Lil kaj le filippivura

Capítulos:

1 2 3 4

verso 1

Apol te mol variso ando Kristo zurardyipe, anda kamipe phendo feripe, o duhikano kethanipe, o jekh hatyaripe haj o jertipe,

verso 2

keren intregoske muri lossh kodolasa, ke jekh hatyarde sanle, haj zhikodo kamipe si ande tumende, haj jekh hatyarindes zhikodo kamen.

verso 3

Na keren khanchi anda rivalizalipe, haj chi anda phutyaripe, ba sakon blindones te inkrel le kaveres maj opralutneske pestar.

verso 4

Chi jekh mashkar tumende na peski butyi te shol anglal, ba le kaveresko.

verso 5

Zhikodo hatyaripe grizhon ande tumende, so vi ando Kristo Jezush sas,

verso 6

kon ande pesko devlikanipe chi inkrelas le Devlesa jekhipe kasava butyake, sar kaj varisoski sikar trubulas te cirdelpe,

verso 7

ba avr shushardas pes, slugikano trupo las opre, haj kasavo kerdyilas sar le majbut manusha, avralutnes kade sikadyilas, sar jekh manush.

verso 8

Tele lazharadas pes, muklikano kerdyilas zhikaj pesko meripe, apol kaj o trushulikano meripe.

verso 9

Anda kado o Del opreashardas les, haj kasavo anav das leske, savo opralutno si zhi pe sako anav,

verso 10

ke po Jezushesko anav te bandyol sako chang ando cheri, pe phuv haj telalutni luma,

verso 11

haj sako shib te phenel, ke „o Jezush Kristo si o Raj!” pe Dadunedevlesko luvudyipe.

verso 12

Kade apol mure skunpura, sar vi sagda muklikane sanasle, butyaren tumaro muntosardyipe darasa haj izdravjimatasa, na feri kade, sar kana mashkar tumende somas, ba inke majfeder akanak, kana dur som.

verso 13

Ke o Del si kodo, kon ande tumende o kamipe haj o kerdyipe jekharsa kerel kathar peski voja.

verso 14

Keren sakofalo bi xolyako haj sigo,

verso 15

ke bi doshale haj uzhe te aven, haj le Devleske bi doshale shave te aven mashkar nasul haj rumusarde generaciovura, mashkar kaste ablyon, sar le cherhaja ando sagutnipe.

verso 16

Cirden tumen kaj le trajosko alav, ke te ashol muro luvudyipe pe Kristosko dyes, ke chi nashlom haj chi khinyardyilom anda khanchi.

verso 17

Haj inke pe tumaro patyapesko sarkafimo haj slugipe opralutnes inke vi muro rat avri muken te avel pimoske sarkafimo, losshav haj kethanes vojivman tumenca.

verso 18

Zhikade vi tume losshan, haj manca kethanes vojin tumen.

verso 19

Sperantisarav ando Raj Jezush, ke le Timoteushes na pa buteste tumende shaj bishalav, ke vi me te pachardyuvav, ke te zhano pa tumare trabi.

verso 20

Ke khonyik naj man, kon ando duho kade cirdelas pe mande haj kasave uzhes pe pesko ilo phiravelas tumari butyi.

verso 21

Ke sakon peska butyasa grizholpe, haj na le Jezush Kristoskiresa.

verso 22

Lesko patyivalipe pinzharen, ke sar o shavoro peske dadeske kade kerelas manca o slugipe anda evangeliumo.

verso 23

Sperantisarv apol, ke shaj bishalav les, kana dikhav, ke sar boldadyon mure trabi.

verso 24

Haj vi kodo patyav ando Raj, ke vi me na pa buteste zhanav te zhav tumende.

verso 25

Kade gindisardom, ke le Epafroditos phrales, mure amales ande butyi, kon sar tumaro bishaldo, ande muro trubujipe po slugipe sas, tumende te bishalav,

verso 26

ke dorolaspe pala savorazhenende, haj brigajlas anda kodo, ke viaca ashundine pa lesko nasvalipe.

verso 27

Chaches, zurales nasvalo sas, ba o Del jertisardyilas pe leste, ba na feri pe leste, vi pe mande, tena resel man pe briga inke briga.

verso 28

Zhianda kado sigo bishaldom apol les, ke pale te losshan, kana pale dikhen les, haj tena avav brigako chi me.

verso 29

Patyivin les ando Raj intregone losshasa, haj patyivisaren le kasave manushen!

verso 30

Ke voj anda Kristoski butyi reslas pashe kaj o meripe, haj opreshutas pesko trajo, te kerel kodo slugipe karing mande, so tume chi kerdine.

Capítulos:

1 2 3 4