Evangeliumo kathar o Lukach

Chapters:

… 8 9 10 11 12 …   ⇤ ← 10 → ⇥

verse #1

Pala kado o Raj avri alosardas kavere eftavardesh thaj dujen, haj dujtopenca bishaldas len angla peste ando sako foro haj sako than, kaj kamelas te zhal.

verse #2

Kodo phendas lenge: „O kosipe but si, ba le butyara cerraj. Mangen apol le kosimaske Rajes, te bishalel butyaran ando kosimatipe.

verse #3

Zhantar! Aketa, kade bishalav tumen, sar bakren mashkar le ruv.

verse #4

Na ingren trasta, chi sandala, haj po drom khanyikaske na den dyes.

verse #5

Kana ande varisosko kher andre zhan, majanglal kado phenen: »Pachipe kadale khereske!«

verse #6

Kana pachako shavo beshel kothe, pe leste hurala tumari pacha: ba kana na, palpale hural pe tumende.

verse #7

Ashon zhiande kodo kher, xan thaj pen, so sile, ke perelpe le butyareske leski potyin. Na phiren pa jekh kher po kaver.

verse #8

Kana ande varisavo foro andre zhan, haj kothe andre svagaren tumen, xan, so angla tumende shon.

verse #9

Sastyaren le nasvalen, kon kothe avna, haj phenen lenge: »Pashardyilas tumende le Devlesko them.«

verse #10

Kana pale andekh foro andre zhana, haj chi svagarena tumen andre, zhan avri pe vujica, haj phenen:

verse #11

»Inke vi o praho tele maras tumenge, so ande tumaro foro pamare punre kidadyiline opre: ba zhanen avri, ke pashardyilas le Devlesko them.«

verse #12

Phenav tumenge: la Sodomake majushoro zheja avlala pe kodo dyes, sar kodole foroske.

verse #13

Jaj tuke, Korozain! Jaj tukhe, Betsida! Ke ande o Tírus haj Sidon pecisardyilesas ande tumende kerdyiline chudi, aba dulmut ando gono haj praho beshindo inkresardinesas bezexbunuimatipe.

verse #14

Ba le Tiruseske haj le Sidoneske majushoro avla lengi zheja ando krisaripe, sar tumenge.

verse #15

Haj tu, Kafarnaum! Dore zhikaj o cheri vazdadyosa? Ande telalutni luma peresa!

verse #16

Kon tumen ashunel, man ashunel, haj kon tumen tele dikhel, man dikhel tele: kon pale man dikhele tele, kodales dikhel tele, kon man bishaldas.”

verse #17

Kana le eftavardesh thaj duj palpale aviline, loshshanes phenenas: „Raja! Inke vi le beng mukenaspe amenge ande tyiro anav!”

verse #18

Voj kodo phendas lenge: „Dikhlom le shatanos: sar o strafin kade pelas tele anda cheri.

verse #19

Aketa, zor dom tumen, pe sapa haj skorpiovura te phiren, haj sa pe dushmana saktimata, haj khanchi chi zhanela ande tumende dosh te kerel.

verse #20

Ba na kodaleske losshan, ke le duhura mukenpe tumenge, ba kodaleske losshan, ke tumaro anav opre si iskirime ande rajura.”

verse #21

Ande kodo chaso o Jezush opreloshshajlas ando Sunto Duho haj kade das duma: „Ashtyilisarav tut, Dade, le rajongo haj la phuvako Raj, ke garadan kadal angla platnika haj godyavera, haj sikadan les le cinenge. Ova, Dade, ke kade fajlas tuke.

verse #22

Muro Dad sakofalo perdal das mange. Khonyik chi zhanel, ke kon si o Shavo, feri o Dad: haj chi kodo, ke kon si o Dad, feri o Shavo, haj kaske o Shavo avri kamel te phenel.”

verse #23

Pala kodo karing le sityarde boldaspe haj numa lenge phendas: „Anandoj e jakh, savi dikhel, so tume dikhen.

verse #24

Ke phenav tumenge: but profeta haj kraj kamlas te dikhel, so tume dikhen, haj chi dikhline, haj te ashunen, so tume ashunen, ba chi ashundine.”

verse #25

Atunchi opretordyilas jekh kris zhanari, avri te zumavel les, haj kade das duma: „Maistro! So te kerav, te rakhav o sagutno trajo?”

verse #26

Voj kodo phendas leske palpale: „So si iskirime ande e kris? Sar ginavesles?

verse #27

Kodo kado phendas: „Kam tye Rajes, tye Devles anda tyo chacho ilo haj intrego duho, anda sogodi zor haj intrego godyi, tye dopashone vortakos pale sar tut.”.

verse #28

Pe kado voj kade das duma: „Mishto vorbisardan! Ker kado haj trajisa.”

verse #29

Ba kodo kamlas te chacharelpe, anda kado pushlas le Jezushes: „Ba kon si muro dopashuno vortako?”

verse #30

O Jezush atunchi kade las te vorbisarel: „Jekh manush anda o Jeruzhalemo ando Jerikovo gelas, ba ande chorenge vast pelas. Kodal chordine les, mardine les, pala kodo dopashmulones kothe mukhline les haj gelinetar.

verse #31

Kade pecisardyilas, ke jekh rashaj zhalas tele pe kodo drom: dikhlas les, ba majdur gelas.

verse #32

Zhikade vi jekh levita, kana kaj kodo than reslas haj dikhlas les, gelastar pashaleste.

verse #33

Intye gelas vi jekh samaritano. Kana kothe reslas haj dikhlas les, sunusardas les.

verse #34

Kothe ushtyadas, uloj haj mol shordas pe lesko dukhado trupo, haj andre phanglas les: pala kodo opreshutas les pe peski magara, haj ingerdas les andekh kirchima haj grizholas les.

verse #35

Kaver dyes angle las duj denara, kothe dasle le kirchimareske, haj kado phendas: »Grizhosar les, haj majbut te potyinesas pe leste, kana palpale avo, atunchi dav kodo tuke.«

verse #36

So gindis, mashkar kadal trin, savo kerdyilas dopashone vortako kodaleske, kon ande le chorenge vast pelas?”

verse #37

Kodo kado phendas: „Kodo, kon lashipe kerdas lesa.” O Jezush pe kado kodo phendas leske: „Zhatar, haj vi tu zhikade ker!”

verse #38

Pelaspe apol, ke kana majdur geline, andre gelas andekh gav, kaj jekh romnyi kaske Marta sas lako anav, andre mukhlas les ande pesko kher.

verse #39

Sasla »ekh pheny kaske Maria sas lako anav, kon kaj le Rajeske punre beshlines ashunelas leske vorbi,

verse #40

e Marta pale lelas-sholas peski butyi. Jekharsa tordyilas haj kade das duma: „Raja! Chi grizhos kodolasa, ke muri pheny korkori mukel man te slugisarav? De aba lake duma, te zhutil!”

verse #41

O Raj kado phendas lake: „Marta, Marta! Pe but sakofaloste gindo si tut haj but sakofalosa grizhos tu,

verse #42

ba feri pe jekh trubujas. E Maria e lashuni rig alosardas, haj china chi xasarela la chikana.”

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24