Lil le Tituseske
3. fejezet
Le bolardyilinenge socialnicka trubuimata
1. vers
Phen lenge, ke te muken pen le krajenge haj krisarenge, haj te aven gata pe sako lasho kerdyipe,
2. vers
khanyikas tena kushen, haj tena kecinpe. Te aven blindura, haj te sityaren kaj sakone manusheste inkerdino pachipe.
3. vers
Ke varikana vi ame bi zhangle, bi chache samas haj but falura doromatange slugisarasas, ando nasulipe haj xanzhvalipe trajisarasas, rucimaske haj ruci samas.
4. vers
Ba kana amare Muntoimasko Devlesko lashipe haj manushikano kamipe sikadyilas,
5. vers
muntosardas amen, na anda amare chache kerdyimata, so kerdam, ba anda lesko kamipe, anda Suntone Duhosko nyeveske kerdo haj nyevjardo thovjipe,
6. vers
kas butindes avri muklas pe amende o Jezush Kristo, perdal pa amaro Muntosari,
7. vers
ke kathar leski gracija chachardyilines, sperantimaske manusha te avas le sagutne trajoske.
8. vers
Chachi vorbaj kadi, haj kodo kamav, ke te zurares kado ande lende, ke kon patyan ando Del, te aven lashe kerdyimaske. Lashoj kado haj trubuj le manushenge.
Feripe kathar le xoxamne sityara
9. vers
Le dile kecitoren, falongeskundon, haj pa kris vorbisarde xape krujin, ke kodal khanchikerdeske butya si.
10. vers
Le hartikane manushes pala duj trin feripe krujisar,
11. vers
zhangles, ke o kasavo manush rumumej, bezexarel, haj voj krisarel pes.
Andreagoripe; andralutne phenimata haj drobovjimata
12. vers
Pala soste tute bishalav le Artemases bake le Tichkiuses, sidyar, av mande ando Nikopolis! Ke kade gindisardom, ke kothe ashuvo po jivend.
13. vers
Le kris sityari Zenases, haj le Apolloves mishto grizhosardines bishalav majdur, ke tena avel len faltipe ande khancheste.
14. vers
Ba vi amare te sityon, ke lashe kerdyimatanca te phiren anglal, kaj trubuj, ke tena aven bi fruktoske.
15. vers
Drobovjisaren tut savorazhene, kon manca si. Drobovjisar kodalen, kon kamen amen ando patyape!
Gracija te avel savorazhenenca! Amen.
Könyvek
