Evangeliumo kathar o Lukach

Chapters:

… 15 16 17 18 19 …   ⇤ ← 17 → ⇥

verse #1

Pala kodo kade das duma kaj peske sityarde: „Nashtig avel kodo, ke bidi tena pecisajven, ba jaj kodaleske, kon kerel kodalen.

verse #2

Majmishto avlas kodaleske, barr te phandenas ande leski kor, haj ande mara te shudenas les, sar te kaldosarel vi jekhes mashkar kadal cinora.

verse #3

Lensama pe tumende!

Pa jertipe Te bezexarela tuke tyo phral, de pe leste duma: haj te bunujala, atunchi jertin leske!

verse #4

Inke vi atunchi, kana andekh dyes eftavar bezexarela, haj sako dyes eftavar zhala palpale tute, haj kado phenla: »Bunusarav!«- jertisar leske.”

verse #5

Le aposhtolura atunchi kado phendine le Rajeske: „Barar ande amende o patyape!”

verse #6

O Raj kado phendas pe kado: „Kana numa kabor patyape avla tumen, sar jekh sinap sumburo, haj kadale dudenge kashteske kodo phenena: »Shindyosar avri zhikathar e buchuma haj mukh rikita ande mara!«, mukela pe tumenge.

verse #7

Kon phenel mashkar tumende peske slugaske, kana pala plugimata khere avel pa mal: »Avtar sigo, besh kaj e mesalya?«

verse #8

Barem na kodo phenel leske: »Ker mange xaben, brichinar tut opre haj slugisar man avri, zhikaj xav haj pav, pala kodo shaj xas haj shaj pes vi tu«?

verse #9

Apolal chi najisil le slugaske, ke kerdas sa kodola, so vladisardas leske?

verse #10

Kade vi tume, kana sakofalo kerena so vladisarde tumenge, phenen: »Khanchi kerde slugi sam, numa kodo kerdam, so amari butyi sas!«”

verse #11

Pelaspe apol, ke kana karing o Jeruzhalemo zhalas, perdal gelas pa Samaria haj Galilea.

verse #12

Kana andre gelas andekh gav, mostar leske avenas desh leprale mursh. Rigate tordyiline,

verse #13

haj glasunes cipinas: Jezush, Maistro! Gracijisar p«amende!”

verse #14

Kana dikhlas len, kodo phendas: „Zhantar, sikaven tumen le rashajenge!”. Haj kade pecisardyilas, ke sar zhanas, uzhilisajline.

verse #15

O Jekh mashkar lende, kana dikhlas, ke sastyilas, palpale gelas, haj glasunes luvudyilas le Devles,

verse #16

haj angla Jezusheske punre pe pesko muj burdosardes najisilas leske: haj kado samaricko sas.

verse #17

O Jezush pale kade das duma: „Haj na desh zhene uzhiline? Le majbut ijja kaj si?

verse #18

Nas kaver, kon palpale avilino, te luvudyisarel le Devles, feri kado streno?”

verse #19

Pala kodo kade das duma leste: „Ushtyi opre haj zhatar: tyo patyape sastyardas tut.”

verse #20

Kana le farizana pushline lestar, ke kana avlatar le Devlesko them, kado phendas lenge: „Le Devlesko them ch«avlatar sar dikhlimata.

verse #21

Chi phenena: »Aketa, kathe si,« bake »kothej«. Ke le Devlesko them mashkar tumende si.

verse #22

Le sityardenge pale kado phendas: „Avna dyesa kana fajas tumen le Manusheske Shavesko vi jekhtuno dyes te dikhen, ba chi dikhena les.

verse #23

Kana kodo phenena tumenge: »Aketa, kathe si«, aketa, kothe si«: na zhantar haj na nashen kothe.

verse #24

Ke sar o fimlalo shtrafin savo perdal dichol pa chereski jekh rig po kaver, kasavo avla vi le Manusheske Shavo pe pesko dyes.

verse #25

Ba majanglal inke but trubuj te dukharel, haj trubuj te mudarel les kadal populara.

verse #26

Sar ande Noeveske dyesa pecisajline, kade avla vi ande Manusheske Shaveske dyesa.

verse #27

Xanas, penas, ansurinas haj romeste zhanas zhikaj kodo dyes, pe savo o Noe andre gelas ando bero. Pala kodo avilas le barepajesko shordyipe, haj sakofalo mudardas.

verse #28

Haj zhikade, sar ande Loteske dyesa pecisajlas: Xanas, penas, kinenas thaj paruvenas, beshavnas, vazdenas.

verse #29

Haj kodo dyes kana o Lot avri gelas anda Sodoma, jag haj shtrafina perenas anda cheri haj mudardas sakones.

verse #30

Kade avla vi kodo dyes kana le Manushesko Shavo dichosajvela.

verse #31

Kon kodo dyes pe kheresko opralutnipe avla, haj leske butya ando kher, tena avel tele pala lende, te ingrel len: haj kon pe mal avla, tena avel khere.

verse #32

Serosaren pe Loteski romnyi.

verse #33

Kon kamel te muntusarel pesko trajo, xasarel kodo: kon pale xasarel les, muntusarel kodo.

verse #34

Phenav tumenge: Kodi ratyi dujzhene avna ande o pato: Jekhes oprelena, le kaveres kothe mukena.

verse #35

Duj romnya morel jekharsa: jekha oprelena, la kavera kothe mukena.

verse #36

Dujzhene avna pe mal: jekhes opre lena, le kaveres kothe mukhena.”

verse #37

Pe kado pushline lestar: „Kaj avla kado, Raja?” Voj kodo phendas lenge: „Kaj trupo si, kothe huran vi le akvilnura.”

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24