Lil kaj le filippivura

capítulo 4

Capítulos:

1 2 3 4

O kristianicko zurardyipe

verso 1

Anda kado apol mure kamade phral, muri lossh haj korona, kade inkren avri ando Raj, mure kamade!

verso 2

La Evodia zurales mangav, haj vi le Sintiches, ke te hatyaren jekh ando Raj.

verso 3

Vi tut opre mangav muro butyako chacho amal, av pe kodalengo zhutipe, kon manca kethanes butyaren anda evangeliumo, le Kelemenesa haj mure majbute amalenca, kaske anava andrej ande trajoski hertija.

verso 4

Losshan ando Raj sagda! Pale phenav: Losshan!

verso 5

Te pinzharel sakon tumaro blindope! O Raj pashe si!

verso 6

Na aven ande khancheste daramne, ba sagda ande rudyimata phenen tumare mangaimata le Devleske!

verso 7

Le Devleski pacha pale, so majbari si kathar sako hatyaripe, asharela tumaro ilo haj godyi ando Kristo Jezush.

verso 8

Kaver falos pale phralale, pe kodo te phirel tumari godyi, so chachoj, so patyivaloj, so chachimaskoj, so uzhoj, so kamimaskoj, so asharimaskoj, haj so harnyikimaskoj.

verso 9

So sityiline haj patyajline, so ashundine haj dikhline mandar: kodo keren: haj tumenca avla o pachimasko Del.

Le aposhtolesko najisipe

verso 10

Chachikanes losshajlom ando raj, ke pale kasave zurale kerdyiline, ke pa mande shaj grizhon tumen. Vi anglunes grizhosardinesas tumen pa mande, ba nas tumen shajipe pe leste.

verso 11

Na o chorripe phenavel manca kado, ke aba sityilom kodo, ke dosta te avel mange kodo, so si man.

verso 12

Zhanav vi kethane te cirdav man, ba vi avri te uchuvav: sako thaneste sakofalo siklom: zhanav vi te chajuvav, vi te bokhajvav, mishto te trajisarav haj vi chorrivanes.

verso 13

Sakofalo zhanav te kerav ande kodo, kon man zor del.

verso 14

Ba vi kade mishto kerdine, ke mure amala kerdyiline ande muro chorripe.

verso 15

Vi tume zhanen, filippicka, ke kana anglunes viacaros o evangeliumo, kana anda Makedonia dromardemtar, chi jekh eklezhia chi las opre manca o kontakto, numa korkori tume.

verso 16

Inke aba vi ande Tessaloniki bishaldine unyivar variso pe muro zhutipe.

verso 17

Na anda kodo, sar pe varisoko dimatipe te dorosaros, ba anda kodo, ke kodalesko frukto dorosarav, so butindes iskirina pe tumari rig.

verso 18

Perdal lom sakofalo haj mishto trajiv: sakofalo si man, kathar kodi vrama kana perdal lom kathar o Epaforoditos so bishaldine, sar lashi sung, skunpo haj Devleske fajlimo sarkafimo.

verso 19

Muro Del andre pherdyarela tumaro sako trubujipe kathar pesko barvalipe luvudyipesa ando Kristo Jezush.

verso 20

Le Devleske haj amare Dadeske luvudyipe sagutno-sagutnes! Amen.