Lil kaj le filippivura

4. fejezet

Fejezetek:

1 2 3 4

O kristianicko zurardyipe

1. vers

Anda kado apol mure kamade phral, muri lossh haj korona, kade inkren avri ando Raj, mure kamade!

2. vers

La Evodia zurales mangav, haj vi le Sintiches, ke te hatyaren jekh ando Raj.

3. vers

Vi tut opre mangav muro butyako chacho amal, av pe kodalengo zhutipe, kon manca kethanes butyaren anda evangeliumo, le Kelemenesa haj mure majbute amalenca, kaske anava andrej ande trajoski hertija.

4. vers

Losshan ando Raj sagda! Pale phenav: Losshan!

5. vers

Te pinzharel sakon tumaro blindope! O Raj pashe si!

6. vers

Na aven ande khancheste daramne, ba sagda ande rudyimata phenen tumare mangaimata le Devleske!

7. vers

Le Devleski pacha pale, so majbari si kathar sako hatyaripe, asharela tumaro ilo haj godyi ando Kristo Jezush.

8. vers

Kaver falos pale phralale, pe kodo te phirel tumari godyi, so chachoj, so patyivaloj, so chachimaskoj, so uzhoj, so kamimaskoj, so asharimaskoj, haj so harnyikimaskoj.

9. vers

So sityiline haj patyajline, so ashundine haj dikhline mandar: kodo keren: haj tumenca avla o pachimasko Del.

Le aposhtolesko najisipe

10. vers

Chachikanes losshajlom ando raj, ke pale kasave zurale kerdyiline, ke pa mande shaj grizhon tumen. Vi anglunes grizhosardinesas tumen pa mande, ba nas tumen shajipe pe leste.

11. vers

Na o chorripe phenavel manca kado, ke aba sityilom kodo, ke dosta te avel mange kodo, so si man.

12. vers

Zhanav vi kethane te cirdav man, ba vi avri te uchuvav: sako thaneste sakofalo siklom: zhanav vi te chajuvav, vi te bokhajvav, mishto te trajisarav haj vi chorrivanes.

13. vers

Sakofalo zhanav te kerav ande kodo, kon man zor del.

14. vers

Ba vi kade mishto kerdine, ke mure amala kerdyiline ande muro chorripe.

15. vers

Vi tume zhanen, filippicka, ke kana anglunes viacaros o evangeliumo, kana anda Makedonia dromardemtar, chi jekh eklezhia chi las opre manca o kontakto, numa korkori tume.

16. vers

Inke aba vi ande Tessaloniki bishaldine unyivar variso pe muro zhutipe.

17. vers

Na anda kodo, sar pe varisoko dimatipe te dorosaros, ba anda kodo, ke kodalesko frukto dorosarav, so butindes iskirina pe tumari rig.

18. vers

Perdal lom sakofalo haj mishto trajiv: sakofalo si man, kathar kodi vrama kana perdal lom kathar o Epaforoditos so bishaldine, sar lashi sung, skunpo haj Devleske fajlimo sarkafimo.

19. vers

Muro Del andre pherdyarela tumaro sako trubujipe kathar pesko barvalipe luvudyipesa ando Kristo Jezush.

20. vers

Le Devleske haj amare Dadeske luvudyipe sagutno-sagutnes! Amen.