityaresas.«

verse #27

Voj pe kado kodo phenela tumenge: »Chi pinzharav tumen, ke katharutne sanle! Zhantar mandar savorazhene, tume nasula!«

verse #28

Avla maj rovjipe haj dandkircipe, kana dikhena le Abrahamos, le Izhakos le Jakabos haj sa le intregone profetan ande Devlesko them, tumen pale avriphandades.

verse #29

Avena anda oriento haj okidento, nordeno haj sudno haj beshena ande Devlesko them.

verse #30

Ke aketa, si palune, anda kaste anglune avna, haj si anglune, anda kaste palune avna.”

verse #31

Inke ande kodo chaso kothe gelas leste unyi farizana, haj kodo phendine leske: „Zhatar kathar, ke o Herodesh kamel te mudarel tut.”

verse #32

Voj kodo phendas lenge: „Zhantar, haj phenen kodale hilpaske: Aketa, bengen nashavav haj sastyarav, adyes haj tehara, haj po trito dyes agurutnisarav.

verse #33

Ba adyes, tehara haj pala kodo dyes inke po drom trubuj te avav: ke nashtig avel kodo, ke profeta avral pa Jeruzhalemo te xasajveltar.

verse #34

Jeruzhalem, Jeruzhalem! Tu mudares le profetan, haj barresa shudes kodalen, kas tute bishaldine! Sodivar kamlom kethane te kidav tye shaven, sar e khanyi peske cine pujon talapeske phaka, ba tume chi kamline kodo.

verse #35

Aketa, muklo avla tumaro kher. Phenav tumenge, chi dikhena man, zhikj ch«avla e vrama, haj kado phenena: »Ashtyilimej, kon ande Rajesko anav avel«”.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24